ਅਫ਼ਗਾਨਿਸਤਾਨ 'ਚ ਜਾਂਚ ਚੌਕੀ 'ਤੇ ਅਤਿਵਾਦੀ ਹਮਲਾ, ਚਾਰ ਮੌਤਾਂ

terrorist suicide attack check post in Afghanistan, Four dead

ਕਾਬੁਲ :ਅਫ਼ਗਾਨਿਸਤਾਨ ਵਿਚ ਇਕ ਜਾਂਚ ਚੌਕੀ 'ਤੇ ਹਮਲਾ ਕਰ ਕੇ ਅਤਿਵਾਦੀਆਂ ਨੇ ਘੱਟ ਤੋਂ ਘੱਟ ਚਾਰ ਪੁਲਿਸ ਕਰਮੀਆਂ ਦੀ ਜਾਨ ਲੈ ਲਈ। ਇਕ ਅਫ਼ਗਾਨ ਅਧਿਕਾਰੀ ਨੇ ਇਹ ਜਾਣਕਾਰੀ ਦਿਤੀ। ਪੂਰਬੀ ਗਜ਼ਨੀ ਸੂਬੇ ਦੇ ਗਵਰਨਰ ਦੇ ਬੁਲਾਰੇ ਆਰਿਫ਼ ਨੂਰੀ ਨੇ ਇੱਥੇ ਦਸਿਆ ਕਿ ਸ਼ਨਿਚਰਵਾਰ ਦੀ ਦੇਰ ਰਾਤ ਨੂੰ ਹੋਏ ਇਸ ਹਮਲੇ ਵਿਚ ਪੰਜ ਪੁਲਿਸ ਕਰਮੀ ਜ਼ਖ਼ਮੀ ਵੀ ਹੋਏ ਹਨ। 

ਉਨ੍ਹਾਂ ਦਸਿਆ ਕਿ ਅਤਿਵਾਦੀਆਂ ਨੇ ਜਾਂਚ ਚੌਕੀ 'ਤੇ ਗੋਲੀਬਾਰੀ ਕੀਤੀ ਅਤੇ ਫਿਰ ਉਥੇ ਪਹੁੰਚ ਰਹੇ ਵਧੀਕ ਬਲ ਨੂੰ ਸੜਕ ਕਿਨਾਰੇ ਬੰਬ ਵਿਸਫ਼ੋਟ ਕਰ ਕੇ ਨਿਸ਼ਾਨਾ ਬਣਾਇਆ। ਅਜੇ ਤਕ ਕਿਸੇ ਨੇ ਵੀ ਹਮਲੇ ਦੀ ਜ਼ਿੰਮੇਵਾਰੀ ਨਹੀਂ ਲਈ ਹੈ ਪਰ ਇਲਾਕੇ ਵਿਚ ਤਾਲਿਬਾਨ ਸਰਗਰਮ ਹੈ ਅਤੇ ਸੂਬੇ ਦੇ ਵੱਡੇ ਹਿੱਸੇ 'ਤੇ ਵੀ ਉਸ ਦਾ ਕਾਬੂ ਹੈ। 

ਬੁੱਧਵਾਰ ਦੀ ਦੇਰ ਸ਼ਾਮ ਨੂੰ ਗਜ਼ਨੀ ਦੇ ਇਕ ਹੋਰ ਹਿੱਸੇ ਵਿਚ ਇਕ ਸਰਕਾਰੀ ਕੰਪਲੈਕਸ 'ਤੇ ਤਾਲਿਬਾਨ ਦੇ ਹਮਲੇ ਵਿਚ ਤਿੰਨ ਸੀਨੀਅਰ ਸਥਾਨਕ ਅਧਿਕਾਰੀਆਂ ਸਮੇਤ 15 ਲੋਕ ਮਾਰੇ ਗਏ ਸਨ।