Trade War: ਚੀਨ ਨੇ ਅਮਰੀਕਾ ’ਤੇ ਲਾਇਆ 15 ਫ਼ੀ ਸਦੀ ਟੈਰਿਫ਼
Trade War: ਮੀਟ ਤੋਂ ਲੈ ਕੇ ਫਲ-ਸਬਜ਼ੀਆਂ ਦੀ ਦਰਮਾਦ ’ਤੇ 10 ਮਾਰਚ ਤੋਂ ਟੈਰਿਫ਼ ਹੋਵੇਗਾ ਲਾਗੂ
Trade War: ਚੀਨ ਨੇ ਮੰਗਲਵਾਰ ਨੂੰ ਕਿਹਾ ਕਿ ਉਹ ਅਮਰੀਕਾ ਤੋਂ ਖ਼ੁਰਾਕ ਦਰਾਮਦ ’ਤੇ 15 ਪ੍ਰਤੀਸ਼ਤ ਤਕ ਟੈਰਿਫ਼ ਲਗਾ ਰਿਹਾ ਹੈ, ਕਿਉਂਕਿ ਡੋਨਾਲਡ ਟਰੰਪ ਦੁਆਰਾ ਲਗਾਏ ਗਏ ਤਾਜ਼ਾ ਟੈਰਿਫ਼ ਅੱਜ ਤੋਂ ਲਾਗੂ ਹੋ ਗਏ ਹਨ। ਚੀਨ ਦੇ ਵਿੱਤ ਮੰਤਰਾਲੇ ਨੇ ਅਮਰੀਕਾ ਤੋਂ ਮੀਟ, ਕਣਕ, ਮੱਕੀ ਅਤੇ ਕਪਾਹ ਦੇ ਆਯਾਤ ’ਤੇ 15 ਫ਼ੀ ਸਦੀ ਅਤੇ ਜੋਅਰ, ਸੋਇਆਬੀਨ, ਪੋਰਕ, ਬੀਫ਼, ਜਲ ਉਤਪਾਦ, ਫਲ, ਸਬਜ਼ੀਆਂ ਅਤੇ ਡੇਅਰੀ ਉਤਪਾਦਾਂ ਦੇ ਆਯਾਤ ’ਤੇ 10 ਫ਼ੀ ਸਦੀ ਟੈਰਿਫ ਲਗਾਉਣ ਦਾ ਐਲਾਨ ਕੀਤਾ ਹੈ। ਇਸ ਤੋਂ ਇਲਾਵਾ, ਚੀਨ ਨੇ ਕਈ ਅਮਰੀਕੀ ਫ਼ਰਮਾਂ ਨੂੰ ਆਪਣੀ ‘ਅਵਿਸ਼ਵਾਸਯੋਗ ਸੰਸਥਾ ਜਾਂ ਨਿਰਯਾਤ ਨਿਯੰਤਰਣ ਸੂਚੀ’ ਵਿਚ ਸ਼ਾਮਲ ਕੀਤਾ ਹੈ।
ਚੀਨ ਦੀ ਸਟੇਟ ਕੌਂਸਲ ਦੇ ਕਸਟਮਜ਼ ਕਮਿਸ਼ਨ ਨੇ ਕਿਹਾ ਕਿ 10 ਮਾਰਚ ਤੋਂ ਅਮਰੀਕੀ ਚਿਕਨ, ਕਣਕ, ਮੱਕੀ ਅਤੇ ਕਪਾਹ ’ਤੇ 15 ਫ਼ੀ ਸਦੀ ਵਾਧੂ ਟੈਰਿਫ਼ ਲਗਾਇਆ ਜਾਵੇਗਾ, ਨਾਲ ਹੀ ਸੋਇਆਬੀਨ, ਪੋਰਕ, ਬੀਫ ਅਤੇ ਡੇਅਰੀ ਉਤਪਾਦਾਂ ’ਤੇ 10 ਫ਼ੀ ਸਦੀ ਟੈਰਿਫ਼ ਲਗਾਇਆ ਜਾਵੇਗਾ। ਚੀਨੀ ਵਣਜ ਮੰਤਰਾਲੇ ਦੇ ਬੁਲਾਰੇ ਨੇ ਕਿਹਾ ਕਿ ਬੀਜਿੰਗ ਆਪਣੇ ਅਧਿਕਾਰਾਂ ਅਤੇ ਹਿੱਤਾਂ ਦੀ ਮਜ਼ਬੂਤੀ ਨਾਲ ਸੁਰੱਖਿਆ ਲਈ ਜਵਾਬੀ ਕਦਮ ਚੁੱਕੇਗਾ।
ਬੁਲਾਰੇ ਨੇ ਕਿਹਾ ਕਿ ਅਮਰੀਕਾ ਦੀ ਤੱਥਾਂ, ਅੰਤਰਰਾਸ਼ਟਰੀ ਵਪਾਰ ਨਿਯਮਾਂ ਅਤੇ ਸਾਰੇ ਪੱਖਾਂ ਦੀ ਆਵਾਜ਼ਾਂ ਦੀ ਅਣਦੇਖੀ ਕਰਨਾ ਇਕਪਾਸੜ ਅਤੇ ਧੱਕੇਸ਼ਾਹੀ ਵਾਲੀ ਕਾਰਵਾਈ ਹੈ। ਰਿਪੋਰਟ ਅਨੁਸਾਰ, ਚੀਨ ਦੇ ਵਣਜ ਮੰਤਰਾਲੇ ਨੇ ‘‘ਰਾਸ਼ਟਰੀ ਸੁਰੱਖਿਆ ਅਤੇ ਹਿੱਤਾਂ ਦੀ ਰੱਖਿਆ’’ ਲਈ ਦੰਡਕਾਰੀ ਵਪਾਰਕ ਉਪਾਵਾਂ ਲਈ ਡਰੋਨ ਨਿਰਮਾਤਾ ਸਕਾਈਡਿਓ ਸਮੇਤ 15 ਸੰਯੁਕਤ ਰਾਜ ਦੀਆਂ ਕੰਪਨੀਆਂ ਨੂੰ ਵੀ ਨਿਸ਼ਾਨਾ ਬਣਾਇਆ ਹੈ।
(For more news apart from Trade War Latest News, stay tuned to Rozana Spokesman)