ਦੋ ਭਾਰਤੀਆਂ ਨੇ ਬਣਾਇਆ ਅਨੋਖਾ ਰਿਕਾਰਡ, ਗਿਨੀਜ਼ ਬੁੱਕ ਆਫ਼ ਵਰਲਡ ਰਿਕਾਰਡ ਵਿਚ ਦਰਜ ਕਰਵਾਇਆ ਨਾਮ 

Two Indian Men Set Guinness World Record For Covering All 7 Continents In Just 73 Hours

ਨਵੀਂ ਦਿੱਲੀ : ਭਾਰਤ ਦੇ ਦੋ ਨੌਜਵਾਨਾਂ ਨੇ ਅਨੋਖਾ ਰਿਕਾਰਡ ਕਾਇਮ ਕੀਤਾ ਹੈ। ਡਾ. ਅਲੀ ਇਰਾਨੀ ਅਤੇ ਸੁਜਾਏ ਮਿੱਤਰਾ ਨੇ ਘੱਟ ਸਮੇਂ ਵਿਚ ਸਭ ਤੋਂ ਤੇਜ਼ੀ ਨਾਲ ਜ਼ਿਆਦਾ ਜਗ੍ਹਾ ਦੀ ਯਾਤਰਾ ਕਰ ਕੇ ਰਿਕਾਰਡ ਬਣਾਇਆ ਹੈ।

ਜਾਣਕਾਰੀ ਅਨੁਸਾਰ ਇਨ੍ਹਾਂ ਦੋਹਾਂ ਨੇ 3 ਦਿਨ, 1 ਘੰਟੇ, 5 ਮਿੰਟ ਅਤੇ 4 ਸਕਿੰਟ ਵਿਚ ਏਸ਼ੀਆ, ਅਫ਼ਰੀਕਾ, ਯੂਰਪ, ਉੱਤਰੀ ਅਤੇ ਦੱਖਣੀ ਅਮਰੀਕਾ, ਐਂਟਾਰਕਟਿਕਾ ਦੀ ਯਾਤਰਾ ਕੀਤੀ ਹੈ। ਇਹ 4 ਦਸੰਬਰ ਨੂੰ ਐਂਟਾਰਕਟਿਕਾ ਯਾਤਰਾ ਸ਼ੁਰੂ ਕਰ ਕੇ 7 ਦਸੰਬਰ ਨੂੰ ਆਸਟ੍ਰੇਲੀਆ ਪਹੁੰਚੇ।

ਅਜਿਹਾ ਕਰ ਕੇ ਇਨ੍ਹਾਂ ਨੇ ਆਪਣਾ ਨਾਮ ਗਿਨੀਜ਼ ਬੁੱਕ ਆਫ਼ ਵਰਲਡ ਰਿਕਾਰਡ ਵਿਚ ਵੀ ਦਰਜ ਕਰਵਾ ਲਿਆ ਹੈ। ਜਾਣਕਾਰੀ ਅਨੁਸਾਰ ਇਨ੍ਹਾਂ ਨੇ ਜਹਾਜ਼, ਟੈਕਸੀ, ਸਮੁੰਦਰੀ ਜਹਾਜ਼ ਅਤੇ ਬੱਸ ਵਰਗੇ ਸਾਧਨਾ ਰਾਹੀਂ ਯਾਤਰਾ ਕੀਤੀ। ਇਸ ਦੇ ਨਾਲ ਹੀ ਇਨ੍ਹਾਂ ਨੇ ਹਰ ਜਗ੍ਹਾ ਦਾ ਜੀਪੀਐਸ ਡਾਟਾ ਵੀ ਸਾਂਝਾ ਕੀਤਾ ਹੈ।