British Columbia ਦੀ ਮੰਤਰੀ ਦੇ ਦਫ਼ਤਰ ਦੇ ਬਾਹਰਵਾਰ ਧਮਾਕਾ

Explosion outside British Columbia minister's office

Explosion outside British Columbia minister's office: ਕੈਨੇਡਾ ਦੇ ਬ੍ਰਿਟਿਸ਼ ਕੋਲੰਬੀਆ ਸੂਬੇ ਦੀ ਮੰਤਰੀ ਬੋਵਿਨ ਮਾ ਦੇ ਵੈਨਕੂਵਰ ’ਚ ਸਥਿਤ ਦਫ਼ਤਰ ਦੇ ਬਾਹਰਵਾਰ ਅੱਜ ਤੜਕਸਾਰ ਹੋਏ ਧਮਾਕਿਆਂ ਦੀ ਪੁਲਿਸ ਵਲੋਂ ਤੇਜ਼ੀ ਨਾਲ ਜਾਂਚ ਆਰੰਭ ਕਰ ਦਿਤੀ ਗਈ ਹੈ।

ਪ੍ਰਾਪਤ ਜਾਣਕਾਰੀ ਅਨੁਸਾਰ ਅੱਜ ਤੜਕਸਾਰ ਤਕਰੀਬਨ 2:45 ਵਜੇ ਉਤਰੀ ਵੈਨਕੂਵਰ ਦੀ ਲਾਸ ਡੀਲ ਇਲਾਕੇ ’ਚ ਉਨ੍ਹਾਂ ਦੇ ਸਰਕਾਰੀ ਦਫਤਰ ਮੂਹਰੇ ਇੱਕ ਜੋਰਦਾਰ ਧਮਾਕਾ ਹੋਇਆ, ਜਿਸ ਮਗਰੋਂ ਦਫ਼ਤਰ ਦਾ ਇਕ ਦਰਵਾਜ਼ਾ ਅਤੇ ਫ਼ਰੇਮ ਕਾਫੀ ਨੁਕਸਾਨਿਆ ਗਿਆ। ਜਦੋਂ ਕਿ ਦੂਸਰਾ ਧਮਾਕਾ 4:15 ਵਜੇ ਹੋਇਆ। ਇਨ੍ਹਾਂ ਧਮਾਕਿਆਂ ’ਚ ਕਿਸੇ ਦਾ ਜਾਨੀ ਨੁਕਸਾਨ ਨਹੀਂ ਹੋਇਆ ਅਤੇ ਨਾ ਹੀ ਕਿਸੇ ਦੀ ਜਖ਼ਮੀ ਹੋਣ ਦੀ ਸੂਚਨਾ ਹੈ। ਇਨ੍ਹਾਂ ਧਮਾਕਿਆਂ ਕਾਰਨ ਮੰਤਰੀ ਦਾ ਦਫ਼ਤਰ ਅੱਜ ਬੰਦ ਰਖਿਆ ਗਿਆ।