ਭਾਰਤੀ ਦਾ ਆਸਟਰੇਲੀਆ ਹਵਾਈ ਅੱਡੇ 'ਤੇ ਵੀਜ਼ਾ ਰੱਦ

ਮੈਲਬੋਰਨ : ਦੈਵਿਕ ਪਟੇਲ ਨਾਂਮੀ 25 ਸਾਲ ਦੇ ਭਾਰਤੀ ਨਾਗਰਿਕ ਜਿਸ ਨੂੰ ਕਿ ਆਸਟਰੇਲੀਅਨ ਆਵਾਸ ਵਿਭਾਗ ਨੇ ਘੁੰਮਣ ਫ਼ਿਰਨ ਦਾ ਵੀਜ਼ਾ ਦਿਤਾ ਸੀ। ਜਦੋਂ ਉਹ ਆਸਟਰੇਲੀਆ ਦੇ ਸ਼ਹਿਰ ਮੈਲਰਬੋਰਨ ਜਾਣ ਲਈ ਸੁਰੱਖਿਆ ਜਾਂਚ ਦੀ ਉਡੀਕ ਕਰ ਰਿਹਾ ਸੀ ਤਾਂ ਉਸ ਨੂੰ ਹਵਾਈ ਅੱਡੇ ਦੇ ਅਧਿਕਾਰੀਆ ਦੁਆਰਾ ਦੂਜੇ ਯਾਤਰੀਆਂ ਤੋ ਵੱਖ ਕਰ ਲਿਆ ਗਿਆ ਅਤੇ ਸੂਚਨਾਂ ਦਿਤੀ ਗਈ ਕਿ ਆਸਟਰੇਲੀਆ ਨੇ ਦੈਵਿਕ ਦਾ ਵੀਜ਼ਾ ਰੱਦ ਕਰ ਦਿੱਤਾ ਹੈ ।

ਜਦੋ ਆਵਾਸ ਵਿਭਾਗ ਤੋ ਵੀਜ਼ਾ ਰੱਦ ਕਰਨ ਦੇ ਕਾਰਨ ਪੁੱਛੇ ਗਏ ਤਾਂ ਉਹਨਾਂ ਨੇ ਜਵਾਬ ਦਿਤਾ ਕਿ ਦੈਵਿਕ ਪਟੇਲ ਨੇ ਆਪਣੇ ਕੰਮਕਾਰ ਦੇ ਸਬੰਧ ਵਿੱਚ ਜੋ ਕਾਗਜ ਪੱਤਰ ਵਿਭਾਗ ਨੂੰ ਭੇਜ ਸਨ ਉਹਨਾਂ ਤੋ ਆਵਾਸ ਵਿਭਾਗ ਪੂਰੀ ਨਾਲ ਸੰਤੁਸਟ ਨਹੀ ਹੈ ,ਪਰ ਦੂਜੇ ਪਾਸੇ ਦੈਵਿਕ ਦਾ ਕਹਿਣਾ ਹੈ ਕਿ ਇੱਕ ਵਾਰ ਵੀਜ਼ਾ ਦੇ ਕੇ ਵਾਪਸ ਉਸ ਨੂੰ ਰੱਦ ਕਰਨ ਦੀ ਕੋਈ ਤੁੱਕ ਨਹੀ ਬਣਦੀ ।ਆਵਾਸ ਵਿਭਾਗ ਨੂੰ ਪਹਿਲਾ ਹੀ ਸਾਰੇ ਕਾਗਜ ਪੱਤਰਾ ਦੀ ਜਾਂਚ ਡੂੰਘਾਈ ਨਾਲ ਕਰਨੀ ਚਾਹੀਦੀ ਸੀ ਅਤੇ ਉਸਦਾ ਕੋਈ ਕਾਗਜ ਫਰਜ਼ੀ ਨਹੀ ਹੈ।