Nepal and India agree to go ahead with the Sapta Kosi Dam Project

 

ਕਾਠਮੰਡੂ - ਸਪਤਕੋਸੀ ਡੈਮ ਪ੍ਰਾਜੈਕਟ 'ਤੇ ਅਗਲੇਰੇ ਅਧਿਐਨ ਤੋਂ ਬਾਅਦ, ਭਾਰਤ ਅਤੇ ਨੇਪਾਲ ਅੱਗੇ ਕਦਮ ਵਧਾਉਣ ਲਈ ਸਹਿਮਤ ਹੋ ਗਏ ਹਨ। ਦੋਵਾਂ ਧਿਰਾਂ ਦੇ ਸੀਨੀਅਰ ਅਧਿਕਾਰੀਆਂ ਨੇ ਕਾਠਮੰਡੂ ਵਿਖੇ ਮੁਲਾਕਾਤ ਕੀਤੀ ਅਤੇ ਦੁਵੱਲੇ ਜਲ ਖੇਤਰ ਦੇ ਸਹਿਯੋਗ ਦੀ ਸਮੀਖਿਆ ਕੀਤੀ। ਇਸ ਦੌਰਾਨ ਮਹਾਕਾਲੀ ਸਮਝੌਤੇ ਨੂੰ ਲਾਗੂ ਕਰਨ ਅਤੇ ਹੜ੍ਹ ਪ੍ਰਭਾਵਿਤ ਖੇਤਰਾਂ ਵਿੱਚ ਆਪਸੀ ਸਹਿਯੋਗ ਬਾਰੇ ਵੀ ਚਰਚਾ ਕੀਤੀ ਗਈ।

ਜਲ ਸਰੋਤਾਂ ਬਾਰੇ ਸੰਯੁਕਤ ਕਮੇਟੀ (JCWR) ਦੀ ਨੌਵੀਂ ਬੈਠਕ ਸ਼ੁੱਕਰਵਾਰ ਨੂੰ ਕਾਠਮੰਡੂ ਵਿੱਚ ਹੋਈ ਜਿਸ ਦੀ ਸਹਿ-ਪ੍ਰਧਾਨਗੀ ਪੰਕਜ ਕੁਮਾਰ, ਸਕੱਤਰ ਜਲ ਸਰੋਤ ਵਿਭਾਗ, ਜਲ ਸ਼ਕਤੀ ਮੰਤਰਾਲਾ, ਭਾਰਤ ਸਰਕਾਰ ਅਤੇ ਸਾਗਰ ਰਾਏ, ਸਕੱਤਰ ਬਿਜਲੀ, ਜਲ ਸਰੋਤ ਤੇ ਸਿੰਚਾਈ ਮੰਤਰਾਲਾ ਨੇ ਕੀਤੀ।

ਇਸ ਤੋਂ ਪਹਿਲਾਂ ਜਲ ਸਰੋਤਾਂ ਬਾਰੇ ਸਾਂਝੀ ਸਥਾਈ ਤਕਨੀਕੀ ਕਮੇਟੀ ਦੀ ਸੱਤਵੀਂ ਬੈਠਕ 21 ਤੋਂ 22 ਸਤੰਬਰ ਤੱਕ ਹੋਈ ਸੀ। ਭਾਰਤੀ ਦੂਤਾਵਾਸ ਵੱਲੋਂ ਕਿਹਾ ਗਿਆ ਹੈ ਕਿ ਇਨ੍ਹਾਂ ਬੈਠਕਾਂ ਵਿੱਚ ਭਾਰਤ ਅਤੇ ਨੇਪਾਲ ਦਰਮਿਆਨ ਦੁਵੱਲੇ ਜਲ ਸਹਿਯੋਗ ਦੀ ਵਿਆਪਕ ਸਮੀਖਿਆ ਕੀਤੀ ਗਈ।

ਬੈਠਕਾਂ ਦੌਰਾਨ ਮਹਾਕਾਲੀ ਸਮਝੌਤੇ, ਸਪਤ ਕੋਸੀ-ਸੁਨ ਕੋਸੀ ਪ੍ਰਾਜੈਕਟ ਨੂੰ ਲਾਗੂ ਕਰਨ ਅਤੇ ਹੜ੍ਹ ਪ੍ਰਭਾਵਿਤ ਖੇਤਰਾਂ ਵਿੱਚ ਸਹਿਯੋਗ ਬਾਰੇ ਵੀ ਵਿਚਾਰ-ਵਟਾਂਦਰਾ ਕੀਤਾ ਗਿਆ। ਇਸ ਵਿਸ਼ੇ 'ਤੇ ਜਾਰੀ ਪ੍ਰੈੱਸ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਹੋਰ ਅਧਿਐਨਾਂ ਤੋਂ ਬਾਅਦ, ਸਪਤ ਕੋਸੀ ਪ੍ਰੋਜੈਕਟ ਨੂੰ ਅੱਗੇ ਵਧਾਉਣ ਲਈ ਸਹਿਮਤੀ ਜਤਾਈ ਗਈ। ਮਾਹਿਰਾਂ ਦੀ ਸਾਂਝੀ ਟੀਮ ਦੀ ਜਲਦੀ ਹੀ ਮੁਲਾਕਾਤ ਹੋਣ ਦੀ ਉਮੀਦ ਹੈ।