ਪਾਕਿਸਤਾਨ 'ਚ ਹਿੰਦੂ ਡਾਕਟਰ ਦਾ ਕਤਲ: ਡਰਾਈਵਰ ਨੇ ਹੀ ਘਟਨਾ ਨੂੰ ਦਿੱਤਾ ਅੰਜਾਮ

ਹੈਦਰਾਬਾਦ : ਪਾਕਿਸਤਾਨ ਦੇ ਹੈਦਰਾਬਾਦ ਵਿੱਚ ਮੰਗਲਵਾਰ-ਬੁੱਧਵਾਰ ਦੀ ਦਰਮਿਆਨੀ ਰਾਤ ਨੂੰ ਇੱਕ ਹਿੰਦੂ ਡਾਕਟਰ ਦੀ ਹੱਤਿਆ ਕਰ ਦਿੱਤੀ ਗਈ। 60 ਸਾਲਾ ਡਾ: ਧਰਮ ਦੇਵ ਰਾਠੀ ਚਮੜੀ ਦੇ ਮਾਹਿਰ ਸਨ। ਰਾਠੀ ਦਾ ਕਤਲ ਉਸ ਦੇ ਹੀ ਡਰਾਈਵਰ ਨੇ ਕੀਤਾ ਸੀ ਅਤੇ ਉਹ ਅਜੇ ਤੱਕ ਫਰਾਰ ਹੈ।

ਕੁਝ ਮੀਡੀਆ ਰਿਪੋਰਟਾਂ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਆਪਣੀ ਮੌਤ ਤੋਂ ਕੁਝ ਸਮਾਂ ਪਹਿਲਾਂ ਡਾਕਟਰ ਧਰਮ ਦੇਵ ਨੇ ਆਪਣੇ ਦੋਸਤਾਂ ਨਾਲ ਹੋਲੀ ਮਨਾਈ ਸੀ। ਇਸ ਤੋਂ ਉਸ ਦਾ ਡਰਾਈਵਰ ਗੁੱਸੇ 'ਚ ਆ ਗਿਆ ਅਤੇ ਉਸ ਨੇ ਘਰ ਵਾਪਸ ਆਉਣ 'ਤੇ ਡਾਕਟਰ ਦਾ ਗਲਾ ਵੱਢ ਕੇ ਕਤਲ ਕਰ ਦਿੱਤਾ।

ਐਸਐਸਪੀ ਨੇ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਘਟਨਾ ਦੀ ਪੁਸ਼ਟੀ ਕੀਤੀ ਹੈ। ਉਨ੍ਹਾਂ ਦੱਸਿਆ ਕਿ ਮੁਲਜ਼ਮ ਦੀ ਭਾਲ ਕੀਤੀ ਜਾ ਰਹੀ ਹੈ।