ਆਸਟਰੇਲੀਆ ਪੁਲਿਸ ਨੇ ਤਾਲਾਬੰਦੀ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲਿਆਂ ਨੂੰ ਠੋਕੇ ਭਾਰੀ ਜੁਰਮਾਨੇ

ਪਰਥ, 17 ਅਪ੍ਰੈਲ (ਪਿਆਰਾ ਸਿੰਘ ਨਾਭਾ) : ਆਸਟਰੇਲੀਆ ਵਿਚ ਕੋਰੋਨਾ ਵਾਇਰਸ ਕਾਰਨ ਲਾਗੂ ਹੋਈ ਤਾਲਾਬੰਦੀ ਤੋੜਨ ਬਦਲੇ ਪੁਲਿਸ ਵਲੋਂ ਭਾਰੀ ਜੁਰਮਾਨੇ ਕੀਤੇ ਗਏ ਹਨ, ਇਹ ਜੁਰਮਾਨੇ ਸਾਰੇ ਆਸਟਰੇਲੀਆ ਵਿਚ ਵੱਖੋ-ਵੱਖਰੇ ਤੌਰ ਹੁੰਦੇ ਹਨ, ਕਿਉਕਿ ਕੋਵਿਡ-19 ਮਹਾਂਮਾਰੀ ਦੇ ਦੌਰਾਨ ਹਰੇਕ ਰਾਜ ਵੱਖੋ-ਵੱਖਰੇ ਕਾਨੂੰਨਾਂ ਨੂੰ ਲਿਆਉਣ ਦੇ ਨਾਲ, ਉਹਨਾਂ ਨੂੰ ਪੁਲਿਸ ਬਲਾਂ ਦੁਆਰਾ ਵੀ ਵੱਖਰੇ ਢੰਗ ਨਾਲ ਐਲਾਨਿਆ ਜਾ ਰਿਹਾ ਹੈ। ਜਿਵੇਂ ਵਿਕਟੋਰੀਆ ਰਾਜ ਅਪਣੇ ਗੁਆਂਢੀ ਰਾਜਾਂ ਦੇ ਮੁਕਾਬਲੇ ਜੁਰਮਾਨੇ ਦੀ ਤੁਲਨਾ ਵਿਚ ਦੁੱਗਣੇ ਤੋਂ ਵੀ ਵੱਧ ਪੈਸੇ ਵਸੂਲ ਰਿਹਾ ਹੈ । 

ਵਿਕਟੋਰੀਆ ਰਾਜ ’ਚ ਤਾਲਾਬੰਦੀ ਤੋੜਨ ਬਦਲੇ 1249 ਜੁਰਮਾਨੇ, ਨਿਊ ਸਊਥ ਵੇਲਜ਼ ਵਿਚ 509 ਜੁਰਮਾਨੇ ਦਿੱਤੇ ਗਏ ਹਨ। ਨਾਰਥਨ ਟੈਰਾਟਰੀ ’ਚ ਮਹਿਜ਼ 24, ਦੂਜਾ ਸਭ ਤੋਂ ਉੱਚੇ ਨੰਬਰ ਵਾਲਾ ਸੂਬਾ ਕੁਈਨਜ਼ਲੈਂਡ 827 ਜੁਰਮਾਨੇ, ਪਛਮੀ ਆਸਟਰੇਲੀਆ ਵਿਚ 27, ਦਖਣੀ ਆਸਟ੍ਰੇਲੀਆ ਵਿਚ 68 ਜਾਰੀ ਕੀਤੇ ਗਏ ਹਨ। ਇਸ ਦੌਰਾਨ ਤਸਮਾਨੀਆ ਵਿਚ, ਪੁਲਿਸ ਗ੍ਰਿਫ਼ਤਾਰ ਨਹੀਂ ਕਰਦੀ ਅਤੇ ਨਾਂ ਹੀ ਮੌਕੇ ’ਤੇ ਜ਼ੁਰਮਾਨਾ ਜਾਰੀ ਕਰ ਰਹੀ ਅਤੇ ਜੁਰਮਾਨੇ ਦਾ ਫ਼ੈਸਲਾ ਅਦਾਲਤਾਂ ਕਰਨਗੀਆਂ। ਸ਼ੁਕਰਵਾਰ ਤਕ, ਤਸਮਾਨੀਆ ਰਾਜ ਵਿਚ ਤਾਲਾਬੰਦੀ ਕਾਨੂੰਨਾਂ ਦੀ ਉਲੰਘਣਾ ਕਰਨ ਦੇ ਦੋਸ਼ ਵਿਚ 36 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ, ਜਿਸਦੇ ਬਾਅਦ 24 ਦੋਸ਼ ਲਗਾਏ ਗਏ ਸਨ।

ਵਿਕਟੋਰੀਆ ਦੇ ਅਪਣੇ ਡਿਪਟੀ ਪੁਲਿਸ ਕਮਿਸ਼ਨਰ ਸ਼ੈਨ ਪੈਟਨ ਨੇ ਕਿਹਾ ਕਿ ਕੁਝ ਜ਼ੁਰਮਾਨੇ ਬੇਲੋੜੇ ਕਰ ਦਿਤੇ ਗਏ ਹਨ।ਜੇ ਇਨ੍ਹਾਂ ਵਿਚੋਂ ਕੁਝ ਨੂੰ ਸਹੀ ਢੰਗ ਨਾਲ ਜਾਰੀ ਨਹੀਂ ਕੀਤਾ ਜਾਂਦਾ, ਜਾਂ ਉਹ ਆਮ ਸਮਝ ਟੈਸਟ ਪਾਸ ਨਹੀਂ ਕਰਦੇ ਤਾਂ ਉਨ੍ਹਾਂ ਨੂੰ ਵਾਪਸ ਲੈ ਲਿਆ ਜਾਵੇਗਾ। ਐਨਐਸਡਬਲਯੂ ਵਿਚ ਇਕ ਵਿਅਕਤੀ ਨੂੰ ਪਿਛਲੇ ਹਫ਼ਤੇ ਬੈਂਚ ਤੇ ਇੱਕ ਕਬਾਬ ਖਾਣ ਲਈ ਜੁਰਮਾਨਾ ਪ੍ਰਾਪਤ ਹੋਇਆ ਸੀ। ਐਡੀਲੇਡ ਸਥਿਤ ਵਕੀਲ ਜੇਮਜ਼ ਕੈਲਡਕੋਟ ਨੇ ਕਿਹਾ ਕਿ ਕੁਝ ਪੁਲਿਸ ਨੇ ‘ਭਾਰੀ ਹੱਥਾਂ’ ਵਾਲਾ ਤਰੀਕਾ ਅਪਣਾਇਆ ਹੋਇਆ ਹੈ ।