Woman slashes 3 newborns, 2 adults

ਨਿਊਯਾਰਕ : ਨਿਊਯਾਰਕ ਸ਼ਹਿਰ ਦੇ ਇਕ ਘਰ ਵਿਚ ਸਥਿਤ ਡੇਅ ਕਅਰ ਸੈਂਟਰ (ਬੱਚਿਆਂ ਦੀ ਦੇਖਭਾਲ ਦਾ ਕੇਂਦਰ) ਵਿਚ ਇਕ ਮਹਿਲਾ ਕਰਮਚਾਰੀ ਨੇ ਤਿੰਨ ਨਵੇਂ ਜੰਮੇ ਬੱਚਿਆਂ ਅਤੇ ਦੋ ਲੋਕਾਂ ਨੂੰ ਚਾਕੂ ਨਾਲ ਹਮਲਾ ਕਰ ਜ਼ਖ਼ਮੀ ਕਰ ਦਿਤਾ। ਬਾਅਦ ਵਿਚ ਹਮਲਾਵਰ ਨੇ ਖੁੱਦ ਦਾ ਗੁੱਟ ਵੀ ਕੱਟ ਲਿਆ ਜਿਸ ਨੂੰ ਜ਼ਖ਼ਮੀ ਹਾਲਤ ਵਿਚ ਪੁਲਿਸ ਨੇ ਗ੍ਰਿਫ਼ਤਾਰ ਕਰ ਲਿਆ ਹੈ। ਨਿਊਯਾਰਕ ਸਿਟੀ ਪੁਲਿਸ ਵਿਭਾਗ ਦੀ ਸਹਾਇਕ ਗਸ਼ਤੀ ਮੁਖੀ ਜੁਆਨਿਟਾ ਹੋਮਸ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਸ਼ੁਕਰਵਾਰ ਨੂੰ 52 ਸਾਲਾਂ ਮਹਿਲਾ ਨੇ 13 ਦਿਨ, 22 ਦਿਨ ਅਤੇ 33 ਦਿਨ ਦੇ ਬੱਚਿਆਂ ਨੂੰ ਚਾਕੂ ਸੇੇ ਗੰਭੀਰ ਰੁਪ ਨਾਲ ਜ਼ਖ਼ਮੀ ਕਰ ਦਿਤਾ।

ਦੋ ਲਡ਼ਕੀਆਂ ਸਮੇਤ ਤਿੰਨਾਂ ਬੱਚਿਆਂ ਨੂੰ ਹਸਪਤਾਲ ਵਿਚ ਭਰਤੀ ਕਰਾਇਆ ਗਿਆ ਹੈ ਜਿੱਥੇ ਉਨ੍ਹਾਂ ਦੀ ਹਾਲਤ ਠੀਕ ਦੱਸੀ ਜਾਂਦੀ ਹੈ। ਹਮਲਾਵਰ ਮਹਿਲਾ ਦੀ ਪਹਿਚਾਣ ਨਹੀਂ ਕੀਤੀ ਜਾ ਸਕੀ ਹੈ ਅਤੇ ਨਾ ਹੀ ਇਸ ਹਮਲੇ ਦੇ ਪਿੱਛੇ ਉਸ ਦੀ ਇਛਾ ਦੇ ਬਾਰੇ ਵਿਚ ਪਤਾ ਚੱਲ ਸਕਿਆ ਹੈ। ਹਮਲਾਵਰ ਉਥੇ ਨਰਸਰੀ ਵਿਚ ਕੰਮ ਕਰਦੀ ਸੀ।  ਹਮਲਾਵਰ ਨੇ ਇਕ ਵਿਅਕਤੀ (31) ਅਤੇ ਇਕ ਮਹਿਲਾ (63) ਨੂੰ ਵੀ ਚਾਕੂ ਨਾਲ ਹਮਲਾ ਕਰ ਜ਼ਖ਼ਮੀ ਕਰ ਦਿਤਾ। ਜ਼ਖ਼ਮੀ ਵਿਅਕਤੀ ਨਵੇਂ ਜੰਮੇ ਬੱਚਿਆਂ ਵਿਚੋਂ ਇਕ ਦਾ ਪਿਤਾ ਦੱਸਿਆ ਜਾਂਦਾ ਹੈ। ਪੁਲਿਸ ਨੇ ਘਟਨਾ ਥਾਂ ਤੋਂ ਖੂਨ ਨਾਲ ਸਨਿਆ ਇਕ ਚਾਕੂ ਅਤੇ ਇਕ ਮੀਟ ਕਲੀਵਰ ਬਰਾਮਦ ਕੀਤਾ ਹੈ।

ਪੁਲਿਸ ਦੇ ਮੁਤਾਬਕ ਘਟਨਾ ਦੇ ਸਮੇਂ ਸੈਂਟਰ ਵਿਚ ਨੌਂ ਬੱਚੇ ਅਤੇ ਉਨ੍ਹਾਂ ਦੇ ਕਈ ਸੰਭਾਲਕਰਤਾ ਮੌਜੂਦ ਸਨ। ਕਵੀਂਸ ਜਿਲ੍ਹਾ ਅਟਾਰਨੀ ਰਿਚਰਡ ਬਰਾਉਨ ਨੇ ਇਕ ਬਿਆਨ ਵਿਚ ਕਿਹਾ ਕਿ ਅਸੀਂ ਅਰਦਾਸ ਕਰਦੇ ਹਾਂ ਕਿ ਸਾਰੇ ਪੀੜਤ ਠੀਕ ਹੋਣਗੇ ਅਤੇ ਇਹਨਾਂ ਦੀਆਂ ਸੱਟਾਂ ਠੀਕ ਹੋ ਜਾਣਗੀਆਂ। ਅਸੀਂ ਉਮੀਦ ਕਰ ਰਹੇ ਹਾਂ ਕਿ ਇਹ ਛੋਟੇ-ਛੋਟੇ ਬੱਚੇ ਕਿਸੇ ਸੀ ਮੂਰਖਤਾ ਭਰੀ ਹਿੰਸਾ ਦੇ ਭਿਆਨਕ ਕਾਰਜ ਤੋਂ ਉਭਰਣ ਲਈ ਵੀ ਕਾਫ਼ੀ ਮਜਬੂਤ ਹਨ।