ਇੰਡੀਆਨਾ ਦੇ ਗੁਰਦੁਆਰੇ 'ਚ ਝੜਪ ਦੌਰਾਨ ਚਾਰ ਜ਼ਖ਼ਮੀ

Four injured during clashes in Indiana's Gurdwara

ਗ੍ਰੀਨਵੁਡ (ਅਮਰੀਕਾ) : ਉਪ ਨਗਰੀ ਇੰਡੀਆਨਾ ਪੋਲਿਸ ਸਥਿਤ ਇਕ ਗੁਰਦੁਆਰਾ ਸਾਹਿਬ ਵਿਚ ਹੋਈ ਝੜਪ ਦੌਰਾਨ ਚਾਰ ਲੋਕ ਮਾਮੂਲੀ ਰੂਪ ਨਾਲ ਜ਼ਖ਼ਮੀ ਹੋ ਗਏ। ਗ੍ਰੀਨਵੁਡ ਸਹਾਇਕ ਪੁਲਿਸ ਚੀਫ਼ ਮੈਥਯੂ ਫਿਲੇਨਵਰਥ ਨੇ ਦਸਿਆ ਕਿ ਇੰਡੀਆਨਾਪੋਲਿਸ ਦੇ ਦੱਖਣ ਵਿਚ ਇਕ ਗੁਰਦੁਆਰਾ ਵਿਚ ਕਰੀਬ 150 ਲੋਕਾਂ ਦੇ ਵਿਚਕਾਰ ਝੜਪ ਹੋ ਗਈ ਸੀ। 

ਸੂਚਨਾ ਮਿਲਣ 'ਤੇ ਪੁਲਿਸ ਅਤੇ ਮੈਡੀਕਲ ਸਹਾਇਕਾਂ ਦੀ ਟੀਮ ਮੌਕੇ 'ਤੇ ਪਹੁੰਚ ਗਈ। ਉਨ੍ਹਾਂ ਨੇ ਦਸਿਆ ਕਿ ਗੁਰਦੁਆਰਾ ਦੇ ਪ੍ਰਬੰਧਨ ਵਿਚ ਹੋਏ ਬਦਲਾਅ ਕਾਰਨ ਝੜਪ ਹੋਈ। ਅਜਿਹਾ ਮੰਨਿਆ ਜਾ ਰਿਹਾ ਹੈ ਕਿ ਝੜਪ ਦੇ ਸਮੇਂ ਉਥੇ ਪਾਠ ਚੱਲ ਰਿਹਾ ਸੀ। ਗੁਰਦੁਆਰਾ ਦੇ ਪ੍ਰਬੰਧਨ ਵਿਚ ਹਰ ਦੋ ਸਾਲ ਬਾਅਦ ਬਦਲਾਅ ਹੁੰਦਾ ਹੈ।

ਫਿਲੇਨਵਰਥ ਨੇ ਦਸਿਆ ਕਿ ਚਾਰ ਲੋਕਾਂ ਨੂੰ ਮਾਮੂਲੀ ਸੱਟਾਂ ਵੱਜੀਆਂ ਹਨ ਅਤੇ ਉਨ੍ਹਾਂ ਨੂੰ ਹਸਪਤਾਲ ਭਰਤੀ ਕਰਵਾਇਆ ਗਿਆ ਹੈ। ਪੁਲਿਸ ਉਨ੍ਹਾਂ ਕੋਲੋਂ ਪੁਛਗਿਛ ਕਰੇਗੀ। ਪੁਲਿਸ ਵੀਡੀਓ ਫੁਟੇਜ਼ ਦੀ ਵੀ ਜਾਂਚ ਕਰ ਰਹੀ ਹੈ ਅਤੇ ਝੜਪ ਵਿਚ ਸ਼ਾਮਲ ਲੋਕਾਂ ਤੋਂ ਵੀ ਪੁਛਗਿਛ ਕੀਤੀ ਜਾ ਰਹੀ ਹੈ।