ਹੈਤੀ 'ਚ 400 ਤੋਂ ਵੱਧ ਕੈਦੀ ਜੇਲ੍ਹ ਤੋੜ ਕੇ ਫਰਾਰ,ਜੇਲ੍ਹ ਅਧਿਕਾਰੀ ਸਮੇਤ 25 ਦੀ ਮੌਤ

Jail

ਹੈਤੀ: ਦੇਸ਼ ਦੇ ਹਾਲਾਤ ਦਿਨੋ-ਦਿਨ ਵਿਗੜ ਰਹੇ ਹਨ। ਹਰ ਰੋਜ਼ ਅਣਸੁਖਾਵੀਆਂ ਘਟਨਾਵਾਂ ਵਾਪਰ ਰਹੀਆਂ ਹਨ।  ਬਲਾਤਕਾਰ,ਚੋਰੀ, ਕਤਲ ਇਹ ਸਭ ਆਮ ਹੋ ਗਏ ਹਨ। ਕਾਨੂੰਨ ਦਾ ਖੌਫ ਨਹੀਂ ਰਿਹਾ। ਚਾਰੇ ਪਾਸੇ ਕਾਨੂੰਨ ਦੀਆਂ ਧੱਜੀਆਂ ਉਡਾਈਆਂ ਜਾ ਰਹੀਆਂ ਹਨ।

ਅਜਿਹਾ ਹੀ ਮਾਮਲਾ ਹੈਤੀ ਤੋਂ ਸਾਹਮਣੇ ਆਇਆ ਹੈ। ਘਟਨਾਹੈਤੀ ਦੀ ਸਰਕਾਰ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ 400 ਤੋਂ ਵੱਧ ਕੈਦੀ ਜੇਲ੍ਹ ਵਿੱਚੋਂ ਫਰਾਰ ਹੋ ਗਏ ਅਤੇ ਗੋਲੀਬਾਰੀ ਵਿੱਚ ਜੇਲ੍ਹ ਅਧਿਕਾਰੀ ਸਮੇਤ 25 ਲੋਕ ਮਾਰੇ ਗਏ।

ਇਹ ਘਟਨਾ ਵੀਰਵਾਰ ਨੂੰ ਰਾਜਧਾਨੀ ਪੋਰਟ ਓ ਪ੍ਰਿੰਸ ਦੇ ਉੱਤਰ-ਪੂਰਬ ਵਿਚ ਕਰੂਆ ਡੀ ਬੁਕੇ ਸਿਵਲ ਜੇਲ੍ਹ ਵਿਚ ਵਾਪਰੀ। ਘਟਨਾ ਦੇ ਸਮੇਂ ਜੇਲ੍ਹ ਵਿੱਚ 1542 ਕੈਦੀ  ਮੌਜੂਦ ਸਨ। ਇਹ ਜੇਲ੍ਹ 2012 ਵਿੱਚ ਕੈਨੇਡਾ ਦੁਆਰਾ ਬਣਾਈ ਗਈ ਸੀ।

ਸਾਲ 2014 ਵਿਚ ਇਸ ਜੇਲ ਵਿਚੋਂ 300 ਤੋਂ ਵੱਧ ਕੈਦੀ ਫਰਾਰ ਹੋ ਗਏ ਸਨ। ਮਾਰੇ ਗਏ ਲੋਕਾਂ ਵਿਚ ਇਕ ਸ਼ਕਤੀਸ਼ਾਲੀ ਗਿਰੋਹ ਦਾ ਮੁਖੀ ਅਤੇ ਜੇਲ੍ਹ ਨਿਰਦੇਸ਼ਕ ਸ਼ਾਮਲ ਹਨ।ਇਹ ਘਟਨਾ ਵੀਰਵਾਰ ਨੂੰ ਕ੍ਰਿਕਸ-ਡੇਸ-ਬੁਚੇਟਸ ਜੇਲ੍ਹ ਵਿੱਚ ਰਾਜਧਾਨੀ ਪੋਰਟ-ਓ-ਪ੍ਰਿੰਸ ਦੇ ਬਾਹਰੀ ਇਲਾਕੇ ਵਿਚ ਵਾਪਰੀ।