ਇਟਲੀ ਵਿਚ ਦਰਦਨਾਕ ਹਾਦਸਾ, ਉਚਾਈ ਤੋਂ ਡਿੱਗੀ ਕੇਬਲ ਕਾਰ, 14 ਲੋਕਾਂ ਦੀ ਮੌਤ

Tragic accident in Italy

ਰੋਮ: ਇਟਲੀ ਵਿੱਚ ਦਰਦਨਾਕ ਹਾਦਸਾ ਵਾਪਰ ਗਿਆ। ਉੱਚਾਈ ਤੋਂ ਕੇਬਲ ਕਾਰ ਜ਼ਮੀਨ ਤੇ ਡਿੱਗਣ ਨਾਲ 14 ਲੋਕਾਂ ਦੀ ਮੌਤ ਹੋ ਗਈ। ਰਾਹਤ ਟੀਮ ਮੌਕੇ 'ਤੇ ਮੌਜੂਦ ਹੈ।

ਜਾਣਕਾਰੀ ਅਨੁਸਾਰ ਐਤਵਾਰ ਨੂੰ ਉੱਤਰੀ ਇਟਲੀ ਵਿਚ ਇੱਕ ਸੁੰਦਰ ਪਹਾੜੀ ਖੇਤਰ ਵਿੱਚ ਇੱਕ ਕੇਬਲ ਕਾਰ ਜ਼ਮੀਨ ਤੇ ਡਿੱਗ ਗਈ ਅਤੇ ਇਸ ਘਟਨਾ ਵਿੱਚ ਘੱਟੋ ਘੱਟ 14 ਲੋਕਾਂ ਦੀ ਮੌਤ ਹੋ ਗਈ। ਦੋ ਬੱਚਿਆਂ ਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ। 

ਅਲਪਾਈਨ ਬਚਾਓ ਸੇਵਾ ਦੇ ਬੁਲਾਰੇ ਵਾਲਟਰ ਮਿਲਾਨ ਨੇ ਕਿਹਾ ਕਿ ਇਸ ਸਥਾਨ ‘ਤੇ ਸਕੀ ਲਿਫਟ ਤਾਰ ਜ਼ਮੀਨ ਨਾਲੋਂ ਕਾਫ਼ੀ ਉੱਚੀ ਹੈ। ਹਾਲਾਂਕਿ ਅਜੇ ਤੱਕ ਹਾਦਸੇ ਦੇ ਕਾਰਨਾਂ ਦਾ ਪਤਾ ਨਹੀਂ ਲੱਗ ਸਕਿਆ ਹੈ। ਉਨ੍ਹਾਂ ਕਿਹਾ ਕਿ ਕੇਬਲ ਲਾਈਨ ਦੀ ਮੁਰੰਮਤ ਸਾਲ 2016 ਵਿੱਚ ਕੀਤੀ ਗਈ ਸੀ ਅਤੇ ਹਾਲ ਹੀ ਵਿੱਚ ਕੋਵਿਡ -19 ਮਹਾਂਮਾਰੀ ਕਾਰਨ ਲਾਕਡਾਉਨ ਲਾਗੂ ਹੋਣ ਤੋਂ ਬਾਅਦ ਖੋਲ੍ਹ ਦਿੱਤੀ ਗਈ ਸੀ।