ਅਮਰੀਕਾ 'ਚ ਆਉਣ ਵਾਲਾ ਹੈ ਤੂਫਾਨ, ਕਈ ਉਡਾਨਾਂ ਹੋਈਆਂ ਰੱਦ

Hurricanes hundreds of flights canceled

ਵਾਸਿੰਗਟਨ (ਭਾਸ਼ਾ): ਅਮਰੀਕਾ ਦੇ ਮੱਧਮ ਹਿੱਸੇ ਤੋਂ ਸਰਦੀਆਂ 'ਚ ਆਉਣ ਵਾਲੇ ਇਕ ਸ਼ਕਤੀਸ਼ਾਲੀ ਤੂਫਾਨ ਦੇ ਗੁਜ਼ਰਨ ਨਾਲ ਵੀਰਵਾਰ ਨੂੰ ਦੇਸ਼ ਭਰ 'ਚ ਅਣਗਿਣਤ ਉਡਾਨਾ ਰੱਦ ਕਰ ਦਿਤੀਆਂ ਗਈਆਂ ਅਤੇ ਹਜ਼ਾਰਾਂ ਉਡਾਨਾ 'ਚ ਦੇਰੀ ਹੋਈ, ਜਿਸ ਦੇ ਨਾਲ ਕਿ੍ਰਸਮਸ ਦੀਆਂ ਛੁੱਟੀਆਂ ਮਨਾ ਰਹੇ ਯਾਤਰੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਉਡਾਨਾਂ ਦੀ ਨਿਗਰਾਨੀ ਰੱਖਣ ਵਾਲੀ ਵੈਬਸਾਈਟ ਫਲਾਇਟਅਵੇਇਰ ਦੇ ਮੁਤਾਬਕ 6,500 ਤੋਂ ਜਿਆਦਾ ਉਡਾਨਾਂ  'ਚ ਦੇਰੀ ਹੋਈ ਅਤੇ ਕਰੀਬ 800 ਉੜਾਨਾਂ ਰੱਦ ਕਰ ਦਿਤੀਆਂ ਗਈਆਂ। 

ਦੇਸ਼ ਦੇ ਉੱਤਰੀ ਅਤੇ ਮੱਧਮ ਮੈਦਾਨੀ ਭਾਗਾਂ 'ਚ ਮੀਂਹ, ਬਰਫਬਾਰੀ ਅਤੇ ਤੇਜ਼ ਹਵਾਵਾਂ ਦੇ ਕਾਰਨ ਵੀ ਸੜਕ ਰਸਤੇ ਤੇ ਯਾਤਰਾ ਕਰਨਾ ਖਤਰਨਾਕ ਹੋ ਗਿਆ। ਕੁੱਝ ਇਲਾਕੀਆਂ 'ਚ ਸ਼ੁੱਕਰਵਾਰ ਨੂੰ ਤੂਫਾਨ ਦੇ ਕਮਜੋਰ ਪੈਣ ਤੋਂ ਪਹਿਲਾਂ ਇਕ ਫੁੱਟ ਤੋਂ ਜ਼ਿਆਦਾ ਦੀ ਬਰਫ ਵੇਖੀ ਗਈ। ਅਧਿਕਾਰੀਆਂ ਨੇ ਨੇਬਰਾਸਕਾ  ਦੇ ਕੁੱਝ ਹਿੱਸੀਆਂ ਵਿੱਚ ਵਿਜਿਬਿਲਿਟੀ ਬੇਹੱਦ ਘੱਟ ਹੋਣ ਦੀ ਜਾਣਕਾਰੀ ਦਿਤੀ ਹੈ ਅਤੇ ਇਕ ਇੰਟਰਸਟੇਟ ਸੜਕ ਨੂੰ ਬੰਦ ਕਰ ਦਿਤਾ ਹੈ।

ਨਾਲ ਹੀ ਉੱਤਰੀ ਡਾਕੋਟਾ ਨੇ ਸੂਬੇ ਦੇ ਪੂਰਬੀ ਹਿੱਸੇ ਦੀ ਯਾਤਰਾ ਨਾ ਕਰਨ ਦੀ ਸਲਾਹ ਦਿਤੀ ਹੈ। ਮੌਸਮ ਅਜਿਹੇ ਸਮਾਂ 'ਚ ਖ਼ਰਾਬ ਹੋਇਆ ਹੈ ਜਦੋਂ ਕਈ ਅਮਰੀਕੀ ਕਿ੍ਰਸਮਸ ਦੀਆਂ ਛੁੱਟੀਆਂ ਲਈ ਯਾਤਰਾ ਕਰ ਰਹੇ ਹਨ। ਇਸ ਤੂਫਾਨ ਦੇ ਕਾਰਨ ਫਸੇ ਯਾਤਰੀ ਡੇਨਿਸ ਨਾਇਟ ਨੇ ਕਿਹਾ ਕਿ ਸਾਡੀ ਕਿ੍ਰਸਮਸ ਦੀਆਂ ਛੁੱਟੀਆਂ ਬਰਬਾਦ ਹੋ ਗਈਆਂ।