ਅਮਰੀਕਾ ਦੇ ਓਕ ਕ੍ਰੀਕ ਗੁਰਦੁਆਰਾ ਮਾਮਲੇ 'ਚ ਦੋਸਤੀ ਦੀ ਬੁਨਿਆਦ

America Oak Creek Gurudwara Sahib

ਓਕ ਕ੍ਰੀਕ : ਅਮਰੀਕਾ ਦੇ ਵਿਸਕੋਂਸਿਨ ਦੇ ਓਕ ਕ੍ਰੀਕ ਸਥਿਤ ਗੁਰਦੁਆਰਾ ਸਾਹਿਬ ਵਿਖ ਪਿਛਲੇ ਸਾਲ ਜਦੋਂ ਇਕ ਗੋਰੇ ਨਸਲਵਾਦੀ ਨੇ 6 ਸਿੱਖਾਂ ਦੀ ਹੱਤਿਆ ਕਰ ਦਿਤੀ ਸੀ ਤਾਂ ਇੱਥੇ ਵਧਦੇ ਨਫ਼ਰਤ ਦੇ ਅਪਰਾਧ 'ਤੇ ਬਹਿਸ ਤੇਜ਼ ਹੋਈ ਪਰ ਇਸ ਹਮਲੇ ਨੇ ਇਕ ਪੀੜਤ ਬੇਟੇ ਅਤੇ ਸਾਬਕਾ ਨਸਲਵਾਦੀ ਵਿਚਕਾਰ ਡੂੰਘੀ ਦੋਸਤੀ ਦੀ ਬੁਨਿਆਦ ਵੀ ਰੱਖੀ। ਹਮਲੇ ਵਿਚ ਪ੍ਰਦੀਪ ਕਾਲੇਕਾ (37) ਦੇ ਪਿਤਾ ਸਮੇਤ ਹੋਰ 5 ਲੋਕ ਮਾਰੇ ਗਏ ਸਨ।

ਹੁਣ ਇਹ ਦੋਹੇ ਮਿਲ ਕੇ ਅਮਨ ਅਤੇ ਭਾਈਚਾਰੇ ਦਾ ਸੰਦੇਸ਼ ਦੇ ਰਹੇ ਹਨ। ਪ੍ਰਦੀਪ ਅਤੇ ਮਾਈਕਲਿਸ ਦੇ ਵਿਚਕਾਰ ਡੂੰਘੀ ਦੋਸਤੀ ਦਾ ਅੰਦਾਜ਼ਾ ਇਸੇ ਗੱਲ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਦੋਹਾਂ ਨੇ 5 ਅਗਸਤ 2012 ਦੀ ਤਰੀਕ ਵਾਲਾ ਇਕੋ ਜਿਹਾ ਟੈਟੂ ਅਪਣੀ ਬਾਂਹ 'ਤੇ ਬਣਵਾਇਆ ਹੈ। ਇਸੇ ਤਰੀਕ ਨੂੰ ਗੋਰੇ ਨਸਲਵਾਦੀ ਨੇ ਗੁਰਦੁਆਰਾ ਸਾਹਿਬ ਵਿਚ ਗੋਲੀਬਾਰੀ ਕੀਤੀ ਸੀ।