China News : ਚੀਨ ਨੇ ਪਾਕਿਸਤਾਨ ਦਾ ਸੈਟੇਲਾਈਟ ਪੁਲਾੜ ’ਚ ਕੀਤਾ ਲਾਂਚ

China News in Punjabi : ਚੀਨ ਨੇ ਸ਼ੁੱਕਰਵਾਰ ਨੂੰ ਜਿਉਕੁਆਨ ਸੈਟੇਲਾਈਟ ਲਾਂਚ ਸੈਂਟਰ ਤੋਂ ਇੱਕ ਪਾਕਿਸਤਾਨੀ ਸੈਟੇਲਾਈਟ ਨੂੰ ਸਫ਼ਲਤਾਪੂਰਵਕ ਪੁਲਾੜ ’ਚ ਲਾਂਚ ਕੀਤਾ। ਸਰਕਾਰੀ ਸ਼ਿਨਹੂਆ  ਸਮਾਚਾਰ ਏਜੰਸੀ ਅਨੁਸਾਰ, 'PRSC-EO1' ਨਾਮਕ ਉਪਗ੍ਰਹਿ ਨੂੰ 'Long March-2D' ਕੈਰੀਅਰ ਰਾਕੇਟ ਦੁਆਰਾ ਦੁਪਹਿਰ 12:07 ਵਜੇ (ਸਥਾਨਕ ਸਮੇਂ) ਲਾਂਚ ਕੀਤਾ ਗਿਆ ਸੀ ਅਤੇ ਇਸ ਨੂੰ ਸਫ਼ਲਤਾਪੂਰਵਕ ਇਸਦੇ ਨਿਰਧਾਰਤ ਪੰਧ ’ਚ ਸਥਾਪਿਤ ਕੀਤਾ ਗਿਆ ਸੀ।

ਇਸ ਰਾਕੇਟ ਨੇ ਦੋ ਹੋਰ ਉਪਗ੍ਰਹਿ ਵੀ - 'ਤਿਆਨਲੂ-1' ਅਤੇ 'ਲੈਂਟਨ-1' - ਨੂੰ ਨਾਲ ਲੈ ਕੇ ਗਏ ਸਨ। ਇਹ ਲਾਂਚ 'ਲੌਂਗ ਮਾਰਚ' ਕੈਰੀਅਰ ਰਾਕੇਟ ਲੜੀ ਨਾਲ ਸਬੰਧਤ 556ਵੇਂ ਉਡਾਣ ਮਿਸ਼ਨ ਨੂੰ ਦਰਸਾਉਂਦਾ ਹੈ। ਚੀਨ ਪਿਛਲੇ ਕੁਝ ਸਾਲਾਂ ਤੋਂ ਪਾਕਿਸਤਾਨ ਲਈ ਸੈਟੇਲਾਈਟ ਲਾਂਚ ਕਰ ਰਿਹਾ ਹੈ, ਜਿਸ ਨਾਲ ਪੁਲਾੜ ਦੇ ਖੇਤਰ ’ਚ ਆਪਣੇ ਸਦਾਬਹਾਰ ਸਬੰਧਾਂ ਦਾ ਵਿਸਥਾਰ ਹੋ ਰਿਹਾ ਹੈ।

ਪਿਛਲੇ ਸਾਲ, ਚੀਨ ਨੇ ਪਾਕਿਸਤਾਨ ਲਈ ਇੱਕ ਬਹੁ-ਮਿਸ਼ਨ ਸੰਚਾਰ ਉਪਗ੍ਰਹਿ ਲਾਂਚ ਕੀਤਾ ਸੀ। 2018 ’ਚ, ਚੀਨ ਨੇ ਦੋ ਪਾਕਿਸਤਾਨੀ ਉਪਗ੍ਰਹਿਆਂ ਨੂੰ ਪੰਧ ਵਿੱਚ ਸਥਾਪਿਤ ਕੀਤਾ। ‘PRSS-1’ ਪਾਕਿਸਤਾਨ ਦਾ ਪਹਿਲਾ ਆਪਟੀਕਲ ਰਿਮੋਟ ਸੈਂਸਿੰਗ ਸੈਟੇਲਾਈਟ ਹੈ ਅਤੇ PAKTESS-1A ਇੱਕ ਛੋਟਾ ਨਿਰੀਖਣ ਵਾਹਨ ਹੈ।

(For more news apart from  China launched Pakistan's satellite into space News in Punjabi, stay tuned to Rozana Spokesman)