ਯਮਨ 'ਚ ਕੇਰਲ ਦੀ ਨਰਸ ਨੂੰ ਵੱਡਾ ਝਟਕਾ, ਰਾਸ਼ਟਰਪਤੀ ਨੇ ਮੌਤ ਦੀ ਸਜ਼ਾ ਨੂੰ ਦਿੱਤੀ ਮਨਜ਼ੂਰੀ, ਪਰਿਵਾਰ ਦੀ ਹਰ ਕੋਸ਼ਿਸ਼ ਅਸਫ਼ਲ

Big blow to Kerala nurse in Yemen, President approves death penalty latest news in punjabi

 

Kerala nurse in Yemen President approves death penalty latest news in punjabi: ਯਮਨ ਵਿਚ ਰਹਿਣ ਵਾਲੀ ਇੱਕ ਭਾਰਤੀ ਨਰਸ ਨੂੰ ਮੌਤ ਦੀ ਸਜ਼ਾ ਸੁਣਾਈ ਗਈ ਹੈ। ਉਨ੍ਹਾਂ ਦਾ ਪਰਿਵਾਰ ਲਗਾਤਾਰ ਕੋਸ਼ਿਸ਼ ਕਰ ਰਿਹਾ ਸੀ ਪਰ ਸਫ਼ਲਤਾ ਨਹੀਂ ਮਿਲ ਸਕੀ। ਹੁਣ ਯਮਨ ਦੇ ਰਾਸ਼ਟਰਪਤੀ ਰਸ਼ਾਦ ਅਲ-ਅਲੀਮੀ ਨੇ ਵੀ ਨਰਸ ਨਿਮਿਸ਼ਾ ਪ੍ਰਿਆ (ਕੇਰਲ ਨਰਸ ਦੀ ਮੌਤ ਦੀ ਸਜ਼ਾ) ਦੀ ਸਜ਼ਾ ਨੂੰ ਮਨਜ਼ੂਰੀ ਦੇ ਦਿਤੀ ਹੈ। ਨਾ ਤਾਂ ਬਲੱਡ ਮਨੀ ਦਾ ਮਸਲਾ ਹੱਲ ਹੋ ਸਕਿਆ ਅਤੇ ਨਾ ਹੀ ਰਾਸ਼ਟਰਪਤੀ ਤੋਂ ਮੁਆਫ਼ੀ ਮੰਗੀ ਜਾ ਸਕੀ। ਨਿਮਿਸ਼ਾ (ਨਿਮਿਸ਼ਾ ਪ੍ਰਿਆ) 2017 ਤੋਂ ਇੱਕ ਯਮਨ ਦੇ ਨਾਗਰਿਕ ਦੀ ਹੱਤਿਆ ਦੇ ਮਾਮਲੇ ਵਿਚ ਜੇਲ੍ਹ ਦੀ ਸਜ਼ਾ ਕੱਟ ਰਹੀ ਹੈ, ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਉਸ ਦੀ ਮੌਤ ਦੀ ਸਜ਼ਾ ਇੱਕ ਮਹੀਨੇ ਦੇ ਅੰਦਰ ਲਾਗੂ ਹੋ ਜਾਵੇਗੀ।

ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਰਣਧੀਰ ਜੈਸਵਾਲ ਨੇ ਇੱਕ ਬਿਆਨ ਜਾਰੀ ਕਰ ਕੇ ਕਿਹਾ, "ਅਸੀਂ ਜਾਣਦੇ ਹਾਂ ਕਿ ਨਰਸ ਦਾ ਪਰਿਵਾਰ ਇੱਕ ਢੁਕਵੇਂ ਵਿਕਲਪ ਦੀ ਤਲਾਸ਼ ਕਰ ਰਿਹਾ ਹੈ। ਸਰਕਾਰ ਉਨ੍ਹਾਂ ਨੂੰ ਇਸ ਮਾਮਲੇ ਵਿਚ ਹਰ ਸੰਭਵ ਸਹਾਇਤਾ ਪ੍ਰਦਾਨ ਕਰ ਰਹੀ ਹੈ।" 

ਯਮਨ ਦੇ ਰਾਸ਼ਟਰਪਤੀ ਦਾ ਫ਼ੈਸਲਾ ਉਸ ਪਰਿਵਾਰ ਲਈ ਝਟਕਾ ਹੈ, ਜੋ ਆਪਣੀ 36 ਸਾਲਾ ਧੀ ਨੂੰ ਮੌਤ ਦੀ ਸਜ਼ਾ ਤੋਂ ਬਚਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ। ਨਰਸ ਨਿਮਿਸ਼ਾ ਦੀ 57 ਸਾਲਾ ਮਾਂ ਪ੍ਰੇਮਾ ਕੁਮਾਰੀ ਇਸ ਸਾਲ ਦੇ ਸ਼ੁਰੂ ਵਿਚ ਯਮਨ ਦੀ ਰਾਜਧਾਨੀ ਸਨਾ ਪਹੁੰਚੀ ਸੀ। ਉਦੋਂ ਤੋਂ ਉਹ ਕਥਿਤ ਤੌਰ 'ਤੇ ਆਪਣੀ ਧੀ ਲਈ ਮੌਤ ਦੀ ਸਜ਼ਾ ਅਤੇ ਬਲੱਡ ਮਨੀ ਦੀ ਮੁਆਫ਼ੀ ਲਈ ਪੀੜਤ ਪਰਿਵਾਰ ਨਾਲ ਗੱਲਬਾਤ ਕਰ ਰਹੀ ਸੀ।

ਨਿਮਿਸ਼ਾ ਪ੍ਰਿਆ 'ਤੇ ਕੀ ਹੈ ਇਲਜ਼ਾਮ?

ਨਰਸ ਨਿਮਿਸ਼ਾ ਪ੍ਰਿਆ ਨੂੰ 2017 ਵਿਚ ਯਮਨ ਦੇ ਨਾਗਰਿਕ ਤਲਾਲ ਅਬਦੋ ਮਹਿਦੀ ਦੀ ਹੱਤਿਆ ਦਾ ਦੋਸ਼ੀ ਪਾਇਆ ਗਿਆ ਸੀ।
ਇੱਕ ਸਾਲ ਬਾਅਦ ਉਸ ਨੂੰ ਯਮਨ ਦੀ ਇੱਕ ਹੇਠਲੀ ਅਦਾਲਤ ਨੇ ਮੌਤ ਦੀ ਸਜ਼ਾ ਸੁਣਾਈ।
ਨਰਸ ਦਾ ਪਰਿਵਾਰ ਉਦੋਂ ਤੋਂ ਹੀ ਆਪਣੀ ਧੀ ਦੀ ਰਿਹਾਈ ਲਈ ਸੰਘਰਸ਼ ਕਰ ਰਿਹਾ ਹੈ।
ਉਸ ਨੇ ਹੇਠਲੀ ਅਦਾਲਤ ਦੇ ਹੁਕਮਾਂ ਵਿਰੁੱਧ ਯਮਨ ਦੀ ਸੁਪਰੀਮ ਕੋਰਟ ਤੱਕ ਵੀ ਪਹੁੰਚ ਕੀਤੀ ਸੀ।
ਪਰ ਸਾਲ 2023 ਵਿਚ ਉਸ ਦੀ ਅਪੀਲ ਰੱਦ ਕਰ ਦਿਤੀ ਗਈ ਸੀ।
ਹੁਣ ਯਮਨ ਦੇ ਰਾਸ਼ਟਰਪਤੀ ਨੇ ਵੀ ਉਨ੍ਹਾਂ ਦੀ ਅਪੀਲ ਠੁਕਰਾ ਦਿਤੀ ਹੈ।
ਨਰਸ ਦੀ ਰਿਹਾਈ ਪੀੜਤ ਪਰਿਵਾਰ ਅਤੇ ਉਨ੍ਹਾਂ ਦੇ ਕਬਾਇਲੀ ਨੇਤਾਵਾਂ ਤੋਂ ਮੁਆਫ਼ੀ ਪ੍ਰਾਪਤ ਕਰਨ 'ਤੇ ਨਿਰਭਰ ਕਰਦੀ ਸੀ।

ਬਲੱਡ ਮਨੀ 'ਤੇ ਕੋਈ ਚਰਚਾ ਨਹੀਂ ਹੋਈ

ਨਿਮਿਸ਼ਾ ਪ੍ਰਿਆ ਦੀ ਮਾਂ ਪ੍ਰੇਮਾ ਕੁਮਾਰੀ ਨੇ ਲਗਾਤਾਰ ਪੀੜਤ ਪਰਿਵਾਰ ਨਾਲ ਬਲੱਡ ਮਨੀ 'ਤੇ ਗੱਲਬਾਤ ਕਰਨ ਦੀ ਕੋਸ਼ਿਸ਼ ਕੀਤੀ। ਇੱਕ ਰਿਪੋਰਟ ਅਨੁਸਾਰ, ਭਾਰਤੀ ਦੂਤਾਵਾਸ ਦੁਆਰਾ ਨਿਯੁਕਤ ਇੱਕ ਵਕੀਲ ਅਬਦੁੱਲਾ ਅਮੀਰ, ਨੇ 20,000 ਡਾਲਰ (ਲਗਭਗ 16.6 ਲੱਖ ਰੁਪਏ) ਦੀ ਪ੍ਰੀ-ਨੇਗੋਸ਼ੀਏਸ਼ਨ ਫੀਸ ਦੀ ਮੰਗ ਕਰਨ ਤੋਂ ਬਾਅਦ ਸਤੰਬਰ ਵਿੱਚ ਪੀੜਤ ਪਰਿਵਾਰ ਨਾਲ ਗੱਲਬਾਤ ਅਚਾਨਕ ਰੁਕ ਗਈ।

ਵਿਦੇਸ਼ ਮੰਤਰਾਲੇ ਨੇ ਪਹਿਲਾਂ ਹੀ ਜੁਲਾਈ ਵਿਚ ਵਕੀਲ ਆਮਿਰ ਨੂੰ 19,871 ਡਾਲਰ ਦਿਤੇ ਸਨ। ਪਰ ਉਹ ਫ਼ੀਸ ਵਜੋਂ ਕੁੱਲ 40,000 ਡਾਲਰ ਦੀ ਮੰਗ ਕਰਨ 'ਤੇ ਅੜੇ ਰਿਹਾ। ਜੋ ਗੱਲਬਾਤ ਮੁੜ ਸ਼ੁਰੂ ਕਰਨ ਤੋਂ ਪਹਿਲਾਂ ਦੋ ਕਿਸ਼ਤਾਂ ਵਿਚ ਦਿਤੀ ਜਾਣੀ ਸੀ। ਵਕੀਲ ਆਮਿਰ ਦੀ ਫੀਸ ਦੀ ਪਹਿਲੀ ਕਿਸ਼ਤ ਦ ਸੇਵ ਨਿਮਿਸ਼ਾ ਪ੍ਰਿਆ ਇੰਟਰਨੈਸ਼ਨਲ ਐਕਸ਼ਨ ਕਾਉਂਸਿਲ ਭੀੜ ਫੰਡਿੰਗ ਰਾਹੀਂ ਇਕੱਠੀ ਕੀਤੀ ਗਈ ਸੀ। ਪਰ ਬਾਅਦ ਵਿਚ ਫੰਡਰਾਂ ਦੇ ਸਾਹਮਣੇ ਪਾਰਦਰਸ਼ਤਾ ਨਾਲ ਜੁੜੀਆਂ ਚੁਣੌਤੀਆਂ ਖੜ੍ਹੀਆਂ ਹੋ ਗਈਆਂ।

ਕੌਣ ਹੈ ਨਿਮਿਸ਼ਾ ਪ੍ਰਿਆ?
ਨਿਮਿਸ਼ਾ ਪ੍ਰਿਆ ਕੇਰਲ ਦੇ ਪਲੱਕੜ ਦੀ ਰਹਿਣ ਵਾਲੀ ਹੈ। ਉਹ ਪੇਸ਼ੇ ਤੋਂ ਨਰਸ ਹੈ। ਉਸ ਨੇ ਕੁਝ ਸਾਲਾਂ ਲਈ ਯਮਨ ਦੇ ਪ੍ਰਾਈਵੇਟ ਹਸਪਤਾਲਾਂ ਵਿਚ ਕੰਮ ਕੀਤਾ। ਉਸ ਦਾ ਪਤੀ ਅਤੇ ਨਾਬਾਲਗ ਧੀ ਆਰਥਿਕ ਕਾਰਨਾਂ ਕਰ ਕੇ 2014 ਵਿਚ ਭਾਰਤ ਵਾਪਸ ਆ ਗਏ ਸਨ। ਇਸੇ ਸਾਲ ਯਮਨ ਘਰੇਲੂ ਯੁੱਧ ਦੀ ਲਪੇਟ ਵਿਚ ਆ ਗਿਆ, ਜਿਸ ਕਾਰਨ ਨਵੇਂ ਵੀਜ਼ੇ ਜਾਰੀ ਕਰਨੇ ਬੰਦ ਹੋ ਗਏ ਅਤੇ ਦੋਵੇਂ ਨਿਮਿਸ਼ਾ ਵਾਪਸ ਨਹੀਂ ਆ ਸਕੀ।

ਸਾਲ 2015 'ਚ ਨਿਮਿਸ਼ਾ ਪ੍ਰਿਆ ਨੇ ਸਨਾ 'ਚ ਆਪਣਾ ਕਲੀਨਿਕ ਬਣਾਉਣ ਲਈ ਆਪਣੇ ਸਾਥੀ ਤਲਾਲ ਅਬਦੋ ਮਹਿਦੀ ਤੋਂ ਮਦਦ ਮੰਗੀ ਸੀ ਕਿਉਂਕਿ ਯਮਨ ਦੇ ਕਾਨੂੰਨ ਮੁਤਾਬਕ ਸਿਰਫ਼ ਉੱਥੇ ਦੇ ਨਾਗਰਿਕਾਂ ਨੂੰ ਹੀ ਕਲੀਨਿਕ ਅਤੇ ਕਾਰੋਬਾਰੀ ਫ਼ਰਮਾਂ ਬਣਾਉਣ ਦੀ ਇਜਾਜ਼ਤ ਮਿਲਦੀ ਸੀ ਦੋਹਾਂ ਵਿਚਕਾਰ ਲੜਾਈ ਹੋਈ। ਨਰਸ ਦੇ ਪਰਿਵਾਰ ਦਾ ਕਹਿਣਾ ਹੈ ਕਿ ਅਬਦੋ ਨੇ ਫੰਡਾਂ ਦਾ ਗਬਨ ਕੀਤਾ ਸੀ। ਨਿਮਿਸ਼ਾ ਨੇ ਇਸ ਦਾ ਵਿਰੋਧ ਕੀਤਾ ਸੀ। ਰਿਪੋਰਟਾਂ ਮੁਤਾਬਕ ਅਬਦੋ ਨੇ ਨਿਮਿਸ਼ਾ ਦਾ ਪਾਸਪੋਰਟ ਜ਼ਬਤ ਕਰ ਲਿਆ ਸੀ ਅਤੇ ਉਸ ਦੇ ਵਿਆਹ ਦੀਆਂ ਫੋਟੋਆਂ ਵੀ ਚੋਰੀ ਕਰ ਲਈਆਂ ਸਨ। ਉਹ ਤਸਵੀਰਾਂ ਨਾਲ ਹੇਰਾਫੇਰੀ ਕਰਕੇ ਨਰਸ ਨਾਲ ਵਿਆਹ ਕਰਵਾਉਣ ਦਾ ਦਾਅਵਾ ਕਰ ਰਿਹਾ ਸੀ।

ਟਿੱਪਣੀਆਂ
ਨਰਸ ਨਿਮਿਸ਼ਾ ਨੇ ਆਪਣਾ ਪਾਸਪੋਰਟ ਲੈਣ ਲਈ ਅਬਦੋ ਨੂੰ ਬੇਹੋਸ਼ੀ ਦਾ ਟੀਕਾ ਲਗਾਇਆ ਸੀ। ਪਰ ਦਵਾਈ ਦੀ ਜ਼ਿਆਦਾ ਡੋਜ਼ ਲੈਣ ਕਾਰਨ ਉਸ ਦੀ ਮੌਤ ਹੋ ਗਈ। ਨਿਮਿਸ਼ਾ ਨੂੰ ਯਮਨ ਤੋਂ ਭੱਜਣ ਦੀ ਕੋਸ਼ਿਸ਼ ਕਰਦੇ ਹੋਏ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਸਾਲ 2018 ਵਿਚ ਉਸ ਨੂੰ ਕਤਲ ਦਾ ਦੋਸ਼ੀ ਠਹਿਰਾਇਆ ਗਿਆ ਸੀ।  2020 ਵਿਚ ਉਸ ਨੂੰ ਮੌਤ ਦੀ ਸਜ਼ਾ ਸੁਣਾਈ ਗਈ ਸੀ। ਯਮਨ ਦੀ ਸੁਪਰੀਮ ਜੁਡੀਸ਼ੀਅਲ ਕੌਂਸਲ ਨੇ ਨਵੰਬਰ 2023 ਵਿਚ ਉਸਦੀ ਅਪੀਲ ਨੂੰ ਰੱਦ ਕਰ ਦਿਤਾ ਸੀ। ਇਸ ਤੋਂ ਬਾਅਦ ਉਸ ਕੋਲ ਆਖਰੀ ਵਿਕਲਪ ਬਚਿਆ ਸੀ ਸਿਰਫ ਬਲੱਡ ਮਨੀ। ਪਰ ਉਹ ਕੋਸ਼ਿਸ਼ ਵੀ ਅਸਫ਼ਲ ਸਾਬਤ ਹੋਈ। ਹੁਣ ਰਾਸ਼ਟਰਪਤੀ ਨੇ ਵੀ ਉਸ ਦੀ ਮੌਤ ਦੀ ਸਜ਼ਾ ਨੂੰ ਮਨਜ਼ੂਰੀ ਦੇ ਦਿਤੀ ਹੈ।