Photo

ਬੀਜਿੰਗ: ਚੀਨ ਵਿਚ ਇਕ ਪ੍ਰਯੋਗਸ਼ਾਲਾ ਵਿਚ ਅਜਿਹੀ ਦਵਾਈ ਵਿਕਸਿਤ ਕੀਤੀ ਜਾ ਰਹੀ ਹੈ, ਜਿਸ ਬਾਰੇ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਕੋਰੋਨਾ ਵਾਇਰਸ ਮਹਾਂਮਾਰੀ ਨੂੰ ਰੋਕ ਸਕਦੀ ਹੈ। ਵਿਗਿਆਨਕਾਂ ਦਾ ਦਾਅਵਾ ਹੈ ਕਿ ਬਿਨਾਂ ਵੈਕਸੀਨ ਦੇ ਕੋਰੋਨਾ ਦਾ ਇਲਾਜ ਸੰਭਵ ਹੋ ਸਕਦਾ ਹੈ।

ਦੁਨੀਆ ਭਰ ਵਿਚ ਫੈਲਣ ਤੋਂ ਪਹਿਲਾਂ ਪਿਛਲੇ ਸਾਲ ਦੇ ਅਖੀਰ ਵਿਚ ਚੀਨ ਵਿਚ ਇਸ ਦਾ ਪ੍ਰਕੋਪ ਸਾਹਮਣੇ ਆਇਆ ਸੀ, ਜਿਸ ਤੋਂ ਬਾਅਦ ਇਸ ਦੇ ਇਲਾਜ ਅਤੇ ਵੈਕਸੀਨ ਖੋਜਣ ਲਈ ਦੁਨੀਆ ਭਰ ਦੇ ਦੇਸ਼ ਕੋਸ਼ਿਸ਼ ਕਰ ਰਹੇ ਹਨ।

ਖੋਜਕਰਤਾਵਾਂ ਦਾ ਕਹਿਣਾ ਹੈ ਕਿ ਚੀਨ ਦੀ Prestigious Peking University ਵਿਚ ਵਿਗਿਆਨਕਾਂ ਵੱਲੋਂ ਟਰਾਇਲ ਕੀਤੀ ਜਾ ਰਹੀ ਇਕ ਦਵਾਈ ਨਾ ਸਿਰਫ ਸੰਕਰਮਿਤ ਲੋਕਾਂ ਲਈ ਰਿਕਵਰਿੰਗ ਸਮੇਂ ਨੂੰ ਘੱਟ ਕਰ ਸਕਦੀ ਹੈ, ਬਲਕਿ ਵਾਇਰਸ ਨਾਲ ਥੋੜ੍ਹੇ ਸਮੇਂ ਲਈ ਇਮਿਊਨਿਟੀ ਵੀ ਦੇ ਸਕਦੀ ਹੈ।

ਯੂਨੀਵਰਸਿਟੀ ਦੇ ਬੀਜਿੰਗ ਐਡਵਾਂਸਡ ਇਨੋਵੇਸ਼ਨ ਸੈਂਟਰ ਫਾਰ ਜੀਨੋਮਿਕਸ ਦੇ ਡਾਇਰੈਕਟਰ ਨੇ ਦੱਸਿਆ ਕਿ ਟਰਾਇਲ ਫੇਜ਼ ਵਿਚ ਦਵਾ ਪਸ਼ੂ 'ਤੇ ਸਫਲ ਰਹੀ ਹੈ। ਉਹਨਾਂ ਨੇ ਦੱਸਿਆ ਕਿ, 'ਜਦੋਂ ਅਸੀਂ ਸੰਕਰਮਿਤ ਚੂਹਿਆਂ ਵਿਚ ਨਿਊਟ੍ਰਲਾਇਜ਼ਿੰਗ ਐਂਟੀਬਾਡੀਜ਼ ਨੂੰ ਇੰਜੈਕਟ ਕੀਤਾ, ਤਾਂ ਪੰਜ ਦਿਨਾਂ ਤੋਂ ਬਾਅਦ ਵਾਇਰਸ ਲੋਡ 2500 ਦੇ ਕਾਰਕ ਤੋਂ ਘੱਟ ਹੋ ਗਿਆ'।

ਇਸ ਦਾ ਮਤਲਬ ਹੈ ਕਿ ਇਹ ਸੰਭਾਵੀ ਦਵਾਈ ਦਾ ਪ੍ਰਭਾਵ ਹੈ। ਦਵਾਈ, ਵਾਇਰਸ ਨੂੰ ਸੰਕਰਮਿਤ ਕਰਨ ਵਾਲੇ ਸੈਲਾਂ ਨੂੰ ਰੋਕਣ ਲਈ ਮਨੁੱਖੀ ਪ੍ਰਤੀਰੋਧੀ ਪ੍ਰਣਾਲੀ ਦੁਆਰਾ ਪੈਦਾ ਐਂਟੀਬਾਡੀਜ਼ ਨੂੰ ਬੇਅਸਰ ਕਰਨ ਵਾਲੇ ਐਂਟੀਬਾਡੀ ਦੀ ਵਰਤੋਂ ਕਰਦੀ ਹੈ। ਜਿਸ ਨੂੰ ਟੀਮ ਨੇ 60 ਮਰੀਜ਼ਾਂ ਦੇ ਖੂਨ ਤੋਂ ਅਲੱਗ ਕਰ ਦਿੱਤਾ।

ਐਤਵਾਰ ਨੂੰ ਸਾਇੰਟਿਸਟ ਜਰਨਲ ਸੈੱਲ ਵਿਚ ਪ੍ਰਕਾਸ਼ਤ ਹੋਈ ਟੀਮ ਦੀ ਖੋਜ 'ਤੇ ਇਕ ਅਧਿਐਨ ਵਿਚ ਦੱਸਿਆ ਗਿਆ ਹੈ ਕਿ ਐਂਟੀਬਾਡੀਜ਼ ਦੀ ਵਰਤੋਂ ਸੰਭਾਵਤ ਤੌਰ 'ਤੇ ਬਿਮਾਰੀ ਨੂੰ 'ਠੀਕ' ਕਰਦੀ ਹੈ ਅਤੇ ਰਿਕਵਰੀ ਦਾ ਸਮਾਂ ਘਟਾਉਂਦੀ ਹੈ। ਡਾਇਰੈਕਟਰ ਨੇ ਕਿਹਾ ਕਿ ਉਹਨਾਂ ਦੀ ਟੀਮ ਐਂਟੀਬਾਡੀਜ਼ ਲਈ ‘ਦਿਨ ਰਾਤ’ ਕੰਮ ਕਰ ਰਹੀ ਸੀ।