Russia-Ukraine War : ਰੂਸ ਦੀ 41st ਆਰਮੀ ਸਟਾਫ਼ ਦੇ ਚੀਫ਼ ਮੇਜਰ ਜਨਰਲ ਵਿਟਾਲੀ ਗੇਰਾਸੀਮੋਵ ਦੀ ਮੌਤ
ਰੂਸ ਦੇ ਸੁਰੱਖਿਅਤ ਸੰਚਾਰ ਸਾਧਨ ਹੁਣ ਯੂਕਰੇਨ ਦੇ ਅੰਦਰ ਕੰਮ ਨਹੀਂ ਕਰ ਰਹੇ - ਯੂਕਰੇਨ ਡਿਫੈਂਸ ਮੰਤਰਾਲਾ
ਕੀਵ : ਯੂਕਰੇਨ ਅਤੇ ਰੂਸ ਵਿਚਾਲੇ ਜੰਗ ਲਗਾਤਾਰ ਹੋ ਰਹੀ ਹੈ। ਅਜਿਹੇ 'ਚ ਹੁਣ ਜਾਣਕਾਰੀ ਮਿਲੀ ਹੈ ਕਿ ਯੂਕਰੇਨ ਨੇ ਖਾਰਕੀਵ 'ਚ ਰੂਸੀ ਮੇਜਰ ਜਨਰਲ ਵਿਟਾਲੀ ਗੇਰਾਸਿਮੋਵ ਦੀ ਮੌਤ ਹੋ ਗਈ ਹੈ। ਕੀਵ ਇੰਡੀਪੈਂਡੈਂਟ ਨੇ ਯੂਕਰੇਨ ਦੇ ਰੱਖਿਆ ਮੰਤਰਾਲੇ ਦੇ ਮੁੱਖ ਖੁਫੀਆ ਡਾਇਰੈਕਟੋਰੇਟ ਦੇ ਹਵਾਲੇ ਨਾਲ ਇਹ ਜਾਣਕਾਰੀ ਦਿੱਤੀ ਹੈ।
ਦੱਸ ਦੇਈਏ ਕਿ ਮੇਜਰ ਜਨਰਲ ਵਿਟਾਲੀ ਦੂਜਾ ਵੱਡਾ ਫ਼ੌਜੀ ਅਫ਼ਸਰ ਸੀ ਜਿਸ ਦੀ ਇਸ ਜੰਗ ਵਿਚ ਮੌਤ ਹੋਈ ਹੈ ਕਿਉਂਕਿ ਇਸ ਤੋਂ ਪਹਿਲਾਂ ਵੀ ਇੱਕ ਮੇਜਰ ਜਨਰਲ ਰੈਂਕ ਦੇ ਰੂਸੀ ਅਧਿਕਾਰੀ ਦੀ ਮੌਤ ਦੀ ਖ਼ਬਰ ਮਿਲੀ ਸੀ। ਕੀਵ ਇੰਡੀਪੈਂਡੈਂਟ ਨੇ ਇੱਕ ਟਵੀਟ ਵਿੱਚ ਲਿਖਿਆ ਕਿ ਯੂਕਰੇਨ ਦੇ ਰੱਖਿਆ ਮੰਤਰਾਲੇ ਦੇ ਮੁੱਖ ਖੁਫੀਆ ਵਿਭਾਗ ਨੇ ਕਿਹਾ ਕਿ ਯੂਕਰੇਨ ਨੇ ਖਾਰਕੀਵ ਦੇ ਕੋਲ ਰੂਸੀ ਮੇਜਰ ਜਨਰਲ ਵਿਟਾਲੀ ਗੇਰਾਸਿਮੋਵ ਨੂੰ ਮਾਰ ਦਿੱਤਾ ਹੈ।
ਗੇਰਾਸਿਮੋਵ ਇੱਕ ਸੀਨੀਅਰ ਫ਼ੌਜੀ ਅਧਿਕਾਰੀ ਸੀ ਜਿਸਨੇ ਦੂਜੇ ਚੇਚਨ ਯੁੱਧ ਵਿੱਚ ਹਿੱਸਾ ਲਿਆ ਸੀ ਅਤੇ ਉਸਨੂੰ "ਕ੍ਰੀਮੀਆ ਦੇ ਕਬਜ਼ੇ" ਲਈ ਇੱਕ ਤਮਗ਼ਾ ਦਿੱਤਾ ਗਿਆ ਸੀ। ਦੱਸ ਦੇਈਏ ਕਿ ਵਿਟਾਲੀ ਰੂਸ ਦੀ 41st ਆਰਮੀ ਸਟਾਫ਼ ਦੇ ਚੀਫ਼ ਮੇਜਰ ਜਨਰਲ ਸਨ। ਮੰਤਰਾਲੇ ਵਲੋਂ ਇਹ ਵੀ ਜਾਣਕਾਰੀ ਪ੍ਰਸਾਰਿਤ ਕੀਤੀ ਗਈ ਹੈ ਜੋ ਦੋ ਰੂਸੀ ਐਫਐਸਬੀ ਅਫਸਰਾਂ ਵਿਚਕਾਰ ਇਸ ਮੌਤ ਬਾਰੇ ਕੀਤੀ ਚਰਚਾ ਦਾ ਦਾਅਵਾ ਕਰ ਰਹੀ ਹੈ।
ਇਸ ਅਨੁਸਾਰ ਦੋਵੇਂ ਅਧਿਕਾਰੀ ਇਹ ਸ਼ਿਕਾਇਤ ਕਰਦੇ ਸਨ ਕਿ ਉਨ੍ਹਾਂ ਦੇ ਸੁਰੱਖਿਅਤ ਸੰਚਾਰ ਸਾਧਨ ਹੁਣ ਯੂਕਰੇਨ ਦੇ ਅੰਦਰ ਕੰਮ ਨਹੀਂ ਕਰ ਰਹੇ ਹਨ। ਜੇਕਰ ਇਸ ਮੌਤ ਦੀ ਪੁਸ਼ਟੀ ਹੁੰਦੀ ਹੈ ਤਾਂ ਇਹ ਰੂਸ ਲਈ ਬਹੁਤ ਮੰਦਭਾਗੀ ਖ਼ਬਰ ਹੋਵੇਗੀ ਕਿਉਂਕਿ ਰੂਸ ਨੇ ਮਹਿਜ਼ ਇੱਕ ਹਫਤੇ ਵਿਚ ਆਪਣੇ ਛੋਟੀ ਦੇ ਦੋ ਫ਼ੌਜ ਅਧਿਕਾਰੀਆਂ ਨੂੰ ਗਵਾ ਲਿਆ ਹੈ ਜੋ ਰਾਸ਼ਟਰਪਤੀ ਪੁਤਿਨ ਸਮੇਤ ਰੂਸ ਲਈ ਵੱਡਾ ਝਟਕਾ ਸਾਬਤ ਹੋਵੇਗੀ।