ਫ਼ੇਸਬੁਕ ਨੂੰ ਦਿਕਤਾਂ ਦੂਰ ਕਰਨ ਵਿਚ ਲਗਣਗੇ ਕੁੱਝ ਸਾਲ : ਜ਼ਕਰਬਰਗ

 ਡੈਟਾ ਲੀਕ ਮਾਮਲੇ ਵਿਚ ਆਲੋਚਨਾ ਝੱਲ ਰਹੀ ਫ਼ੇਸਬੁਕ ਅਤੇ ਉਸ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਮਾਰਕ ਜ਼ਕਰਬਰਗ ਨੇ ਕੰਪਨੀ ਦੇ ਕਾਰੋਬਾਰੀ ਮਾਡਲ ਦਾ ਬਚਾਅ ਕਰਦਿਆਂ ਅਪਣਾ ਪੱਖ ਰਖਿਆ। ਉਨ੍ਹਾਂ ਕਿਹਾ ਕਿ ਖਪਤਕਾਰਾਂ ਦਾ ਵਿਅਕਤੀਗਤ ਡੈਟਾ ਹਾਸਲ ਕਰਨ ਨਾਲ ਜਿਹੜੀਆਂ ਸਮੱਸਿਆਵਾਂ ਆਈਆਂ, ਉਨ੍ਹਾਂ ਨੂੰ ਦੂਰ ਕਰਨ ਵਿਚ ਕੁੱਝ ਸਾਲ ਲੱਗਣਗੇ। ਜ਼ਕਰਬਰਗ ਨੇ ਕੰਪਨੀ ਦੇ ਕਾਰੋਬਾਰੀ ਮਾਡਲ ਅਤੇ ਐਪਲ ਦੇ ਸੀਈਓ ਟਿਮ ਕੁਕ ਵਲੋਂ ਕੀਤੀਆਂ ਗਈਆਂ ਆਲੋਚਨਾਵਾਂ ਦਾ ਬਚਾਅ ਕੀਤਾ। 

ਜ਼ਕਰਬਰਗ ਨੇ ਕਿਹਾ ਕਿ ਫ਼ੇਸਬੁਕ ਦੀਆਂ ਸਮੱਸਿਆਵਾਂ ਵਿਚੋਂ ਇਕ ਇਹ ਹੈ ਕਿ ਉਹ ਆਦਰਸ਼ਵਾਦੀ ਹੈ, ਉਸ ਨੇ ਲੋਕਾਂ ਨੂੰ ਜੋੜਨ ਦੇ ਹਾਂਪੱਖੀ ਪਹਿਲੂ 'ਤੇ ਧਿਆਨ ਕੇਂਦਰਤ ਕੀਤਾ। ਅਸੀਂ ਉਪਕਰਨਾਂ ਦੀ ਨਾਂਹਪੱਖੀ ਵਰਤੋਂ ਬਾਰੇ ਨਹੀਂ ਸੋਚਿਆ ਅਤੇ ਇਨ੍ਹਾਂ ਵਿਚ ਸਮਾਂ ਖ਼ਰਚ ਨਹੀਂ ਕੀਤਾ। 
ਉਨ੍ਹਾਂ ਕਿਹਾ, 'ਮੇਰਾ ਮੰਨਣਾ ਹੈ ਕਿ ਹੁਣ ਲੋਕ ਜੋਖਮਾਂ ਅਤੇ ਨਾਂਪੱਖੀ ਪਹਿਲੂਆਂ ਵਲ ਵੀ ਧਿਆਨ ਦੇ ਰਹੇ ਹਨ। (ਏਜੰਸੀ)