Covid19 Vaccine 

ਨਿਊਯਾਰਕ: ਗਲੋਬਲ ਦਵਾ ਪ੍ਰਮੁੱਖ ਫਾਈਜ਼ਰ ਦਾ ਮੰਨਣਾ ਹੈ ਕਿ ਕੋਵਿਡ -19 ਨੂੰ ਰੋਕਣ ਲਈ ਇਕ ਵੈਕਸੀਨ ਅਕਤੂਬਰ ਦੇ ਅੰਤ ਤੱਕ ਤਿਆਰ ਹੋ ਸਕਦੀ ਹੈ। ਕੰਪਨੀ ਦੇ ਸੀਈਓ ਅਲਬਰਟ ਬੋਰਲਾ ਨੇ ਇਹ ਜਾਣਕਾਰੀ ਦਿੱਤੀ ਹੈ। ਫਾਈਜ਼ਰ, ਜਰਮਨ ਐਮਆਰਐਨਏ ਕੰਪਨੀ ਬਾਇਓਐਨਟੇਕ ਦੇ ਸਹਿਯੋਗ ਨਾਲ ਕੋਵਿਡ-19 ਨੂੰ ਰੋਕਣ ਲਈ ਬੀਐਨਟੀ 162 ਵੈਕਸੀਨ ਸਮਾਰੋਹਲ ਲਈ ਅਮਰੀਕਾ ਅਤੇ ਯੂਰੋਪ ਵਿਚ ਕਲੀਨੀਕਲ ਪਰੀਖਣ ਕਰ ਰਹੀ ਹੈ।

ਬੋਰਲਾ ਨੇ ਇਸ ਹਫ਼ਤੇ ਅੰਤਰਰਾਸ਼ਟਰੀ ਫੈਡਰੇਸ਼ਨ ਆਫ ਫਾਰਮਾਸਿਊਟੀਕਲ ਮੈਨੂਫੈਕਚਰਜ਼ ਐਂਡ ਐਸੋਸੀਏਸ਼ਨਜ਼ (ਆਈਐਫਪੀਐਮਏ) ਵੱਲੋਂ ਆਯੋਜਿਤ ਇਕ ਵਰਚੁਅਲ ਪ੍ਰੋਗਰਾਮ ਵਿਚ ਹਿੱਸਾ ਲੈਂਦੇ ਹੋਏ ਇਹ ਟਿੱਪਣੀ ਕੀਤੀ ਸੀ।

ਫਾਈਰਸਬੀਓਟੈਕ ਵੱਲੋਂ ਆਯੋਜਿਤ ਪ੍ਰੋਗਰਾਮ ਵਿਚ, ਬੋਰਲਾ ਨੇ ਕਿਹਾ, “ਜੇ ਚੀਜ਼ਾਂ ਠੀਕ ਤਰ੍ਹਾਂ ਚੱਲਦੀਆਂ ਹਨ, ਤਾਂ ਸਾਡੇ ਕੋਲ ਐਫਡੀਏ (ਯੂਐਸ ਫੂਡ ਐਂਡ ਡਰੱਗ ਐਡਮਿਨਿਸਟ੍ਰੇਸ਼ਨ) ਅਤੇ ਈਐਮਏ (ਯੂਰਪੀਅਨ ਮੈਡੀਸਨ ਏਜੰਸੀ) ਲਈ ਸੁਰੱਖਿਆ ਅਤੇ ਪ੍ਰਭਾਵਸ਼ੀਲਤਾ ਦੇ ਠੋਸ ਸਬੂਤ ਹੋਣਗੇ ਅਤੇ ਅਕਤੂਬਰ ਦੇ ਅਖੀਰ ਵਿਚ ਸਾਡੇ ਕੋਲ ਇਕ ਵੈਕਸੀਨ ਹੋਵੇਗੀ'।

ਇਸ ਸਮਾਰੋਹ ਦੇ ਬੁਲਾਰਿਆਂ ਵਿਚ ਐਸਟਰਾਜ਼ੇਨੇਕਾ ਸੀਈਓ ਪਾਸਕਲ ਸੋਰੀਓਟ, ਗਲੇਕਸੋ ਸਮਿਥਕਲਾਇਨ ਦੀ ਮੁਖੀ ਏਮਾ ਵਾਲਮਸਲੇ, ਜੌਨਸਨ ਅਤੇ ਜਾਨਸਨ ਦੇ ਚੀਫ ਸਾਇੰਟਿਫਿਕ ਅਫਸਰ ਪੌਲ ਸਟੋਫਲਸ ਸ਼ਾਮਲ ਸਨ। ਇਹਨਾਂ ਵਿਚ ਹਰੇਕ ਕੰਪਨੀ ਅਪਣੇ ਸਹਿਭਾਗੀਆਂ ਨਾਲ ਮਿਲ ਕੇ ਬਿਮਾਰੀ ਦੀ ਰੋਕਥਾਮ ਲਈ ਵੈਕਸੀਨ ਵਿਕਸਿਤ ਕਰ ਰਹੀ ਹੈ। 

ਹੁਣ ਤੱਕ, ਦੁਨੀਆ ਭਰ ਵਿਚ 120 ਤੋਂ ਵੱਧ ਟੀਕੇ ਪ੍ਰਸਤਾਵਿਤ ਹਨ। ਮੌਜੂਦਾ ਸਮੇਂ ਵਿਚ ਕਲੀਨਿਕਲ ਟਰਾਇਲ ਵਿਚ ਘੱਟੋ ਘੱਟ 10 ਟੀਕੇ ਉਮੀਦਵਾਰ ਹਨ ਅਤੇ ਅਜਿਹੇ 115 ਟੀਕੇ ਉਮੀਦਵਾਰ ਹਨ, ਜੋ ਕਲੀਨਿਕ ਟਰਾਇਲ ਤੋਂ ਪਹਿਲਾਂ ਮੁਲਾਂਕਣ ਵਿਚ ਹਨ। ਡਬਲਯੂਐਚਓ ਅਨੁਸਾਰ ਜਿੰਨਾ ਸੰਭਵ ਹੋ ਸਕੇ ਵੈਕਸੀਨ ਦਾ ਮੁਲਾਂਕਣ ਕਰਨਾ ਜਰੂਰੀ ਹੈ ਕਿਉਂਕਿ ਇਹ ਅੰਦਾਜ਼ਾ ਨਹੀਂ ਲਗਾਇਆ ਜਾ ਸਕਦਾ ਕਿ ਇਹ ਕਿੰਨੇ ਲਾਭਦਾਇਕ ਸਾਬਤ ਹੋਣਗੇ।