UK 'ਚ ਭਾਰਤੀ ਖਾਣੇ ਤੋਂ ਖੁਸ਼ ਹੋ ਕੇ ਮਸ਼ਹੂਰ ਅਮਰੀਕੀ ਅਦਾਕਾਰ ਜੌਨੀ ਡੈੱਪ ਨੇ ਦਿੱਤੀ 49 ਲੱਖ ਰੁਪਏ ਦੀ ਟਿਪ

Johnny Depp

 

ਬਰਮਿੰਘਮ – ਮਸ਼ਹੂਰ ਅਮਰੀਕੀ ਅਦਾਕਾਰ ਜੌਨੀ ਡੈੱਪ ਤੇ ਅੰਬਰ ਹਰਡ ਦਾ ਮਾਨਹਾਨੀ ਕੇਸ ਖ਼ਤਮ ਹੋਇਆ ਹੈ। 6 ਹਫ਼ਤੇ ਲੰਮੇ ਚੱਲੇ ਇਸ ਕੇਸ ਦੀ ਫੇਅਰਫੈਕਸ, ਵਰਜੀਨੀਆ ਵਿਖੇ ਸੁਣਵਾਈ ਹੋਈ ਤੇ ਜੌਨੀ ਡੈੱਪ ਨੇ 50 ਮਿਲੀਅਨ ਡਾਲਰ ਦਾ ਇਹ ਮਾਨਹਾਨੀ ਮੁਕੱਦਮਾ ਜਿੱਤਿਆ ਹੈ। ਇਸ ਤੋਂ ਬਾਅਦ ਜੌਨੀ ਨੂੰ ਗਿਟਾਰਿਸਟ ਜੈੱਫ ਬੇਕ ਨਾਲ ਯੂ. ਕੇ. ਦੀਆਂ ਵੱਖ-ਵੱਖ ਥਾਵਾਂ ’ਤੇ ਘੁੰਮਦੇ ਦੇਖਿਆ ਗਿਆ।

Johnny Depp

ਇਸ ਦੌਰਾਨ ਇਹ ਖ਼ਬਰ ਸਾਹਮਣੇ ਆਈ ਕਿ ਜੈਨੀ ਡੈੱਪ ਨੇ ਜੈੱਫ ਨਾਲ ਇਕ ਕਰੀ ਹਾਊਸ ਬਰਮਿੰਘਮ ਵਿਖੇ ਡਿਨਰ ਕੀਤਾ ਤੇ ਟਿਪ ਦੌਰਾਨ 49 ਲੱਖ ਰੁਪਏ ਦਿੱਤੇ। ਦੱਸਿਆ ਜਾ ਰਿਹਾ ਹੈ ਕਿ ਇਨ੍ਹਾਂ ਦੋਵਾਂ ਨੇ ਕਰੀ ਲਈ ਹਜ਼ਾਰਾਂ ਰੁਪਏ ਦੇ ਦਿੱਤੇ ਤੇ ਟਿਪ ਦੌਰਾਨ ਵੇਟਰ ਨੂੰ ਮੋਟੀ ਟਿਪ ਦਿੱਤੀ। ਜੌਨੀ ਤੇ ਜੈੱਫ ਨੇ ਭਾਰਤੀ ਰੈਸਟੋਰੈਂਟ ’ਚ ਭਾਰਤੀ ਖਾਣੇ, ਕੋਕਟੇਲ ਤੇ ਰੋਜ਼ ਸ਼ੈਂਪੇਨ ਦਾ ਸੁਆਦ ਚਖਿਆ।

Johnny Depp

ਬਰਮਿੰਘਮ ਦੇ ‘ਵਾਰਾਣਸੀ ਰੈਸਟੋਰੈਂਟ’ ਦੇ ਇਕ ਬੁਲਾਰੇ ਨੇ ਦੱਸਿਆ ਕਿ ਜੌਨੀ ਤੇ ਜੈੱਫ ਦੀ ਮਹਿਮਾਨ ਨਵਾਜ਼ੀ ਕਰਨਾ ਉਨ੍ਹਾਂ ਲਈ ਮਾਣ ਦੀ ਗੱਲ ਹੈ। ਵਾਰਾਣਸੀ ਰੈਸਟੋਰੈਂਟ ਦੇ ਮੁਹੰਮਦ ਹੁਸੈਨ ਨੇ ਕਿਹਾ, ‘‘ਜੌਨੀ ਡੈੱਪ ਤੇ ਉਨ੍ਹਾਂ ਦੀ ਟੀਮ ਨੇ ਖਾਣੇ ਨੂੰ ਬੇਹੱਦ ਪਸੰਦ ਕੀਤਾ ਤੇ ਉਨ੍ਹਾਂ ਨੇ ਸਾਡੀ ਕੰਪਨੀ ਦਾ ਆਨੰਦ ਮਾਣਿਆ। ਇਸ ਦੇ ਨਾਲ ਹੀ ਉਹ ਹੋਟਲ ਲਈ ਸਾਡਾ ਖਾਣਾ ਪੈਕ ਕਰਵਾ ਕੇ ਵੀ ਲੈ ਕੇ ਗਏ।’’

ਉਨ੍ਹਾਂ ਕਿਹਾ, ‘‘ਜੌਨੀ ਨੇ ਹੋਟਲ ਦੇ ਸਟਾਫ ਨਾਲ ਤਸਵੀਰਾਂ ਵੀ ਖਿਚਵਾਈਆਂ ਤੇ ਮਸਤੀ ਵੀ ਕੀਤੀ। ਉਹ ਬਹੁਤ ਨਰਮ ਸੀ ਤੇ ਸਾਰਿਆਂ ਨਾਲ ਬਹੁਤ ਹੀ ਪਿਆਰ ਨਾਲ ਪੇਸ਼ ਆ ਰਹੇ ਸੀ। ਉਹ ਮੇਰੀਆਂ ਧੀਆਂ ਨਾਲ ਵੀ ਮਿਲਿਆ।’’