ਅਮਰੀਕਾ ਦੇ ਟਾਈਮਜ਼ ਸੁਕੇਅਰ (ਚੌਕ) ’ਤੇ ਸ਼੍ਰੀ ਰਾਮ ਦੀ ਤਸਵੀਰ ਕੀਤੀ ਪ੍ਰਦਰਸ਼ਿਤ

A picture of Shri Ram displayed on Times Square in America

ਨਿਊਯਾਰਕ, 6 ਅਗੱਸਤ :  ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵਲੋਂ ਅਯੁੱਧਿਆ ਵਿਚ ਰਾਮ ਮੰਦਰ ਨਿਰਮਾਣ ਲਈ ਭੂਮੀ ਪੂਜਾ ਤੇ ਨੀਂਹ ਪੱਥਰ ਰਖਿਆ ਗਿਆ। ਇਸ ਇਤਿਹਾਸਕ ਪਲ ਦਾ ਜਸ਼ਨ ਅਮਰੀਕਾ ਦੇ ਮਸ਼ਹੂਰ ਟਾਈਮਜ਼ ਸੁਕੇਅਰ (ਚੌਕ) ’ਤੇ ਇਕ ਵਡੇ ਬਿਲਬੋਰਡ ’ਤੇ ਭਗਵਾਨ ਸ਼੍ਰੀ ਰਾਮ ਦੀ ਤਸਵੀਰ ਪ੍ਰਦਰਸ਼ਿਤ ਕਰ ਕੇ ਮਨਾਇਆ ਗਿਆ। ਇਥੇ ਵੱਡੀ ਗਿਣਤੀ ਵਿਚ ਭਾਰਤੀਆਂ ਨੇ ਇਕੱਠੇ ਹੋ ਕੇ ਜਸ਼ਨ ਮਨਾਇਆ। ਭਗਵਾਨ ਰਾਮ ਅਤੇ ਮੰਦਰ ਦੀਆਂ ਤਸਵੀਰਾਂ ਤੇ ਭਾਰਤੀ ਤਿਰੰਗਾ ਵਿਸ਼ਾਲ ਐੱਲ. ਈ. ਡੀ. ਡਿਸਪਲੇ ਸਕਰੀਨ ’ਤੇ ਬੁਧਵਾਰ ਨੂੰ ਪ੍ਰਦਰਸ਼ਿਤ ਕੀਤੇ ਗਏ। ਆਯੋਜਕਾਂ ਨੇ ਬੁੱਧਵਾਰ ਸਵੇਰੇ 8 ਵਜੇ ਤੋਂ ਰਾਤ 10 ਵਜੇ ਇਨ੍ਹਾਂ ਤਸਵੀਰਾਂ ਨੂੰ ਪ੍ਰਦਰਸ਼ਿਤ ਕਰਨਾ ਸੀ ਪਰ ਇਸ ਨੂੰ ਤਕਰੀਬਨ 4 ਘੰਟੇ ਬਾਅਦ ਦੁਪਹਿਰ ਇਕ ਵਜੇ ਤਕ ਹੀ ਪ੍ਰਦਰਸ਼ਿਤ ਕੀਤਾ ਗਿਆ। ਆਯੋਜਕਾਂ ਨੇ ਇਥੇ ਦੀਵੇ ਜਗਾਉਣ, ਭਜਨ ਗਾਉਣ ਅਤੇ ਮਠਿਆਈਆਂ ਵੰਡਣ ਦਾ ਪ੍ਰਬੰਧ ਕੀਤਾ ਸੀ। ਲੋਕ ਇਥੇ ਸੱਭਿਆਚਾਰਕ ਕਪੜਿਆਂ ਵਿਚ ਸਜੇ ਹੋਏ ਨਜ਼ਰ ਆਏ। ਲੋਕਾਂ ਨੇ ਜੈ ਸ਼੍ਰੀ ਰਾਮ ਦੇ ਨਾਅਰੇ ਲਗਾ ਕੇ ਅਪਣਾ ਉਤਸਾਹ ਪ੍ਰਗਟਾਇਆ।                        
    (ਪੀਟੀਆਈ)