ਜ਼ਾਂਬੀਆ ਕਿਸ਼ਤੀ ਹਾਦਸਾ: 6 ਹੋਰ ਲਾਸ਼ਾਂ ਬਰਾਮਦ

ਲੁਸਾਕਾ : ਜ਼ਾਂਬੀਆ ਦੇ ਲੁਆਪੁਲਾ ਸੂਬੇ 'ਚ ਤਿੰਨ ਦਿਨ ਪਹਿਲਾਂ ਇਕ ਝੀਲ 'ਚ ਕਿਸ਼ਤੀ ਹਾਦਸੇ 'ਚ ਮਾਰੇ ਗਏ 6 ਹੋਰ ਲੋਕਾਂ ਦੀਆਂ ਲਾਸ਼ਾਂ ਬਰਾਮਦ ਹੋਈਆਂ ਹਨ। ਸੂਬਾਈ ਪੁਲਿਸ ਦੇ ਸੀਨੀਅਰ ਅਧਿਕਾਰੀ ਏਲੀਅਸ ਚੁਸੀ ਨੇ ਦਸਿਆ ਕਿ ਨੇਵੀ ਦੇ ਕਮਾਂਡੋਸ ਨੇ ਝੀਲ 'ਚ ਤਲਾਸ਼ ਮੁਹਿੰਮ ਦੌਰਾਨ ਪੰਜ ਲਾਸ਼ਾਂ ਬਰਾਮਦ ਕੀਤੀਆਂ । ਇਸ ਤੋਂ ਪਹਿਲਾਂ ਵੀਰਵਾਰ ਸ਼ਾਮ ਨੂੰ 6 ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਸਨ। ਉਨ੍ਹਾਂ ਦਸਿਆ ਕਿ ਕਿਸ਼ਤੀ 'ਚ ਉਸ ਦੀ ਸਮਰਥਾ ਤੋਂ ਜ਼ਿਆਦਾ ਲੋਕ ਸਵਾਰ ਸਨ ।

ਹਾਦਸੇ ਤੋਂ ਬਾਅਦ 21 ਲੋਕਾਂ ਨੂੰ ਬਚਾ ਲਿਆ ਗਿਆ ਹੈ। ਹਾਦਸੇ 'ਚ 20 ਤੋਂ ਜ਼ਿਆਦਾ ਲੋਕਾਂ ਦੇ ਮਾਰੇ ਜਾਣ ਦਾ ਡਰ ਹੈ। ਪੁਲਸ ਕਮਿਸ਼ਨਰ ਮੁਤਾਬਕ ਤਲਾਸ਼ੀ ਮੁਹਿੰਮ ਅਜੇ ਜਾਰੀ ਹੈ। (ਪੀਟੀਆਈ)