ਹਰਬਲ ਟੀ ਨਾਲ ਹੋ ਜਾਵੇਗਾ ਕੋਰੋਨਾ ਦਾ ਖਾਤਮਾ! ਇਸ ਦੇਸ਼ ਦੇ ਰਾਸ਼ਟਰਪਤੀ ਦਾ ਦਾਅਵਾ
ਪੂਰੀ ਦੁਨੀਆ ਵਿਚ ਕੋਰੋਨਾ ਵਾਇਰਸ ਨੇ ਤਬਾਹੀ ਮਚਾਈ ਹੋਈ ਹੈ ਅਤੇ ਲੱਖਾਂ ਕੋਸ਼ਿਸ਼ਾਂ ਦੇ ਬਾਵਜੂਦ, ਵਿਗਿਆਨੀ, ਮਾਹਰ ਅਤੇ ਡਾਕਟਰ ਇਸ ਦਾ ਇਲਾਜ ਨਹੀਂ ਲੱਭ ਸਕੇ।
ਨਵੀਂ ਦਿੱਲ਼ੀ: ਪੂਰੀ ਦੁਨੀਆ ਵਿਚ ਕੋਰੋਨਾ ਵਾਇਰਸ ਨੇ ਤਬਾਹੀ ਮਚਾਈ ਹੋਈ ਹੈ ਅਤੇ ਲੱਖਾਂ ਕੋਸ਼ਿਸ਼ਾਂ ਦੇ ਬਾਵਜੂਦ, ਵਿਗਿਆਨੀ, ਮਾਹਰ ਅਤੇ ਡਾਕਟਰ ਇਸ ਦਾ ਇਲਾਜ ਨਹੀਂ ਲੱਭ ਸਕੇ। ਹਰ ਰੋਜ਼ ਇਸ ਵਾਇਰਸ ਨੂੰ ਖਤਮ ਕਰਨ ਲਈ ਇਕ ਨਵਾਂ ਦਾਅਵਾ ਕੀਤਾ ਜਾਂਦਾ ਹੈ।
ਹੁਣ ਇਸ ਲੜੀ ਵਿਚ, ਮੈਡਾਗਾਸਕਰ ਦੇ ਰਾਸ਼ਟਰਪਤੀ ਨੇ ਹਰਬਲ ਟੀ ਲਾਂਚ ਕਰਦੇ ਹੋਏ ਇਕ ਨਵਾਂ ਦਾਅਵਾ ਕੀਤਾ ਹੈ ਕਿ ਇਹ ਕੋਰੋਨਾ ਵਾਇਰਸ ਨੂੰ ਪੂਰੀ ਤਰ੍ਹਾਂ ਖਤਮ ਕਰ ਦੇਵੇਗੀ। ਮੈਡਾਗਾਸਕਰ ਦੇ ਰਾਸ਼ਟਰਪਤੀ ਆਂਡਰੇ ਰਾਜੋਲੀਨ ਨੇ ਅਧਿਕਾਰਤ ਤੌਰ 'ਤੇ ਕੋਰੋਨਾ ਵਾਇਰਸ ਦੇ ਇਲਾਜ ਲਈ ਹਰਬਲ ਟੀ ਲਾਂਚ ਕੀਤੀ ਹੈ।
ਰਾਸ਼ਟਰਪਤੀ ਨੇ ਆਪਣੇ ਮੰਤਰੀਆਂ, ਡਿਪਲੋਮੈਟਾਂ ਅਤੇ ਪੱਤਰਕਾਰਾਂ ਵਿਚ ਇੰਸਟੀਚਿਊਟ ਅਪਲਾਈਡ ਰਿਸਰਚ ਦੇ ਇਕ ਪ੍ਰੋਗਰਾਮ ਵਿਚ ਕਿਹਾ ਕਿ ਇਸ ਦੀ ਪਰਖ ਕੀਤੀ ਗਈ ਹੈ ਅਤੇ ਦੋ ਲੋਕਾਂ ਦਾ ਸਫਲਤਾਪੂਰਵਕ ਇਲਾਜ ਕੀਤਾ ਜਾ ਚੁੱਕਾ ਹੈ। ਉਹਨਾਂ ਨੇ ਕਿਹਾ ਕਿ ਤੁਹਾਨੂੰ ਇਹ ਦਿਖਾਉਣ ਲਈ ਮੈਂ ਇਸ ਉਤਪਾਦ ਨੂੰ ਸਾਰਿਆਂ ਸਾਹਮਣੇ ਪੀਵਾਂਗਾ, ਜਿਸ ਨਾਲ ਇਹ ਸਾਬਿਤ ਹੋ ਜਾਵੇਗਾ ਕਿ ਇਹ ਇਲਾਜ ਕਰਦਾ ਹੈ, ਮਾਰਦਾ ਨਹੀਂ ਹੈ।
ਇਸ ਹਰਬਲ ਟੀ ਨੂੰ ਰਾਸ਼ਟਰਪਤੀ ਨੇ ਕੋਵਿਡ ਆਰਗੈਨਿਕਸ ਦਾ ਨਾਂਅ ਦਿੱਤਾ ਹੈ ਅਥੇ ਇਸ ਨੂੰ ਆਰਟੀਮੇਸੀਆ ਨਾਂਅ ਦੇ ਪਲਾਂਟ ਵਿਚ ਤਿਆਰ ਕੀਤਾ ਗਿਆ ਹੈ। ਇਹ ਪਲਾਂਟ ਮਲੇਰੀਆ ਦੇ ਇਲਾਜ ਵਿਚ ਬੇਹੱਦ ਕਾਰਗਰ ਸਾਬਿਤ ਹੋ ਚੁੱਕਾ ਹੈ। ਇਸ ਹਰਬਲ ਟੀ ਨੂੰ ਬਣਾਉਣ ਲਈ ਸਥਾਨਕ ਜੜੀ-ਬੂਟੀਆਂ ਦੀ ਵਰਤੋਂ ਕੀਤੀ ਗਈ ਹੈ।
ਕਿਹਾ ਗਿਆ ਹੈ ਕਿ ਇਹ ਕੋਵਿਡ ਆਰਗੈਨਿਕਸ ਪ੍ਰੋਫਿਲੈਕਸਿਸ ਦੇ ਰੂਪ ਵਿਚ ਹੋਵੇਗਾ ਜੋ ਕੋਰੋਨਾ ਵਾਇਰਸ ਦੀ ਰੋਕਥਾਮ ਵਿਚ ਅਹਿਮ ਭੂਮਿਕਾ ਨਿਭਾਵੇਗਾ। ਦੱਸ ਦਈਏ ਕਿ ਮੈਡਾਗਾਸਕਰ ਵਿਚ ਕੋਰੋਨਾ ਵਾਇਰਸ ਦੇ 121 ਮਾਮਲਿਆਂ ਦੀ ਪੁਸ਼ਟੀ ਹੋ ਚੁੱਕੀ ਹੈ ਪਰ ਹਾਲੇ ਤੱਕ ਉੱਥੇ ਕਿਸੇ ਦੀ ਵੀ ਮੌਤ ਨਹੀਂ ਹੋਈ ਹੈ।