ਭਾਰਤ ਨੇ ਯੂ.ਐਨ ਤੋਂ ਅਤਿਵਾਦ 'ਤੇ ਵਿਆਪਕ ਸੰਮੇਲਨ ਆਯੋਜਿਤ ਕਰਨ ਦੀ ਕੀਤੀ ਮੰਗ

India demands UN convening a comprehensive conference on terrorism from the UN

ਸੰਯੁਕਤ ਰਾਸ਼ਟਰ : ਜੈਸ਼-ਏ-ਮੁਹੰਮਦ ਸਰਗਨਾ ਮਸੂਦ ਅਜ਼ਹਰ ਨੂੰ ਸੰਯੁਕਤ ਰਾਸ਼ਟਰ(ਯੂ.ਐਨ) ਵਿਚ ਸੰਸਾਰਕ ਅਤਿਵਾਦੀ ਐਲਾਨ ਕਰਨ ਦੀ ਮੰਗ ਵਿਚ ਸਫਲਤਾ ਮਿਲਣ ਤੋਂ ਬਾਅਦ ਭਾਰਤ ਨੇ ਕੌਮਾਂਤਰੀ ਅਤਿਵਾਦੀ ਮੁੱਦੇ 'ਤੇ ਪੈਂਡਿੰਗ ਸੰਸਾਰਕ ਸੰਮੇਲਨ ਆਯੋਜਿਤ ਕਰਵਾਉਣ ਦਾ ਸੱਦਾ ਦਿਤਾ ਹੈ। ਪੂਰੀ ਦੁਨੀਆ ਵਿਚ ਪ੍ਰਾਰਥਨਾ ਕਰਨ ਵਾਲੀਆਂ ਥਾਵਾਂ 'ਤੇ ਹੋ ਰਹੇ ਹਮਲੇ ਨੂੰ ਦੇਖਦੇ ਹੋਏ ਇਸ ਸੰਮੇਲਨ ਦੀ ਮੰਗ ਕੀਤੀ ਗਈ ਹੈ। ਭਾਰਤ ਨੇ ਕੌਮਾਂਤਰੀ ਅਤਿਵਾਦ 'ਤੇ ਵਿਆਪਕ ਸੰਮੇਲਨ (ਸੀ.ਸੀ. ਆਈ.ਟੀ.) ਆਯੋਜਿਤ ਕਰਨ ਨੂੰ ਲੈ ਕੇ ਇਕ ਡਰਾਫਟ ਦਸਤਾਵੇਜ਼ ਸੰਯੁਕਤ ਰਾਸ਼ਟਰ ਵਿਚ 1986 ਵਿਚ ਪੇਸ਼ ਕੀਤਾ ਸੀ

ਪਰ ਇਹ ਲਾਗੂ ਨਹੀਂ ਹੋ ਸਕਿਆ ਕਿਉਂਕਿ ਮੈਂਬਰ ਰਾਸ਼ਟਰਾਂ ਵਿਚਾਲੇ ਅਤਿਵਾਦ ਦੀ ਪਰਿਭਾਸ਼ਾ ਨੂੰ ਲੈ ਕੇ ਇਕ ਰਾਏ ਨਹੀਂ ਬਣ ਸਕੀ ਸੀ। ਸੰਯੁਕਤ ਰਾਸ਼ਟਰ ਵਿਚ ਭਾਰਤ ਦੇ ਸਥਾਈ ਪ੍ਰਤੀਨਿਧੀ ਸਈਅਦ ਅਕਬਰੂਦੀਨ ਨੇ ਸ੍ਰੀਲੰਕਾ ਵਿਚ ਈਸਟਰ ਸੰਡੇ ਦੇ ਹਮਲੇ ਵਿਚ ਮਾਰੇ ਗਏ ਲੋਕਾਂ ਦੀ ਯਾਦ ਵਿਚ ਸ਼ੁਕਰਵਾਰ ਨੂੰ ਆਯੋਜਿਤ ਇਕ ਪ੍ਰੋਗਰਾਮ ਵਿਚ ਕਿਹਾ ਕਿ ਅਤਿਵਾਦ ਨਾਲ ਨਜਿੱਠਣ ਲਈ ਸੰਸਾਰਕ ਖਾਕਾ ਛੇਤੀ ਤਿਆਰ ਹੋਣਾ ਸ੍ਰੀਲੰਕਾ ਵਿਚ ਅਤਿਵਾਦੀ ਹਮਲੇ ਵਿਚ ਮਾਰੇ ਗਏ ਲੋਕਾਂ ਪ੍ਰਤੀ ਸ਼ਰਧਾਂਜਲੀ ਹੋਵੇਗੀ।

ਉਨ੍ਹਾਂ ਨੇ ਕਿਹਾ ਕਿ ਪ੍ਰਾਰਥਨਾ ਕਰਨ ਵਾਲੀਆਂ ਥਾਵਾਂ ਅਤੇ ਮਨੋਰੰਜਨ ਵਾਲੀਆਂ ਥਾਵਾਂ 'ਤੇ ਕਰੂਰਤਾ ਅਤੇ ਕਾਇਰਾਨਾ ਹਮਲੇ ਨੇ ਵੱਖ-ਵੱਖ ਦੇਸ਼ਾਂ ਦੇ ਸੈਂਕੜੇ ਨਾਗਰਿਕਾਂ ਦੇ ਨਿਰਦੋਸ਼ ਲੋਕਾਂ ਦੀ ਜਾਨ ਲੈ ਲਈ।ਇਹ ਇਸ ਗੱਲ ਦੀ ਯਾਦ ਦਿਵਾਉਂਦਾ ਹੈ ਕਿ ਅਤਿਵਾਦ ਸਿਰਫ ਆਜੀਵਿਕਾ ਦੇ ਸਾਧਨ ਅਤੇ ਲੋਕਾਂ ਦੀਆਂ ਜ਼ਿੰਦਗੀਆਂ ਹੀ ਨਹੀਂ ਬਰਬਾਦ ਕਰਦਾ ਹੈ ਸਗੋਂ ਸਮਾਜ ਨੂੰ ਛਿੰਨ-ਬਿੰਨ ਕਰਦਾ, ਦੇਸ਼ ਨੂੰ ਅਸਥਿਰ ਕਰਦਾ ਹੈ ਅਤੇ ਡਰ ਦੇ ਵਾਸਤੇ ਹੀ ਡਰ ਪੈਦਾ ਕਰਕੇ ਮਨੁੱਖੀ ਵਿਸ਼ਵਾਸ ਨੂੰ ਤੋੜਦਾ ਹੈ।

ਅਕਬਰੂਦੀਨ ਨੇ ਇਸ ਦੌਰਾਨ ਇਹ ਸੰਮੇਲਨ ਆਯੋਜਿਤ ਕਰਾਉਣ ਦੇ ਸੰਯੁਤਕ ਰਾਸ਼ਟਰ ਵਿਚ ਸ੍ਰੀਲੰਕਾ ਦੇ ਸਥਾਈ ਦੂਤ ਅਮ੍ਰਿਤ ਰੋਹਨ ਪੇਰੇਰਾ ਦੀ ਕੋਸ਼ਿਸ਼ਾਂ ਦਾ ਵੀ ਜ਼ਿਕਰ ਕੀਤਾ। ਇਹ ਸੰਮੇਲਨ ਸੰਯੁਤਕ ਰਾਸ਼ਟਰ ਵਿਚ ਸ੍ਰੀਲੰਕਾ ਵਿਚ ਸਥਾਈ ਮਿਸ਼ਨ ਅਤੇ ਮਹਾਸਭਾ ਦੀ ਪ੍ਰਧਾਨ ਵਲੋਂ ਆਯੋਜਿਤ ਕੀਤਾ ਗਿਆ ਸੀ।  (ਪੀਟੀਆਈ)