ਸੜਕ ਹਾਦਸੇ 'ਚ ਦੋ ਔਰਤਾਂ ਦੀ ਮੌਤ ਅਤੇ ਤਿੰਨ ਜ਼ਖ਼ਮੀ

ਪਰਥ, 26 ਅਪ੍ਰੈਲ (ਪਿਆਰਾ ਸਿੰਘ ਨਾਭਾ): ਇਥੇ ਕਰਾਸ ਰੋਡ ਉਤੇ ਫੁੱਲਰਟਨ ਰੋਡ ਦੇ ਚੁਰਾਹੇ ਵਿਚ ਵਾਪਰੇ ਭਿਆਨਕ ਸੜਕ ਹਾਦਸੇ ਦੋ ਔਰਤਾਂ ਦੀ ਮੌਤ ਹੋ ਗਈ ਅਤੇ ਤਿੰਨ ਹੋਰ ਗੰਭੀਰ ਜ਼ਖਮੀ ਹੋਏ ਵਿਅਕਤੀ ਰਾਇਲ ਐਡੀਲੇਡ ਹਸਪਤਾਲ ਵਿਚ ਜ਼ੇਰੇ ਇਲਾਜ ਹਨ । ਹਾਦਸਾ ਇਕ ਤੇਜ਼ ਰਫ਼ਤਾਰ ਵਾਹਨ ਦੇ ਕਾਰਨ ਵਾਪਰਿਆ ਹਾਦਸਾਗ੍ਰਸਤ ਸਮੇ ਮਾਜ਼ੂਦ ਲੌਕਾਂ ਅਨੁਸਾਰ ਤੇਜ਼ ਰਫ਼ਤਾਰ ਵਾਹਨ ਕਰਾਸ ਰੋਡ ਉਤੇ ਫੁੱਲਰਟਨ ਰੋਡ ਦੇ ਚੁਰਾਹੇ ਵਿਚ 2 ਹੋਰ ਵਾਹਨਾਂ ਨੂੰ ਟੱਕਰ ਮਾਰਨ ਉਪਰੰਤ ਹਾਵਾ ਵਿਚ ਉਸਲ ਗਿਆ

ਜੋ ਸਟਰੀਟ ਲਾਈਟਾਂ ਦੇ ਖੰਭੇ ਨਾਲ ਟਕਰਾਉਦਾ ਹੋਇਆ ਹੇਠਾ ਡਿੱਗਾ ਨੇੜਲੇ ਘਰਾਂ ਦੇ ਲੋਕਾਂ ਹਾਦਸੇ ਦੀ ਆਵਾਜ਼ ਸੁਣਨ ਉਤੇ ਤੁਰਤ ਘਰਾਂ ਵਿਚੋਂ ਬਾਹਰ ਨਿਕਲ ਆਏ। ਪੁਲਿਸ ਸੁਪਰਡੈਂਟ ਕਰੈਗ ਵਾਲ ਨੇ ਕਿਹਾ ਕਿ ਤੇਜ਼ ਰਫ਼ਤਾਰ ਦੁਰਘਟਨਾ ਵਿਚ ਦਖਣੀ ਅਸਟਰੇਲੀਆ ਦੀ ਪੁਲਿਸ ਅਧਿਕਾਰੀ ਸਮੇਤ ਦੋ ਔਰਤਾਂ ਦੀ ਮੌਤ ਹੋ ਗਈ ਹੈ । ਜਦੋਂ ਕਿ ਇਕ 20 ਸਾਲਾ ਨੌਜਵਾਨ ਸਮੇਤ ਦੋ ਹੋਰ ਵਿਅਕਤੀਆਂ ਨੂੰ ਗੰਭੀਰ ਸੱਟਾਂ ਲੱਗਣ ਕਾਰਨ ਰਾਇਲ ਐਡੀਲੇਡ ਹਸਪਤਾਲ ਲਿਜਾਇਆ ਗਿਆ। ਪੁਲਿਸ ਨੇ ਹਾਦਸੇ ਕਾਰਨ ਕਰਾਸ ਰੋਡ ਕਰੀਬ 10 ਘੰਟੇ ਬੰਦ ਰੱਖਿਆ ਗਿਆ । ਦੱਖਣੀ ਆਸਟਰੇਲੀਆ ਪੁਲਿਸ ਹਾਦਸੇ ਦੀ ਜਾਂਚ ਕਰ ਰਹੀ ਹੈ ।