ਕ੍ਰੋਏਸ਼ੀਆ 'ਚ ਭੂਚਾਲ ਦੇ ਜ਼ੋਰਦਾਰ ਝਟਕੇ ਹੋਏ ਮਹਿਸੂਸ, ਮਕਾਨ ਢਹਿਢੇਰੀ ਤੇ 6 ਲੋਕਾਂ ਦੀ ਮੌਤ

ਜਗਰੇਬ: ਕ੍ਰੋਏਸ਼ੀਆ 'ਚ ਬੀਤੇ ਦਿਨੀ ਭੂਚਾਲ ਦੇ ਜ਼ੋਰਦਾਰ ਝਟਕੇ ਮਹਿਸੂਸ ਕੀਤੇ ਗਏ ਹਨ। ਇਸ ਨਾਲ ਰਾਜਧਾਨੀ ਦੇ ਦੱਖਣੀ ਪੂਰਬੀ ਇਲਾਕੇ 'ਚ ਕਈ ਮਕਾਨਾਂ ਨੂੰ ਨੁਕਸਾਨ ਹੋਇਆ। ਭੂਚਾਲ ਦੇ ਜ਼ੋਰਦਾਰ ਝਟਕਿਆਂ ਨਾਲ ਘੱਟੋ ਘੱਟ ਛੇ ਲੋਕਾਂ ਦੀ ਮੌਤ ਹੋ ਗਈ। ਯੂਰਪੀ ਭੂਚਾਲ ਵਿਗਿਆਨ ਕੇਂਦਰ ਨੇ ਕਿਹਾ, " ਕ੍ਰੋਏਸ਼ੀਆ ਦੀ ਰਾਜਧਾਨੀ ਜਗਰੇਬ ਤੋਂ 46 ਕਿਲੋਮੀਟਰ ਦੱਖਣੀ ਪੂਰਬ 'ਚ 6.3 ਤੀਬਰਤਾ ਦਾ ਭੂਚਾਲ ਆਇਆ।"

ਅਧਿਕਾਰੀਆਂ ਨੇ ਦੱਸਿਆ ਕਿ ਭੂਚਾਲ ਦੇ ਕਾਰਨ ਘੱਟੋ ਘੱਟ ਛੇ ਲੋਕਾਂ ਦੀ ਮੌਤ ਹੋ ਗਈ ਤੇ 20 ਲੋਕ ਜ਼ਖ਼ਮੀ ਹੋਏ ਹਨ। ਜਿੰਨ੍ਹਾਂ 'ਚ ਛੇ ਲੋਕਾਂ ਦੀ ਹਾਲਤ ਗੰਭੀਰ ਹੈ। ਰੈਸਕਿਊ ਟੀਮ ਦੇ ਇੱਟਾ ਤੇ ਮਲਬਾ ਹਟਾ ਦੇਣ ਤੋਂ ਬਾਅਦ ਵੀ ਪੇਟ੍ਰੀਂਜਾ 'ਚ ਲੋਕ ਆਫਟਰਸ਼ੋਕ ਦੀ ਵਜ੍ਹਾ ਨਾਲ ਵਾਪਸ ਪਰਤਣ ਤੋਂ ਡਰ ਰਹੇ ਸਨ। 

ਜਿਕਰਯੋਗ ਹੈ ਕਿ ਕ੍ਰੋਏਸ਼ੀਆ ਵਿਚ ਰਾਜਧਾਨੀ ਜ਼ਗਰੇਬ ਤੋਂ 50 ਕਿਲੋਮੀਟਰ ਦੱਖਣ ਪੂਰਬ ਵਿਚ ਭੂਚਾਲ ਆਇਆ ਸੀ। ਭੂਚਾਲ ਸਥਾਨਕ ਸਮੇਂ ਅਨੁਸਾਰ ਸ਼ਾਮ 5.28 ਵਜੇ ਰਾਜਧਾਨੀ ਵਿੱਚ ਆਇਆ ਸੀ।