ਫ਼ਰਾਂਸ ਕੋਲੋਂ ਮਹਿੰਗਾ ਜਹਾਜ਼ ਕਿਉਂ?

ਫ਼ਰਾਂਸ ਕੋਲੋਂ ਮਹਿੰਗਾ ਜਹਾਜ਼ ਕਿਉਂ?

ਫ਼ਰਾਂਸ ਦੇ ਪ੍ਰਧਾਨ ਮੰਤਰੀ ਨੇ ਭਾਰਤ ਵਿਚ ਆ ਕੇ ਰਾਫ਼ੇਲ ਜਹਾਜ਼ਾਂ ਬਾਰੇ ਵਿਰੋਧੀ ਧਿਰ ਦੀ ਜ਼ੁਬਾਨ ਬੰਦ ਕਰਵਾਉਣ ਵਿਚ ਕੇਂਦਰ ਸਰਕਾਰ ਦਾ ਸਾਥ ਦਿਤਾ ਹੈ। ਰਾਫ਼ੇਲ ਜਹਾਜ਼ਾਂ ਦੀ ਵਧੀ ਹੋਈ ਕੀਮਤ ਬਾਰੇ ਕਾਂਗਰਸ ਜਾਣਕਾਰੀ ਚਾਹੁੰਦੀ ਸੀ। ਜੋ ਸੌਦਾ ਹੁਣ ਭਾਜਪਾ ਸਰਕਾਰ ਵਲੋਂ ਹੋਇਆ ਹੈ, ਉਹ 58 ਹਜ਼ਾਰ ਕਰੋੜ ਦਾ ਹੋਇਆ ਹੈ। ਪਿਛਲੀ ਕਾਂਗਰਸ ਸਰਕਾਰ ਇਸ ਨੂੰ ਇਕ ਤਿਹਾਈ ਕੀਮਤ ਤੇ ਕਰਨਾ ਚਾਹੁੰਦੀ ਸੀ ਪਰ ਭਾਜਪਾ ਨੇ ਸੱਤਾ ਵਿਚ ਆਉਂਦੇ ਹੀ ਉਸ ਸੌਦੇ ਨੂੰ ਸੱਭ ਤੋਂ ਵੱਡੀ ਗ਼ਲਤੀ ਕਹਿ ਕੇ ਰੱਦ ਕਰ ਦਿਤਾ ਸੀ। ਪਰ ਹੁਣ ਉਸੇ ਜਹਾਜ਼ ਨੂੰ ਤਿੰਨ ਗੁਣਾਂ ਵੱਧ ਕੀਮਤ ਤੇ ਖ਼ਰੀਦਿਆ ਜਾ ਰਿਹਾ ਹੈ। ਕਾਂਗਰਸ ਇਸ ਕੀਮਤ ਦੇ ਵਧਾਏ ਜਾਣ ਬਾਰੇ ਜਾਣਕਾਰੀ ਮੰਗ ਰਹੀ ਸੀ। ਫ਼ਰਾਂਸ ਅਤੇ ਭਾਰਤ ਨੇ ਇਕ ਨਵੇਂ ਗੁਪਤ ਸਮਝੌਤੇ ਤੇ ਹਸਤਾਖਰ ਕਰ ਦਿਤੇ ਹਨ ਜਿਸ ਨਾਲ ਹੁਣ ਦੋਵੇਂ ਸਰਕਾਰਾਂ ਇਸ ਸੌਦੇ ਜਾਂ ਕਿਸੇ ਹੋਰ ਸੌਦੇ ਬਾਰੇ ਜਾਣਕਾਰੀ ਬਾਹਰ ਨਹੀਂ ਕੱਢ ਸਕਦੀਆਂ। ਇਸ ਦਾ ਕਾਰਨ ਇਹ ਦਸਿਆ ਗਿਆ ਹੈ ਕਿ ਕਿਸੇ ਨੂੰ ਭਾਰਤ ਦੀ ਜੰਗ ਲੜਨ ਦੀ ਤਾਕਤ ਬਾਰੇ ਸਹੀ ਅੰਦਾਜ਼ਾ ਨਾ ਲੱਗ ਸਕੇ।