California News : ਕੈਲੀਫ਼ੋਰਨੀਆ ’ਚ ਤੇਜ਼ ਰਫ਼ਤਾਰ ਕਾਰ ਸ਼ੋਅਰੂਮ ’ਚ ਵੜੀ, 8 ਲੋਕ ਜ਼ਖ਼ਮੀ

California News in Punjabi : ਲਾਸ ਏਂਜਲਸ ਵਿਚ ਇਕ ਕਾਰ ਹਾਦਸੇ ਵਿਚ ਅੱਠ ਲੋਕ ਜ਼ਖ਼ਮੀ ਹੋ ਗਏ। ਲਾਸ ਏਂਜਲਸ ਕਾਉਂਟੀ ਫ਼ਾਇਰ ਡਿਪਾਰਟਮੈਂਟ ਦੇ ਬੁਲਾਰੇ ਜੋਨਾਥਨ ਟੋਰੇਸ ਨੇ ਦਸਿਆ ਕਿ ਇੰਗਲਵੁੱਡ ਵਿਚ ਇਕ ਕਾਰ ਹਾਦਸੇ ਵਿਚ ਦੋ ਲੋਕ ਗੰਭੀਰ ਜ਼ਖ਼ਮੀ ਹੋ ਗਏ, ਜਦੋਂ ਕਿ ਛੇ ਹੋਰਾਂ ਨੂੰ ਮਾਮੂਲੀ ਸੱਟਾਂ ਲੱਗੀਆਂ। ਸੋਸ਼ਲ ਮੀਡੀਆ ’ਤੇ ਪੋਸਟ ਕੀਤੀਆਂ ਗਈਆਂ ਵੀਡੀਉਜ਼ ਹਾਦਸੇ ਤੋਂ ਬਾਅਦ ਦੇ ਹਾਲਾਤ ਨੂੰ ਦਰਸਾਉਂਦੀਆਂ ਹਨ। ਇਸ ਵਿਚ ਇਕ ਬੇਕਾਬੂ ਐਸ.ਯੂ.ਵੀ ਇਮਾਰਤ ਵਲ ਆਉਂਦੀ ਦਿਖਾਈ ਦਿੰਦੀ ਹੈ, ਜਿਸ ਤੋਂ ਬਾਅਦ ਇਕ ਕਰਮਚਾਰੀ ਬਾਹਰ ਭੱਜਦਾ ਹੋਇਆ ਦਿਖਾਈ ਦਿੰਦਾ ਹੈ।

ਕਾਰਮੈਕਸ ਦਾ ਕਹਿਣਾ ਹੈ ਕਿ ਡਰਾਈਵਰ ਇਕ ਗਾਹਕ ਸੀ ਜਿਸ ਦੀ ਗੱਡੀ ਦੀ ਪਛਾਣ ਕਰ ਲਈ ਗਈ ਹੈ। ਬਾਅਦ ਵਿਚ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ। ਕੰਪਨੀ ਨੇ ਕਿਹਾ, ‘ਅਸੀਂ ਇਸ ਭਿਆਨਕ ਘਟਨਾ ਪ੍ਰਤੀ ਅਧਿਕਾਰੀਆਂ ਦੇ ਤੁਰਤ ਜਵਾਬ ਦੀ ਸ਼ਲਾਘਾ ਕਰਦੇ ਹਾਂ।’

(For more news apart from  Speeding car crashes into showroom in California, 8 injured  News in Punjabi, stay tuned to Rozana Spokesman)