ਸਰਕਾਰ ਚਾਹੁੰਦੀ ਤਾਂ ਇਨ੍ਹਾਂ ਦਾ ਰੇੜਕਾ ਖ਼ਤਮ ਕਰ ਸਕਦੀ ਸੀ ਪਰ ਉਹ ਤਕਰੀਬਨ ਚੁੱਪ ਹੀ ਰਹੀ। ਕੁੱਝ ਭਾਜਪਾ ਆਗੂ ਆਖਦੇ ਹਨ ਕਿ ਇਹ ਫ਼ਿਲਮਕਾਰਾਂ ਵਾਸਤੇ ਸਬਕ ਸਾਬਤ ਹੋਵੇਗਾ। ਕਿਸ ਚੀਜ਼ ਦਾ ਸਬਕ? ਇਹੀ ਕਿ ਇਤਿਹਾਸ ਦੇ ਕਿਸੇ ਕਿਰਦਾਰ ਨੂੰ ਵਿਖਾਉਣ ਤੋਂ ਪਹਿਲਾਂ ਭਾਜਪਾ ਆਗੂਆਂ ਦੀ ਮਨਜ਼ੂਰੀ ਲੈਣੀ ਜ਼ਰੂਰੀ ਹੋਵੇਗੀ ਨਹੀਂ ਤਾਂ ਜ਼ੁਬਾਨਬੰਦੀ ਕਰ ਦਿਤੀ ਜਾਵੇਗੀ ਤੇ ਲੋਕਾਂ ਨੂੰ ਫ਼ਿਲਮ ਵੇਖਣ ਹੀ ਨਹੀਂ ਦਿਤੀ ਜਾਏਗੀ। ਜਿਸ ਤਰ੍ਹਾਂ ਦੇ ਹਾਲਾਤ ਅੱਜ ਹਨ, ਜੋਧਾਂ-ਅਕਬਰ ਫ਼ਿਲਮ ਦਰਸ਼ਕਾਂ ਸਾਹਮਣੇ ਕਦੇ ਨਾ ਆ ਸਕੀ ਹੁੰਦੀ।