ਪੇਸ਼ਾਵਰ: ਪਾਕਿਸਤਾਨੀ ਵਿਚ ਇਕ ਪੱਤਰਕਾਰ ਪਤੀ ਨੇ ਅਪਣੀ ਪੱਤਰਕਾਰ ਪਤਨੀ ਦਾ ਕਤਲ ਕਰ ਦਿੱਤਾ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਦੋਸ਼ੀ ਨੇ ਪਤਨੀ ਦੇ ਨੌਕਰੀ ਨਾ ਛੱਡਣ ਦੀ ਵਜ੍ਹਾ ਨਾਲ ਕਥਿਤ ਤੌਰ ‘ਤੇ ਉਸਦੀ ਜਾਨ ਲੈ ਲਈ। ਪ੍ਰਤੱਖਦਰਸ਼ੀਆਂ ਅਨੁਸਾਰ ਜੋੜੇ ਦਾ ਵਿਆਹ ਸੱਤ ਮਹੀਨੇ ਪਹਿਲਾ ਹੀ ਹੋਇਆ ਸੀ ਪਰ ਇਸਤੋਂ ਬਾਅਦ ਉਨ੍ਹਾਂ ਦੇ ਆਪਸੀ ਸੰਬੰਧ ਖਰਾਬ ਹੋਣ ਲੱਗੇ।

ਇਕ ਸੀਨੀਅਰ ਪੁਲਿਸ ਅਧਿਕਾਰੀ ਦੋਸਤ ਮੁਹੰਮਦ ਨੇ ਦੱਸਿਆ ਕਿ ਉਰੂਜ਼ ਇਕਬਾਲ ਉਰਦੂ ਅਖਬਾਰ ਵਿਚ ਕੰਮ ਕਰਦੀ ਸੀ ਅਤੇ ਸੋਮਵਾਰ ਨੂੰ ਜਦੋਂ ਉਹ ਕਿਲਾ ਗੁੱਜਰ ਸਿੰਘ ਸਥਿਤ ਆਪਣੇ ਦਫ਼ਤਰ ਵਿਚ ਦਾਖਲ ਕਰ ਰਹੀ ਸੀ ਉਦੋਂ ਹੀ ਉਸਦੇ ਪਤੀ ਦਿਲਾਵਰ ਅਲੀ ਨੇ ਉਸਦੇ ਸਿਰ ਵਿਚ ਗੋਲੀ ਮਾਰੀ। ਇਸਤੋਂ ਬਾਅਦ ਇਕਬਾਲ ਨੂੰ ਹਸਪਤਾਲ ਵਿਚ ਵੀ ਲੈ ਜਾਇਆ ਗਿਆ ਪਰ ਉਹ ਬਚ ਨਹੀਂ ਸਕੀ।

ਮੁਹੰਮਦ ਨੇ ਦੱਸਿਆ ਕਿ ਉਨ੍ਹਾਂ ਨੇ ਪੀੜਿਤ ਦੇ ਭਰਾ ਯਾਸਿਰ ਇਕਬਾਲ ਦੀ ਸ਼ਿਕਾਇਤ ਉਤੇ ਪਤੀ ਦੇ ਖਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ। ਅਲੀ ਦੂਜੇ ਉਰਦੂ ਅਖਬਾਰ ਵਿਚ ਕੰਮ ਕਰਦਾ ਹੈ। ਪੀੜਿਤ ਦੇ ਭਰਾ ਨੇ ਕਿਹਾ ਹੈ ਕਿ ਉਨ੍ਹਾਂ ਦੀ ਭੈਣ ਦੀ ਲਵ-ਮੈਰਿਜ ਹੋਈ ਸੀ ਪਰ ਵਿਆਹ ਤੋਂ ਤੁਰੰਤ ਬਾਅਦ ਹੀ ਕਈਂ ਗੱਲਾਂ ਨੂੰ ਲੈ ਕੇ ਪਰਵਾਰਕ ਕਲੇਸ਼ ਸ਼ੁਰੂ ਹੋ ਗਿਆ। ਇਹ ਕਲੇਸ਼ ਅਲੀ ਵੱਲੋਂ ਵਾਰ-ਵਾਰ ਅਪਣੀ ਪਤਨੀ ਤੋਂ ਨੌਕਰੀ ਛੱਡਣ ਦੀ ਮੰਗ ਨੂੰ ਲੈ ਕੇ ਕੀਤਾ ਜਾਂਦਾ ਸੀ।