ਇੰਡੋਨੇਸ਼ੀਆ 'ਚ ਪੁਲਿਸ ਹੈਡਕੁਆਰਟਰ 'ਤੇ ਹਮਲਾ, ਇਕ ਅਧਿਕਾਰੀ ਅਤੇ ਤਿੰਨ ਅਤਿਵਾਦੀਆਂ ਦੀ ਮੌਤ

Attack on Indonesian police headquarters

ਜਕਾਰਤਾ, 16 ਮਈ : ਇੰਡੋਨੇਸ਼ੀਆ ਦੇ ਅਧਿਕਾਰੀਆਂ ਨੇ ਬੁੱਧਵਾਰ ਨੂੰ ਕਿਹਾ ਕਿ ਪੁਲਿਸ ਹੈਡਕੁਆਰਟਰ 'ਤੇ ਹਮਲਾ ਕਰਨ ਵਾਲੇ ਤਿੰਨ ‘ਕਥਿਤ ਅਤਿਵਾਦੀਆਂ’ ਨੂੰ ਉਨ੍ਹਾਂ ਨੇ ਮਾਰ ਦਿਤਾ ਹੈ।

ਸਥਾਨਕ ਪੁਲਿਸ ਮੁਖੀ ਨੇ ਇਸ ਦੀ ਜਾਣਕਾਰੀ ਦਿੰਦੇ ਹੋਏ ਦਸਿਆ ਕਿ ਅਤਿਵਾਦੀਆਂ ਦੇ ਇਸ ਹਮਲੇ 'ਚ ਇਕ ਅਧਿਕਾਰੀ ਦੀ ਮੌਤ ਹੋ ਗਈ ਸੀ ਜਦਕਿ ਕਈ ਹੋਰ ਜ਼ਖ਼ਮੀ ਹੋ ਗਏ ਸਨ।

ਅਤਿਵਾਦੀਆਂ ਨੇ ਮੁੱਖ ਗੇਟ 'ਤੇ ਛੋਟੀ ਵੈਨ ਦੀ ਟੱਕਰ ਮਾਰੀ ਅਤੇ ਫਿਰ ਅਧਿਕਾਰੀਆਂ 'ਤੇ ਤਲਵਾਰਾਂ ਨਾਲ ਹਮਲਾ ਕੀਤਾ ਸੀ। ਸਥਾਨਕ ਪੁਲਿਸ ਮੁਖੀ ਨਾਨਦਾਂਗ ਨੇ ਦਸਿਆ ਕਿ ਤਿੰਨ ਅਫ਼ਸਰ ਜ਼ਖ਼ਮੀ ਹੋਏ ਸਨ ਜਿਨ੍ਹਾਂ ਵਿਚੋਂ ਇਕ ਦੀ ਹਸਪਤਾਲ 'ਚ ਮੌਤ ਹੋ ਗਈ ਸੀ।