ਇਰਾਨ ਦੇ ਚਾਬਹਾਰ 'ਚ ਅਤਿਵਾਦੀ ਹਮਲਾ, 3 ਦੀ ਮੌਤ 19 ਜ਼ਖਮੀ

Middle east bomb explodes Iran

ਤੇਹਰਾਨ (ਭਾਸ਼ਾ): ਇਰਾਨ 'ਚ ਪੋਰਟ ਸ਼ਹਿਰ ਚਾਬਹਾਰ 'ਚ ਪੁਲਿਸ ਕਮਾਂਡ ਪੋਸਟ 'ਤੇ ਹਮਲਾ ਹੋਇਆ ਹੈ ਜਿਸ 'ਚ ਘੱਟ ਤੋਂ ਘੱਟ ਤਿੰਨ ਲੋਕਾਂ ਦੀ ਮੌਤ ਹੋ ਗਈ। ਸਥਾਨਕ ਮੀਡੀਆ ਮੁਤਾਬਕ, ਪੁਲਿਸ ਕਮਾਂਡ ਪੋਸਟ 'ਤੇ ਬੰਬ ਨਾਲ ਹਮਲਾ ਹੋਇਆ, ਜਿਸ 'ਚ ਕਾਫ਼ੀ ਲੋਕ ਜ਼ਖ਼ਮੀ ਵੀ ਹੋਏ ਹਨ। ਮੀਡੀਆ ਇਸ ਨੂੰ ਅਤਿਵਾਦੀ ਹਮਲਾ ਕਰਾਰ ਦੇ ਰਹੀ ਹੈ। ਉਥੇ ਹੀ ਈਰਾਨ ਦੀ ਸਮਾਚਾਰ ਏਜੰਸੀ ਦੇ ਮੁਤਾਬਤ, ਬੰਬ ਧਮਾਕਾ ਪੁਲਿਸ ਨੂੰ ਟਾਰਗੇਟ ਕਰਦੇ ਹੋਏ ਇਕ ਕਾਰ 'ਚ ਕੀਤਾ ਗਿਆ। 

ਸੂਤਰਾਂ ਮੁਤਾਬਕ ਇਰਾਨ ਦੇ ਚਾਬਹਾਰ ਦੇ ਦੱਖਣ ਬੰਦਰਗਾਹ 'ਚ ਹੋਇਆ ਇਹ ਅਤਿਵਾਦੀ ਹਮਲਾ ਹੈ। ਇਸ ਹਮਲੇ 'ਚ ਤਿੰਨ ਲੋਕਾਂ ਦੀ ਮੌਤ ਹੋ ਗਈ ਅਤੇ ਲਗ-ਭੱਗ 19 ਲੋਕ ਜਖ਼ਮੀ ਹੋਏ ਹਨ। ਦੂਜੇ ਪਾਸੇ ਪੁਲਿਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿਤੀ ਹੈ। ਜਦੋਂ ਕਿ ਹੁਣ ਤੱਕ ਧਮਾਕੇ ਦੀ ਜਿੰਮੇਦਾਰੀ ਕਿਸੇ ਅਤਿਵਾਦੀ ਸੰਗਠਨ ਨੇ ਨਹੀਂ ਲਈ ਹੈ। ਦੱਸ ਦਈਏ ਕਿ ਚਾਬਹਾਰ ਪੋਰਟ ਨੂੰ ਭਾਰਤ, ਇਰਾਨ ਅਤੇ ਅਫਗਾਨਿਸਤਾਹਨ ਮਿਲ ਕੇ ਵਰਤੋਂ ਕਰਦੇ ਹਨ।

ਦੱਸ ਦਈਏ ਕਿ ਮਈ 2016 'ਚ ਭਾਰਤ, ਇਰਾਨ ਅਤੇ ਅਫਗਾਨਿਸਤਾਨ ਨੇ ਟਰਾਂਜ਼ਿਟ ਅਤੇ ਟਰਾਂਸਪੋਰਟ ਕਾਰਿਡੋਰ ਦੀ ਉਸਾਰੀ ਲਈ ਸਮੱਝੌਤੇ 'ਤੇ ਦਸਤਖਤ ਕੀਤੇ ਸਨ। ਇਸ ਦੇ ਤਹਿਤ ਚਾਬਹਾਰ ਬੰਦਰਗਾਹ ਦਾ ਤਿੰਨੇ ਦੇਸ਼ ਵਰਤੋਂ ਕਰ ਸਕਣਗੇ। ਇਹ ਇਰਾਨ ਵਿਚ ਨੌਂ ਟ੍ਰਾਂਸਪੋਰਟ ਦੇ ਖੇਤਰੀ ਕੇਂਦਰ ਦੇ ਰੂਪ 'ਚ ਹੋਵੇਗਾ। ਇਸ ਤੋਂ ਇਲਾਵਾ ਤਿੰਨਾਂ ਦੇਸ਼ਾਂ ਨੂੰ ਅਰਬਾਂ ਡਾਲਰ ਦੇ ਸਮਾਨ ਅਤੇ ਮੁਸਾਫਰਾਂ ਦੀ ਆਵਾਜਾਈ ਵੀ ਹੋ ਸਕੇਗੀ।

ਭਾਰਤ ਇਰਾਨ 'ਚ ਚਾਬਹਾਰ ਪੋਰਟ ਦੇ ਜ਼ਰਿਏ ਇਸ ਪੂਰੇ ਇਲਾਕੇ 'ਚ ਚੀਨ-ਪਾਕ ਦੇ ਖਿਲਾਫ ਇਕ ਮਾਨੋਵਿਗਿਆਨਿਕ ਬੜ੍ਹਤ ਬਣਾ ਚੁੱਕਿਆ ਹੈ। ਪਾਕਿਸਤਾਨ ਨੂੰ ਬਾਈਪਾਸ ਕਰਦੇ ਹੋਏ ਚਾਬਹਾਰ ਪੋਰਟ ਪਹੁੰਣਾ ਭਾਰਤ ਲਈ ਰਣਨੀਤੀਕ ਅਤੇ ਰਾਜਨੀਤਕ ਜਿੱਤ ਹੈ। ਦੱਸ ਦਈਏ ਕਿ ਮਈ 2016 ਵਿਚ ਪੀਐਮ ਮੋਦੀ  ਦੀ ਹਾਜ਼ਰੀ 'ਚ ਇਸ ਦੇ ਲਈ ਦੁੱਵਲੇ ਮਸਝੌਤੇ ਹੋਇਆ ਸੀ।

ਜਿਸ ਦੇ ਤਹਿਤ ਭਾਰਤ ਨੇ ਪਹਿਲੇ ਪੜਾਅ ਦੇ ਵਿਕਾਸ 'ਚ ਕਰੀਬ 85.21 ਮਿਲਿਅਨ ਡਾਲਰ ਦਾ ਨਿਵੇਸ਼ ਕੀਤਾ ਹੈ। ਇਸ ਤੋਂ ਇਲਾਵਾ ਭਾਰਤ ਫੀਸ ਦੇ ਰੂਪ ਵਿਚ ਇਰਾਨ ਨੂੰ ਦਸ ਸਾਲ ਵਿਚ 22.94 ਮਿਲਿਅਨ ਡਾਲਰ ਦੇਵੇਗਾ। ਇੰਨਾ ਹੀ ਨਹੀਂ ਇਰਾਨ ਭਾਰਤ ਨੂੰ ਚਾਬਹਾਰ ਪੋਰਟ ਦਾ ਮੈਨੇਜਮੈਂਟ ਵੀ ਦੇਣ ਨੂੰ ਰਾਜ਼ੀ ਹੋ ਗਿਆ ਹੈ ।  ਇਸ ਦਾ ਮਤਲੱਬ ਇਹ ਹੋਇਆ ਕਿ ਭਾਰਤ ਇਸ ਪੋਰਟ ਦਾ ਅਪਣੀ ਜ਼ਰੂਰਤਾਂ ਦੇ ਲਿਹਾਜ਼ ਨਾਲ ਵਰਤੋਂ ਕਰ ਸਕੇਂਗਾ।