ਗਿਨੀ ’ਚ ਫੁੱਟਬਾਲ ਮੈਚ ਦੌਰਾਨ ਪ੍ਰਸ਼ੰਸਕਾਂ ਵਿਚਾਲੇ ਝੜਪ, 100 ਤੋਂ ਵਧ ਲੋਕਾਂ ਦੀ ਮੌਤ

Clash between fans during a football match in Guinea

ਕੋਨਾਕਰੀ (ਗਿਨੀ) : ਗਿਨੀ ਦੇ ਦੂਜੇ ਸੱਭ ਤੋਂ ਵੱਡੇ ਸ਼ਹਿਰ ਐਨਜ਼ੇਰੇਕੋਰ ’ਚ ਫੁੱਟਬਾਲ ਮੈਚ ਦੌਰਾਨ ਪ੍ਰਸ਼ੰਸਕਾਂ ਵਿਚਾਲੇ ਝੜਪਾਂ ਹੋ ਗਈਆਂ। ਇਸ ਦੌਰਾਨ ਝੜਪ ਵਿਚ ਦਰਜਨਾਂ ਲੋਕ ਮਾਰੇ ਗਏ ਸਨ। ਹਸਪਤਾਲ ਦੇ ਸੂਤਰਾਂ ਨੇ ਐਤਵਾਰ ਨੂੰ ਏਐਫ਼ਪੀ ਨੂੰ ਇਸ ਘਟਨਾ ਦੀ ਜਾਣਕਾਰੀ ਦਿਤੀ। ਇਕ ਡਾਕਟਰ, ਜਿਸ ਨੇ ਆਪਣਾ ਨਾਂ ਨਹੀਂ ਦਸਿਆ, ਨੇ ਕਿਹਾ, “ਹਸਪਤਾਲ ਵਿਚ ਜਿਥੋਂ ਤਕ ਅੱਖਾਂ ਵੇਖਦੀਆਂ ਸਨ ਕਤਾਰਾਂ ਵਿਚ ਲਾਸ਼ਾਂ ਪਈਆਂ ਸਨ।’’ ਦੂਸਰੇ ਕੋਰੀਡੋਰ ਵਿਚ ਫਰਸ਼ ’ਤੇ ਪਏ ਸਨ। ਮੁਰਦਾ ਘਰ ਭਰਿਆ ਹੋਇਆ ਸੀ।

ਉਸ ਨੇ ਕਿਹਾ ਕਿ ਲਗਪਗ 100 ਲੋਕ ਮਾਰੇ ਗਏ ਸਨ, ਸਥਾਨਕ ਹਸਪਤਾਲ ਅਤੇ ਮੁਰਦਾਘਰ ਲਾਸਾਂ ਨਾਲ ਭਰੇ ਹੋਏ ਸਨ। ਇਕ ਹੋਰ ਡਾਕਟਰ ਨੇ ਕਿਹਾ ਕਿ ਦਰਜਨਾਂ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਸੋਸ਼ਲ ਮੀਡੀਆ ’ਤੇ ਘੁੰਮ ਰਹੇ ਵੀਡੀਓਜ਼ ਨੇ ਮੈਚ ਦੇ ਬਾਹਰ ਸੜਕ ’ਤੇ ਭਾਜੜ ਦੇ ਦ੍ਰਿਸ਼ ਅਤੇ ਜ਼ਮੀਨ ’ਤੇ ਕਈ ਲਾਸ਼ਾਂ ਪਈਆਂ ਵਿਖਾਈਆਂ, ਜਿਸ ਦੀ ਤੁਰਤ ਪੁਸ਼ਟੀ ਨਹੀਂ ਕਰ ਸਕਿਆ।

ਗਵਾਹਾਂ ਅਨੁਸਾਰ, ਗੁੱਸੇ ਵਿਚ ਆਏ ਪ੍ਰਦਰਸ਼ਨਕਾਰੀਆਂ ਨੇ ਐਨਜ਼ੇਰੇਕੋਰ ਪੁਲਿਸ ਸਟੇਸ਼ਨ ਵਿਚ ਵੀ ਭੰਨਤੋੜ ਕੀਤੀ ਅਤੇ ਅੱਗ ਲਗਾ ਦਿਤੀ। ਇਹ ਸੱਭ ਇਕ ਵਿਵਾਦਪੂਰਨ ਰੈਫ਼ਰੀ ਦੇ ਫ਼ੈਸਲੇ ਨਾਲ ਸ਼ੁਰੂ ਹੋਇਆ, ਇਕ ਚਸ਼ਮਦੀਦ ਨੇ ਏਐਫ਼ਪੀ ਨੂੰ ਦਸਿਆ। ਫਿਰ ਪ੍ਰਸ਼ੰਸਕਾਂ ਨੇ ਮੈਦਾਨ ’ਤੇ ਹਮਲਾ ਕਰ ਦਿਤਾ। ਗਿਨੀ ਦੇ ਦੱਖਣ-ਪੂਰਬ ਵਿਚ, ਐਨਜ਼ੇਰੇਕੋਰ, ਜਿਥੇ ਝੜਪਾਂ ਹੋਈਆਂ ਸਨ, ਦੀ ਆਬਾਦੀ ਲਗਪਗ 200,000 ਹੈ।