journalist neck deep water reporting

ਪਾਕਿਸਤਾਨ- ਇਕ ਪਾਕਿਸਤਾਨ ਰਿਪੋਰਟਰ ਦੀ ਵੀਡੀਓ ਸ਼ੋਸ਼ਲ ਮੀਡੀਆ 'ਤੇ ਕਾਫ਼ੀ ਵਾਇਰਲ ਹੋ ਰਹੀ ਹੈ। ਇਸ ਵੀਡੀਓ ਵਿਚ ਇਹ ਰਿਪੋਰਟਰ ਖ਼ੁਦ ਗਰਦਨ ਤੱਕ ਪਾਣੀ ਵਿਚ ਡੁੱਬ ਕੇ ਆਏ ਹੜ੍ਹ ਦੀ ਜਾਣਕਾਰੀ ਦੇ ਰਿਹਾ ਸੀ। ਇਸ ਰਿਪੋਰਟਰ ਦਾ ਨਾਮ ਅਜਾਦਰ ਹੁਸੈਨ ਹੈ ਜੋ ਜੀਟੀਵੀ ਚੈਨਲ ਲਈ ਕੰਮ ਕਰਦਾ ਹੈ। 41 ਸੈਕਿੰਡ ਦੇ ਇਸ ਵੀਡੀਓ ਵਿਚ ਅਜਾਦਰ ਹੁਸੈਨ ਪਾਕਿਸਤਾਨ ਦੇ ਕੋਟ ਚੱਟਾ ਖੇਤਰ ਵਿਚ ਆਏ ਹੜ੍ਹ ਦੀ ਜਾਣਕਾਰੀ ਦੇ ਰਿਹਾ ਹੈ।

ਇਹ ਵੀਡੀਓ 25 ਜੁਲਾਈ ਨੂੰ ਜੀਟੀਵੀ ਦੇ ਯੂਟਿਊਬ ਚੈਨਲ 'ਤੇ ਸ਼ੇਅਰ ਕੀਤੀ ਗਈ ਸੀ। ਜਿਸ ਨੂੰ ਲੱਖਾਂ ਲੋਕ ਦੇਖ ਚੁੱਕੇ ਹਨ। ਸ਼ੋਸ਼ਲ ਮੀਡੀਆ 'ਤੇ ਇਸ ਵਾਇਰਲ ਵੀਡੀਓ ਨੂੰ ਦੇਖ ਲੋਕ ਅਜਾਦਰ ਹੁਸੈਨ ਦੀ ਤਾਰੀਫ਼ ਕਰਦੇ ਨਹੀਂ ਥੱਕ ਰਹੇ। ਕੋਈ ਇਸ ਵੀਡੀਓ 'ਤੇ ਕਮੈਟ ਕਰ ਰਿਹਾ ਹੈ ਕਿ ''ਹੁਣ ਇਸ ਦੀ ਤਨਖ਼ਾਹ ਵਧਾਉਣੀ ਚਾਹੀਦੀ ਹੈ ਤਾਂ ਕੋਈ ਕਹਿ ਰਿਹਾ ਹੈ ਇਸ ਬੰਦੇ ਦੀ ਮਿਹਨਤ ਨੂੰ ਸਲਾਮ।''  

ਇਸ ਤੋਂ ਪਹਿਲਾਂ ਵੀ ਪਾਕਿਸਤਾਨ ਦੇ ਇਕ ਰਿਪੋਰਟਰ ਦੀ ਵੀਡੀਓ ਐਨੂ ਵਾਇਰਲ ਹੋਈ ਸੀ ਕਿ ਖ਼ੁਦ ਬਾਲੀਵੁੱਡ ਐਕਟਰ ਸਲਮਾਨ ਖਾਨ ਨੇ ਉਸ ਵੀਡੀਓ ਦੇ ਇਕ ਸੀਨ ਨੂੰ ਆਪਣੀ ਫ਼ਿਲਮ ਬਜਰੰਗੀ ਬਾਈਜਾਨ ਵਿਚ ਫਿਲਮਾਇਆ ਸੀ। ਇਸ ਸੀਨ ਨੂੰ ਐਕਟਰ ਨਵਾਜ਼ੁਦੀਨ ਸਿਦੀਕੀ ਨੇ ਪਰਫ਼ਾਮ ਕੀਤਾ ਸੀ ਅਤੇ ਇਹ ਹੀ ਬਜਰੰਗੀ ਬਾਈਜਾਨ ਵਿਚ ਪਾਕਿਸਤਾਨ ਦੇ ਰਿਪੋਰਟਰ ਚੰਦ ਨਵਾਬ ਵੀ ਬਣੇ ਸਨ। 

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।