ਬਰਗਰ ਲੈਣ ਲਈ ਆਮ ਲੋਕਾਂ ਦੀ ਤਰ੍ਹਾਂ ਕਤਾਰ 'ਚ ਲੱਗੇ ਬਿਲ ਗੇਟਸ
ਦੁਨੀਆਂ ਦੇ ਸਭ ਤੋਂ ਅਮੀਰ ਬੰਦੇ ਬਿਲ ਗੇਟਸ ਬਾਰੇ ਉਂਜ ਤਾਂ ਸਮੇਂ ਸਮੇਂ 'ਤੇ ਕਈ ਦਿਲਚਸਪ ਕਿੱਸੇ ਸਾਹਮਣੇ ਆਉਂਦੇ ਰਹਿੰਦੇ ਹਨ........
ਵਾਸ਼ਿੰਗਟਨ : ਦੁਨੀਆਂ ਦੇ ਸਭ ਤੋਂ ਅਮੀਰ ਬੰਦੇ ਬਿਲ ਗੇਟਸ ਬਾਰੇ ਉਂਜ ਤਾਂ ਸਮੇਂ ਸਮੇਂ 'ਤੇ ਕਈ ਦਿਲਚਸਪ ਕਿੱਸੇ ਸਾਹਮਣੇ ਆਉਂਦੇ ਰਹਿੰਦੇ ਹਨ ਪਰ ਹੁਣ ਬਿੱਲ ਗੇਟਸ ਦੀ ਇਕ ਹੋਰ ਤਸਵੀਰ ਸਾਹਮਣੇ ਆ ਰਹੀ ਹੈ ਜਿਹੜੀ ਸਿੱਧ ਕਰਦੀ ਹੈ ਕਿ ਬਿਲ ਗੇਟਸ ਭਾਵੇਂ ਕਿੰਨੇ ਵੀ ਅਮੀਰ ਹੋ ਗਏ ਹਨ ਪਰ ਉਨ੍ਹਾਂ ਨੇ ਜ਼ਮੀਨ ਨਹੀਂ ਛੱਡੀ। ਦਰਅਸਲ ਅੱਜਕਲ ਬਿਲ ਗੇਟਸ ਬਾਰੇ ਸ਼ੋਸ਼ਲ ਮੀਡੀਆ 'ਤੇ ਇਕ ਵੀਡੀਉ ਚੱਲ ਰਹੀ ਹੈ ਜਿਸ ਵਿਚ ਉਹ ਮਹਿਜ਼ 8 ਡਾਲਰ ਦੇ ਬਰਗਰ ਲੈਣ ਲਈ ਆਮ ਗਾਹਕਾਂ ਵਾਂਗ ਲਾਈਨ 'ਚ ਖੜੇ ਹਨ।
ਉਹ ਆਮ ਅਮੀਰਾਂ ਵਾਂਗ ਕਾਹਲੀ 'ਚ ਨਹੀਂ ਹਨ ਤੇ ਨਾ ਹੀ ਦੁਕਾਨਦਾਰ 'ਤੇ ਰੋਅਬ ਮਾਰ ਰਹੇ ਹਨ ਸਗੋਂ ਅਰਾਮ ਨਾਲ ਅਪਣੀ ਵਾਰੀ ਦੀ ਉਡੀਕ ਕਰ ਰਹੇ ਹਨ। ਅਜਿਹੇ ਮਹਾਨ ਬੰਦਿਆਂ ਦੀਆਂ ਅਜਿਹੀਆਂ ਗੱਲਾਂ ਸੁਣ ਕੇ ਛੋਟੇ ਛੋਟੇ ਅਮੀਰਾਂ ਨੂੰ ਸਬਕ ਸਿੱਖਣਾ ਚਾਹੀਦਾ ਹੈ ਕਿ ਰੱਬ ਦੇ ਦਿਤੇ ਨੂੰ ਉਸੇ ਦੀ ਕ੍ਰਿਪਾ ਸਮਝੀ ਜਾਵੇ ਤੇ ਕੋਈ ਪਤਾ ਨਹੀਂ ਕਿ ਕਦੋਂ ਰੱਬ ਅਮੀਰ ਤੋਂ ਭਿਖਾਰੀ ਬਣਾ ਦੇਵੇ। (ਏਜੰਸੀਆਂ)