ਸਪੇਨ 'ਚ ਦੋ ਟਰੇਨਾਂ ਵਿਚਾਲੇ ਹੋਈ ਟੱਕਰ: 150 ਤੋਂ ਵੱਧ ਲੋਕ ਜ਼ਖ਼ਮੀ

Collision between two trains in Spain: More than 150 people injured

 

ਸਪੇਨ: ਬਾਰਸੀਲੋਨਾ ਨੇੜੇ ਬੁੱਧਵਾਰ ਸਵੇਰੇ ਦੋ ਟਰੇਨਾਂ ਵਿਚਾਲੇ ਹੋਈ ਟੱਕਰ 'ਚ 155 ਲੋਕਾਂ ਦੇ ਜ਼ਖਮੀ ਹੋ ਜਾਣ ਦੀ ਖ਼ਬਰ ਸਾਹਮਣੇ ਆਈ ਹੈ। ਹਾਲਾਂਕਿ ਇਸ ਹਾਦਸੇ 'ਚ ਕੋਈ ਵੀ ਗੰਭੀਰ ਜ਼ਖ਼ਮੀ ਨਹੀਂ ਹੋਇਆ ਹੈ। ਸਪੇਨ ਦੇ ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਕੈਟਾਲੋਨੀਆ ਦੀ ਐਮਰਜੈਂਸੀ ਸੇਵਾ ਨੇ ਕਿਹਾ ਕਿ ਤਿੰਨ ਲੋਕਾਂ ਨੂੰ ਸਿਹਤ ਸਹੂਲਤ ਲਈ ਲਿਜਾਇਆ ਗਿਆ, ਪਰ ਕਿਸੇ ਵੀ ਯਾਤਰੀ ਨੂੰ ਗੰਭੀਰ ਸੱਟ ਨਹੀਂ ਲੱਗੀ।

ਅਧਿਕਾਰੀਆਂ ਨੇ ਦੱਸਿਆ ਕਿ ਬਾਰਸੀਲੋਨਾ ਦੇ ਉੱਤਰ ਵਿੱਚ ਮੋਂਟਕਾਡਾ ਆਈ ਰੀਕਸੈਕ ਵਿੱਚ ਦੋ ਰੇਲਗੱਡੀਆਂ ਇੱਕ ਟ੍ਰੈਕ ਉੱਤੇ ਟਕਰਾ ਗਈਆਂ। ਮੈਡਰਿਡ ਵਿੱਚ ਕੈਟਾਲੋਨੀਆ ਸਰਕਾਰ ਦੇ ਪ੍ਰਤੀਨਿਧੀ ਐਸਟਰ ਕੈਪੇਲਾ ਨੇ ਸਪੈਨਿਸ਼ ਨੈਸ਼ਨਲ ਰੇਡੀਓ ਨੂੰ ਦੱਸਿਆ ਕਿ ਅਧਿਕਾਰੀ ਘਟਨਾ ਦੀ ਜਾਂਚ ਕਰ ਰਹੇ ਹਨ।