Maldives Economy News: ਚੀਨ ਦੇ ਕਰਜ਼ੇ ਕਾਰਨ ਮੁਸੀਬਤ 'ਚ ਮਾਲਦੀਵ ਦੀ ਅਰਥਵਿਵਸਥਾ, ਕੀ ਦੀਵਾਲੀਆ ਹੋਣ ਵੱਲ ਵਧ ਰਿਹਾ ਹੈ ਮੁਈਜ਼ੂ ਦਾ ਦੇਸ਼?
Maldives Economy News: ਮਾਲਦੀਵ ਚੀਨ 'ਤੇ ਲਗਾਤਾਰ ਆਪਣੀ ਨਿਰਭਰਤਾ ਵਧਾ ਰਿਹਾ ਹੈ ਅਤੇ ਭਾਰਤ ਨਾਲ ਸਬੰਧਾਂ 'ਚ ਖਟਾਸ ਆ ਗਈ ਹੈ।
Maldivian economy in trouble due to Chinese debt News in punjabi : ਮਾਲਦੀਵ ਇਸ ਸਮੇਂ ਗੰਭੀਰ ਆਰਥਿਕ ਚੁਣੌਤੀ ਦਾ ਸਾਹਮਣਾ ਕਰ ਰਿਹਾ ਹੈ। ਮਾਲਦੀਵ 'ਤੇ ਚੀਨ ਦਾ ਤਿੰਨ ਅਰਬ ਡਾਲਰ ਤੋਂ ਜ਼ਿਆਦਾ ਦਾ ਬਕਾਇਆ ਹੈ। ਇਹ ਕਰਜ਼ਾ ਉਸ ਦੀ ਵਿੱਤੀ ਸਥਿਰਤਾ ਲਈ ਖਤਰਾ ਬਣਦਾ ਜਾ ਰਿਹਾ ਹੈ। ਮਾਲਦੀਵ ਚੀਨ 'ਤੇ ਲਗਾਤਾਰ ਆਪਣੀ ਨਿਰਭਰਤਾ ਵਧਾ ਰਿਹਾ ਹੈ ਅਤੇ ਭਾਰਤ ਨਾਲ ਸਬੰਧਾਂ 'ਚ ਖਟਾਸ ਆ ਗਈ ਹੈ।
ਇਹ ਵੀ ਪੜ੍ਹੋ: Himachal Pradesh News: ਸ਼ਿਮਲਾ 'ਚ ਡੂੰਘੀ ਖੱਡ 'ਚ ਡਿੱਗੀ ਕਾਰ ਇਕ ਦੀ ਮੌਤ, 3 ਗੰਭੀਰ ਜ਼ਖਮੀ
ਇਸ ਦਾ ਪ੍ਰਭਾਵ ਖੇਤਰੀ ਦੇ ਨਾਲ-ਨਾਲ ਆਰਥਿਕ ਵੀ ਨਜ਼ਰ ਆ ਰਿਹਾ ਹੈ। ਮਾਲਦੀਵ ਦੇ ਰਾਸ਼ਟਰਪਤੀ ਮੁਹੰਮਦ ਮੁਈਜ਼ੂ ਆਰਥਿਕ ਮਦਦ ਲਈ ਚੀਨ 'ਤੇ ਭਰੋਸਾ ਪ੍ਰਗਟਾ ਰਹੇ ਹਨ। ਦੂਜੇ ਪਾਸੇ ਕੌਮਾਂਤਰੀ ਮੁਦਰਾ ਫੰਡ (ਆਈ.ਐੱਮ.ਐੱਫ.) ਵਲੋਂ ਦੇਸ਼ ਦੇ ਵਧਦੇ ਕਰਜ਼ੇ ਨੂੰ ਲੈ ਕੇ ਚਿਤਾਵਨੀਆਂ ਸੰਭਾਵੀ ਆਰਥਿਕ ਸੰਕਟ ਵੱਲ ਇਸ਼ਾਰਾ ਕਰਦੀਆਂ ਹਨ ਅਤੇ ਇਸ ਤੋਂ ਬਚਣ ਲਈ ਕਦਮ ਚੁੱਕਣ ਦੀ ਲੋੜ 'ਤੇ ਜ਼ੋਰ ਦਿੰਦੀਆਂ ਹਨ।
ਭਾਰਤ ਅਤੇ ਮਾਲਦੀਵ ਦੇ ਲੰਬੇ ਸਮੇਂ ਤੋਂ ਨਜ਼ਦੀਕੀ ਸਬੰਧ ਰਹੇ ਹਨ। ਭਾਰਤ ਰੱਖਿਆ, ਬੁਨਿਆਦੀ ਢਾਂਚੇ ਦੇ ਵਿਕਾਸ ਅਤੇ ਮਾਨਵਤਾਵਾਦੀ ਸਹਾਇਤਾ ਵਿਚ ਮਾਲਦੀਵ ਦੀ ਮਦਦ ਕਰਨ ਵਾਲਾ ਇਕ ਪ੍ਰਮੁੱਖ ਸਹਿਯੋਗੀ ਰਿਹਾ ਹੈ। ਕਈ ਝਟਕਿਆਂ ਦੇ ਬਾਵਜੂਦ, ਜਿਵੇਂ ਕਿ 2017 ਵਿਚ ਚੀਨ ਨਾਲ ਮਾਲਦੀਵ ਦਾ ਮੁਕਤ ਵਪਾਰ ਸਮਝੌਤਾ (FTA), ਭਾਰਤ ਨੇ ਮਾਲੇ ਨਾਲ ਸਬੰਧਾਂ ਨੂੰ ਮਜ਼ਬੂਤ ਕਰਨ ਲਈ ਵਚਨਬੱਧ ਜਤਾਈ ਹੈ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
ਹਾਲ ਹੀ ਦੇ ਸਮੇਂ ਵਿਚ ਮਾਲਦੀਵ 'ਤੇ ਚੀਨ ਦੇ ਪ੍ਰਭਾਵ ਨੇ ਕਈ ਚਿੰਤਾਵਾਂ ਨੂੰ ਜਨਮ ਦਿਤਾ ਹੈ। ਬੈਲਟ ਐਂਡ ਰੋਡ ਇਨੀਸ਼ੀਏਟਿਵ (ਬੀਆਰਆਈ) ਰਾਹੀਂ ਮਾਲਦੀਵ ਵਿਚ ਚੀਨ ਦੀ ਵਧ ਰਹੀ ਮੌਜੂਦਗੀ ਹਿੰਦ ਮਹਾਸਾਗਰ ਖੇਤਰ ਵਿੱਚ ਸੰਭਾਵੀ ਕਰਜ਼ੇ ਦੇ ਜਾਲ ਅਤੇ ਵਿਆਪਕ ਰਣਨੀਤਕ ਉਦੇਸ਼ਾਂ ਬਾਰੇ ਚਿੰਤਾਵਾਂ ਪੈਦਾ ਕਰਦੀ ਹੈ। ਮਾਲਦੀਵ ਦੇ ਬੁਨਿਆਦੀ ਢਾਂਚੇ ਦੇ ਪ੍ਰੋਜੈਕਟਾਂ ਵਿਚ ਚੀਨੀ ਨਿਵੇਸ਼ ਦਾ ਪ੍ਰਭਾਵ ਵਧਾ ਸਕਦਾ ਹੈ।
ਭਾਰਤ ਨੇ ਮਾਲਦੀਵ ਨਾਲ ਕੂਟਨੀਤਕ ਅਤੇ ਰਣਨੀਤਕ ਸਬੰਧਾਂ ਰਾਹੀਂ ਚੀਨ ਦੇ ਵਧਦੇ ਪ੍ਰਭਾਵ ਨੂੰ ਸੀਮਤ ਕਰਨ ਦੇ ਯਤਨ ਕੀਤੇ ਹਨ। ਭਾਰਤ ਦਾ ਉਦੇਸ਼ ਆਰਥਿਕ ਸਹਾਇਤਾ, ਬੁਨਿਆਦੀ ਢਾਂਚਾ ਪ੍ਰਾਜੈਕਟਾਂ ਅਤੇ ਰੱਖਿਆ ਸਹਿਯੋਗ ਰਾਹੀਂ ਚੀਨ ਦੇ ਵਧਦੇ ਦਬਦਬੇ ਨੂੰ ਸੰਤੁਲਿਤ ਕਰਨਾ ਹੈ। ਭਾਰਤ ਦੀ ਨੇਬਰ ਫਸਟ ਨੀਤੀ ਮਾਲਦੀਵ ਦੇ ਵਿਕਾਸ ਅਤੇ ਪ੍ਰਭੂਸੱਤਾ ਦਾ ਸਮਰਥਨ ਕਰਨ ਦੀ ਆਪਣੀ ਵਚਨਬੱਧਤਾ ਨੂੰ ਰੇਖਾਂਕਿਤ ਕਰਦੀ ਹੈ। ਭਾਰਤ ਨੂੰ ਵਿਕਾਸ-ਮੁਖੀ ਪ੍ਰੋਜੈਕਟਾਂ ਨੂੰ ਤਰਜੀਹ ਦੇ ਕੇ ਅਤੇ ਮਾਲਦੀਵ ਵਿਚ ਨੌਜਵਾਨ ਬੇਰੁਜ਼ਗਾਰੀ ਵਰਗੇ ਨਾਜ਼ੁਕ ਮੁੱਦਿਆਂ ਨੂੰ ਹੱਲ ਕਰਕੇ ਉੱਭਰ ਰਹੇ ਭੂ-ਰਾਜਨੀਤਿਕ ਦ੍ਰਿਸ਼ ਨਾਲ ਨਜਿੱਠਣਾ ਚਾਹੀਦਾ ਹੈ।
(For more Punjabi news apart from Maldivian economy in trouble due to Chinese debt News in punjabi, stay tuned to Rozana Spokesman)