ਸੁਡਾਨ ਦੇ ਸਾਊਦੀ ਹਸਪਤਾਲ 'ਤੇ ਹਮਲੇ ਵਿੱਚ 70 ਲੋਕਾਂ ਦੀ ਮੌਤ: WHO
ਹਮਲੇ ਵਿੱਚ 19 ਲੋਕ ਗੰਭੀਰ ਜ਼ਖ਼ਮੀ, ਆਰਐਸਐਫ 'ਤੇ ਹਮਲੇ ਦੇ ਦੋਸ਼
ਦੁਬਈ: ਸੁਡਾਨ ਦੇ ਅਲ ਫਾਸ਼ਰ ਸ਼ਹਿਰ ਦੇ ਇੱਕ ਹਸਪਤਾਲ 'ਤੇ ਹੋਏ ਹਮਲੇ ਵਿੱਚ 70 ਲੋਕਾਂ ਦੀ ਮੌਤ ਹੋ ਗਈ ਹੈ। ਵਿਸ਼ਵ ਸਿਹਤ ਸੰਗਠਨ (WHO) ਦੇ ਮੁਖੀ ਨੇ ਐਤਵਾਰ ਨੂੰ ਇਹ ਜਾਣਕਾਰੀ ਦਿੱਤੀ।
WHO ਦੇ ਡਾਇਰੈਕਟਰ-ਜਨਰਲ ਟੇਡਰੋਸ ਅਡਾਨੋਮ ਘੇਬਰੇਅਸਸ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ 'X' 'ਤੇ ਇੱਕ ਪੋਸਟ ਰਾਹੀਂ ਇਹ ਅੰਕੜਾ ਪੇਸ਼ ਕੀਤਾ। ਉੱਤਰੀ ਦਾਰਫੁਰ ਸੂਬੇ ਦੀ ਰਾਜਧਾਨੀ ਵਿੱਚ ਅਧਿਕਾਰੀਆਂ ਅਤੇ ਹੋਰਾਂ ਨੇ ਸ਼ਨੀਵਾਰ ਨੂੰ ਇਸੇ ਤਰ੍ਹਾਂ ਦੇ ਅੰਕੜਿਆਂ ਦਾ ਹਵਾਲਾ ਦਿੱਤਾ, ਪਰ ਘੇਬਰੇਅਸਸ ਮ੍ਰਿਤਕਾਂ ਦੀ ਗਿਣਤੀ ਪ੍ਰਦਾਨ ਕਰਨ ਵਾਲਾ ਪਹਿਲਾ ਅੰਤਰਰਾਸ਼ਟਰੀ ਸਰੋਤ ਹੈ।
"ਸੁਡਾਨ ਦੇ ਅਲ ਫਾਸ਼ਰ ਵਿੱਚ ਇੱਕ ਸਾਊਦੀ ਹਸਪਤਾਲ 'ਤੇ ਹੋਏ ਭਿਆਨਕ ਹਮਲੇ ਵਿੱਚ 19 ਮਰੀਜ਼ ਜ਼ਖਮੀ ਹੋਏ ਅਤੇ 70 ਲੋਕ ਮਾਰੇ ਗਏ," ਘੇਬਰੇਅਸਸ ਨੇ ਲਿਖਿਆ।ਉਨ੍ਹਾਂ ਕਿਹਾ, "ਹਮਲੇ ਦੇ ਸਮੇਂ ਹਸਪਤਾਲ ਮਰੀਜ਼ਾਂ ਨਾਲ ਭਰਿਆ ਹੋਇਆ ਸੀ।" ਉਸਨੇ ਇਹ ਨਹੀਂ ਦੱਸਿਆ ਕਿ ਹਮਲਾ ਕਿਸਨੇ ਕੀਤਾ, ਪਰ ਸਥਾਨਕ ਅਧਿਕਾਰੀਆਂ ਨੇ ਇਸਦੇ ਲਈ ਬਾਗੀ ਰੈਪਿਡ ਸਪੋਰਟ ਫੋਰਸਿਜ਼ (RSF) ਨੂੰ ਜ਼ਿੰਮੇਵਾਰ ਠਹਿਰਾਇਆ ਹੈ। ਆਰਐਸਐਫ ਨੇ ਅਜੇ ਤੱਕ ਹਮਲੇ ਦੀ ਜ਼ਿੰਮੇਵਾਰੀ ਨਹੀਂ ਲਈ ਹੈ।