ਆਸਟਰੇਲਿਆਈ ਬੱਲੇਬਾਜ਼ ਮਾਰਨਸ ਲੈਬੁਸ਼ਗਨ ਦੀ ਦਾਲ-ਰੋਟੀ ਦੇਖ ਕੇ ਪੀਸੀਬੀ 'ਤੇ ਫੁੱਟਿਆ ਕ੍ਰਿਕਟ ਫੈਨਸ ਦਾ ਗੁੱਸਾ
ਕੁਝ ਪਾਕਿਸਤਾਨੀ ਪ੍ਰਸ਼ੰਸਕਾਂ ਨੇ ਪੀਸੀਬੀ ਦੇ ਖਾਣੇ ਦਾ ਮਜ਼ਾਕ ਵੀ ਉਡਾਇਆ
ਕਰਾਚੀ: ਪਾਕਿਸਤਾਨ ਅਤੇ ਆਸਟ੍ਰੇਲੀਆ ਵਿਚਾਲੇ ਦੂਜੇ ਟੈਸਟ ਤੋਂ ਪਹਿਲਾਂ ਕੰਗਾਰੂ ਬੱਲੇਬਾਜ਼ ਮਾਰਨਸ ਲੈਬੁਸ਼ਗਨ ਨੇ ਟਵਿਟਰ 'ਤੇ ਦਾਲ ਅਤੇ ਰੋਟੀ ਦੀ ਤਸਵੀਰ ਸਾਂਝੀ ਕੀਤੀ ਹੈ। ਉਹ ਦਾਲ ਅਤੇ ਰੋਟੀ ਦੀ ਤਾਰੀਫ਼ ਵਿਚ ਗੀਤ ਗਾਉਂਦਾ ਨਜ਼ਰ ਆਇਆ ਪਰ ਟਵਿਟਰ ਯੂਜ਼ਰਸ ਨੂੰ ਲਾਬੂਸ਼ੇਨ ਦੀ ਦਾਲ ਅਤੇ ਰੋਟੀ ਪਸੰਦ ਨਹੀਂ ਆਈ। ਉਨ੍ਹਾਂ ਨੇ ਪਾਕਿਸਤਾਨ ਕ੍ਰਿਕਟ ਬੋਰਡ ਨੂੰ ਟ੍ਰੋਲ ਕਰਨਾ ਸ਼ੁਰੂ ਕਰ ਦਿੱਤਾ।
ਪਾਕਿਸਤਾਨ 12 ਮਾਰਚ ਤੋਂ ਕਰਾਚੀ ਦੇ ਨੈਸ਼ਨਲ ਸਟੇਡੀਅਮ ਵਿਚ 3 ਟੈਸਟ ਮੈਚਾਂ ਦੀ ਲੜੀ ਦੇ ਦੂਜੇ ਟੈਸਟ ਵਿਚ ਆਸਟਰੇਲੀਆ ਨਾਲ ਭਿੜੇਗਾ। ਰਾਵਲਪਿੰਡੀ ਵਿਚ ਖੇਡਿਆ ਗਿਆ ਪਹਿਲਾ ਟੈਸਟ ਡਰਾਅ ਰਿਹਾ। ਰਾਵਲਪਿੰਡੀ ਦੀ ਬੇਜਾਨ ਪਿੱਚ ਦੀ ਸਖ਼ਤ ਆਲੋਚਨਾ ਹੋਈ। ਕਰਾਚੀ ਵਿਚ ਦੂਜੇ ਟੈਸਟ ਤੋਂ ਪਹਿਲਾਂ ਮਾਰਨਸ ਲੈਬੁਸ਼ਗਨ ਦੁਆਰਾ ਟਵਿੱਟਰ 'ਤੇ ਸ਼ੇਅਰ ਕੀਤੀ ਦਾਲ ਅਤੇ ਰੋਟੀ ਦੀ ਤਸਵੀਰ ਨੂੰ ਲੈ ਕੇ ਭਾਰਤੀ ਅਤੇ ਪਾਕਿਸਤਾਨੀ ਕ੍ਰਿਕਟ ਪ੍ਰਸ਼ੰਸਕਾਂ ਵਿਚ ਝੜਪ ਹੋ ਗਈ। ਭਾਰਤੀ ਕ੍ਰਿਕਟ ਪ੍ਰਸ਼ੰਸਕ ਖਾਣੇ ਦੀ ਗੁਣਵੱਤਾ ਨੂੰ ਲੈ ਕੇ ਪਾਕਿਸਤਾਨ ਕ੍ਰਿਕਟ ਬੋਰਡ ਦੀ ਆਲੋਚਨਾ ਕਰ ਰਹੇ ਸਨ। ਇਸ ਦੇ ਨਾਲ ਹੀ ਪਾਕਿਸਤਾਨੀ ਕ੍ਰਿਕਟ ਪ੍ਰਸ਼ੰਸਕ ਆਪਣੇ ਦੇਸ਼ ਦੇ ਕ੍ਰਿਕਟ ਬੋਰਡ ਦਾ ਬਚਾਅ ਕਰ ਰਹੇ ਸਨ।
ਭਾਰਤੀ ਕ੍ਰਿਕਟ ਪ੍ਰਸ਼ੰਸਕਾਂ ਨੇ ਮਾਰਨਸ ਲਾਬੂਸ਼ੇਨ ਨੂੰ ਪੁੱਛਿਆ ਕਿ ਕੀ ਉਹ 'ਜੇਲ' ਵਿਚ ਹੈ। ਕਹਿਣ ਦਾ ਮਤਲਬ ਇਹ ਸੀ ਕਿ ਇਸ ਤੋਂ ਜ਼ਿਆਦਾ ਵਧੀਆ ਦਾਲ ਰੋਟੀ ਤਾਂ ਜੇਲ੍ਹ ਵਿਚ ਕੈਂਦੀਆਂ ਨੂੰ ਮਿਲਦੀ ਹੈ। ਕੁਝ ਪਾਕਿਸਤਾਨੀ ਪ੍ਰਸ਼ੰਸਕਾਂ ਨੇ ਪੀਸੀਬੀ ਦੇ ਖਾਣੇ ਦਾ ਮਜ਼ਾਕ ਵੀ ਉਡਾਇਆ। ਇੱਕ ਟਵਿਟਰ ਯੂਜ਼ਰ ਨੇ ਲਿਖਿਆ, ਆਸਾਰਾਮ ਬਾਪੂ ਵੀ ਜੇਲ੍ਹ ਵਿੱਚ ਇਹੀ ਖਾਣਾ ਖਾ ਰਹੇ ਹਨ। ਆਸਟ੍ਰੇਲੀਆਈ ਕ੍ਰਿਕਟ ਟੀਮ 24 ਸਾਲ ਬਾਅਦ ਪਾਕਿਸਤਾਨ ਦਾ ਦੌਰਾ ਕਰ ਰਹੀ ਹੈ। ਰਾਵਲਪਿੰਡੀ 'ਚ ਖੇਡਿਆ ਗਿਆ ਪਹਿਲਾ ਟੈਸਟ ਮੈਚ ਬੇਜਾਨ ਪਿੱਚ 'ਤੇ ਡਰਾਅ 'ਤੇ ਖਤਮ ਹੋਇਆ। ਪਾਕਿਸਤਾਨ ਦੇ ਸਲਾਮੀ ਬੱਲੇਬਾਜ਼ ਅਬਦੁੱਲਾ ਸ਼ਫੀਕ ਅਤੇ ਇਮਾਮ-ਉਲ-ਹੱਕ ਨੇ 5ਵੇਂ ਦਿਨ ਦੂਜੀ ਪਾਰੀ ਵਿੱਚ ਸੈਂਕੜੇ ਜੜੇ।
ਪਾਕਿਸਤਾਨ ਨੇ ਆਪਣੀ ਪਹਿਲੀ ਪਾਰੀ 474/4 ਦੇ ਸਕੋਰ 'ਤੇ ਐਲਾਨ ਦਿੱਤੀ ਸੀ। ਇਮਾਮ-ਉਲ-ਹੱਕ ਨੇ ਵੀ ਪਹਿਲੀ ਪਾਰੀ 'ਚ ਸੈਂਕੜਾ ਲਗਾਇਆ ਸੀ। ਅਜ਼ਹਰ ਅਲੀ ਨੇ 185 ਦੌੜਾਂ ਬਣਾਈਆਂ। ਜਵਾਬ 'ਚ ਆਸਟ੍ਰੇਲੀਆ ਨੇ ਆਪਣੀ ਪਹਿਲੀ ਪਾਰੀ 'ਚ 459 ਦੌੜਾਂ ਬਣਾਈਆਂ। ਪਾਕਿਸਤਾਨੀ ਟੀਮ ਨੇ ਦੋਵੇਂ ਪਾਰੀਆਂ 'ਚ ਸਿਰਫ਼ 4 ਵਿਕਟਾਂ ਦੇ ਨੁਕਸਾਨ 'ਤੇ 728 ਦੌੜਾਂ ਬਣਾਈਆਂ। ਆਸਟ੍ਰੇਲੀਆ ਦੇ ਉਸਮਾਨ ਖਵਾਜਾ ਅਤੇ ਮਾਰਨਸ ਲੈਬੁਸ਼ਗੇਨ ਨਰਵਸ ਨਾਈਨਟੀਜ਼ ਦਾ ਸ਼ਿਕਾਰ ਹੋਏ ਸਨ। ਖਵਾਜਾ ਨੇ 97 ਅਤੇ ਲਾਬੂਸ਼ੇਨ ਨੇ 90 ਦੌੜਾਂ ਬਣਾਈਆਂ। ਸਟੀਵ ਸਮਿਥ ਨੇ 78 ਅਤੇ ਡੇਵਿਡ ਵਾਰਨਰ ਨੇ 68 ਦੌੜਾਂ ਬਣਾਈਆਂ। ਪਾਕਿਸਤਾਨ ਲਈ ਨੌਮਾਨ ਅਲੀ ਨੇ 6 ਵਿਕਟਾਂ ਲਈਆਂ। ਸ਼ਾਹੀਨ ਸ਼ਾਹ ਅਫਰੀਦੀ ਨੇ 2, ਨਸੀਮ ਸ਼ਾਹ ਅਤੇ ਸਾਜਿਦ ਖਾਨ ਨੇ 1-1 ਵਿਕਟ ਹਾਸਲ ਕੀਤੀ।