ਕੇਜਰੀਵਾਲ ਜੀ ਮੌਨ ਵਰਤ ਮਗਰੋਂ ਫਿਰ ਸਰਗਰਮ ਹੋਏ

ਪੰਜਾਬ ਦੀਆਂ ਚੋਣਾਂ ਅਤੇ ਫਿਰ ਦਿੱਲੀ ਜ਼ਿਮਨੀ ਚੋਣਾਂ 'ਚ ਹਾਰ ਦਾ ਮੂੰਹ ਵੇਖਣ ਤੋਂ ਬਾਅਦ ਅਰਵਿੰਦ ਕੇਜਰੀਵਾਲ ਚੁੱਪੀ ਧਾਰ ਬੈਠੇ ਸਨ। ਚੁੱਪੀ ਦਾ ਏਨਾ ਸ਼ੌਕ ਪੈਦਾ ਹੋ ਗਿਆ ਸੀ ਕਿ ਉਹ 10 ਦਿਨਾਂ ਦੇ ਵਿਪਾਸਨਾ ਕੈਂਪ ਵਾਸਤੇ ਵੀ ਚਲੇ ਗਏ ਅਤੇ 10 ਦਿਨਾਂ ਵਾਸਤੇ ਚੁੱਪੀ ਧਾਰਨ ਕਰ ਕੇ ਘਰ ਵੀ ਬੈਠ ਗਏ। ਪਰ ਹੁਣ ਲਗਦਾ ਹੈ ਕਿ ਉਹ ਵਾਪਸ ਚੋਣ ਮੈਦਾਨ ਵਿਚ ਆ ਗਏ ਹਨ। ਪਹਿਲਾਂ ਤਾਂ ਸੋਸ਼ਲ ਮੀਡੀਆ ਰਾਹੀਂ ਮੋਦੀ ਜੀ ਨੂੰ ਇਕ ਤਿੱਖੀ ਚੇਤਾਵਨੀ ਦਿਤੀ ਜਿਥੇ ਉਨ੍ਹਾਂ ਨੇ ਚੁਨੌਤੀ ਦਿੰਦਿਆਂ ਪਿਛਲੇ ਸਾਲ ਦੇ ਲਫ਼ਜ਼ ਦੁਹਰਾਏ 'ਡਰਪੋਕ ਅਤੇ ਮਾਨਸਿਕ ਰੋਗੀ'।

ਅਰਵਿੰਦ ਕੇਜਰੀਵਾਲ ਤਾਮਿਲਨਾਡੂ ਵਿਚ ਕਮਲ ਹਸਨ ਨਾਲ ਮੁਲਾਕਾਤ ਕਰਨ ਲਈ ਵੀ ਜਾ ਰਹੇ ਹਨ। ਮਮਤਾ ਬੈਨਰਜੀ ਨਾਲ ਉਨ੍ਹਾਂ ਦਾ ਰਾਬਤਾ ਲਗਾਤਾਰ ਬਣਿਆ ਆ ਰਿਹਾ ਹੈ। ਉਨ੍ਹਾਂ ਦੇ ਮੌਨ ਮੰਥਨ ਨੇ ਉਨ੍ਹਾਂ ਦੀ ਸੋਚ ਅਤੇ ਟੀਚੇ ਉਤੇ ਅਸਰ ਨਹੀਂ ਕੀਤਾ ਅਤੇ ਨਾ ਹੀ ਉਨ੍ਹਾਂ ਦੀ ਬਿਨਾਂ ਸਬੂਤ ਇਲਜ਼ਾਮ ਲਾਉਣ ਦੀ ਆਦਤ ਉਤੇ। ਪਰ ਸਵਾਲ ਇਹ ਹੈ ਕਿ ਭਾਰਤ ਉਨ੍ਹਾਂ ਬਾਰੇ ਕੀ ਸੋਚਦਾ ਹੈ? ਕੀ ਸਿਰਫ਼ ਮੋਦੀ ਜੀ ਵਿਰੁਧ ਬੋਲਣ ਨਾਲ ਹੀ ਵੋਟ ਮਿਲ ਸਕਦੀ ਹੈ? ਕੀ ਦਿੱਲੀ ਦੀ ਜਨਤਾ ਅਰਵਿੰਦ ਕੇਜਰੀਵਾਲ ਨੂੰ ਇਕ ਹੋਰ ਮੌਕਾ ਦੇਵੇਗੀ?  -ਨਿਮਰਤ ਕੌਰ