ਫ਼ੌਜ ਕਰ ਰਹੀ ਸੀ ਅਭਿਆਸ, ਵਾਪਰ ਗਿਆ ਹਾਦਸਾ

ਸਾਨ ਫ਼੍ਰਾਂਸਿਸਕੋ, ਕੈਲੀਫ਼ੋਰਨੀਆ ਦੇ ਫ਼ੌਜੀ ਟਿਕਾਣੇ ਵਿਚ ਮੈਡੀਕਲ ਡ੍ਰਿਲ ਉਦੋਂ ਅਸਲ ਵਿਚ ਐਮਰਜੈਂਸੀ ਹਾਲਾਤ ਪੈਦਾ ਹੋ ਗਏ ਜਦੋਂ ਅਭਿਆਸ ਵਿਚ ਹਿੱਸਾ ਲੈ ਰਹੇ ਅਮਰੀਕੀ ਫ਼ੌਜ ਦੇ ਦੋ ਬਲੈਕਹਾਕ ਹੈਲੀਕਾਪਟਰ ਚਾਰ ਵੱਡੇ ਤੰਬੂਆਂ ਦੇ ਬਹੁਤ ਨੇੜੇ ਆ ਗਏ। ਇਸ ਕਾਰਨ ਟੈਂਟ ਹੇਠਾਂ ਡਿੱਗ ਗਏ। ਇਸ ਵਿਚ 22 ਜਵਾਨ ਜ਼ਖ਼ਮੀ ਹੋ ਗਏ। ਅਧਿਕਾਰੀਆਂ ਨੇ ਦਸਿਆ ਕਿ ਬੀਤੀ ਰਾਤ ਫ਼ੋਰਟ ਹੰਟਰ ਲਿਗੇਟ ਵਿਚ ਹੋਏ ਇਸ ਹਾਦਸੇ ਵਿਚ ਕੋਈ ਵੀ ਗੰਭੀਰ ਰੂਪ ਨਾਲ ਜ਼ਖ਼ਮੀ ਨਹੀਂ ਹੋਇਆ।

ਹਾਲਾਂਕਿ ਦੋ ਜਵਾਨਾਂ ਨੂੰ ਇਲਾਜ ਲਈ ਹਵਾਈ ਰਸਤੇ ਹਸਪਤਾਲ ਲਿਜਾਣਾ ਪਿਆ। ਫ਼ੌਜ ਵਲੋਂ ਇਹ ਜਾਂਚ ਕੀਤੀ ਜਾ ਰਹੀ ਹੈ ਕਿ ਹੈਲੀਕਾਪਟਰ ਤੰਬੂਆਂ ਦੇ ਇੰਨੇ ਨੇੜੇ ਕਿਉਂ ਆਏ। ਤਸਵੀਰਾਂ ਵਿਚ ਨਜ਼ਰ ਆ ਰਿਹਾ ਸੀ ਕਿ ਹਰੇ ਰੰਗ ਦੇ ਤੰਬੂ ਡਿੱਗ ਗਏ ਸਨ। ਤੰਬੂ ਇੰਨੇ ਵੱਡੇ ਹਨ ਕਿ ਹਰ ਇਕ ਵਿਚ ਲਗਭਗ 40 ਲੋਕ ਸੋ ਸਕਦੇ ਹਨ।                       (ਪੀ.ਟੀ.ਆਈ)