ਕਿਸਾਨ ਅਪਣੇ ਸੂਬੇ ਦੇ ਲੋਕਾਂ ਲਈ ਹੀ ਅਨਾਜ ਨਹੀਂ ਪੈਦਾ ਕਰਦੇ, ਸਾਰੇ ਦੇਸ਼ ਲਈ ਕਰਦੇ ਹਨ ਉਨ੍ਹਾਂ ਦੀ ਸਮੱਸਿਆ ਵੀ ਰਾਜਾਂ ਦੀ ਨਹੀਂ, ਸਮੁੱਚੇ ਰਾਸ਼ਟਰ ਦੀ ਸਮੱਸਿਆ ਹੈ

ਦੇਸ਼ ਦਾ ਪੇਟ ਭਰਦਾ ਆ ਰਿਹਾ ਕਿਸਾਨ ਅੱਜ ਭਾਰਤੀ ਰਾਸ਼ਟਰਵਾਦ ਨੂੰ ਸਵਾਲ ਕਰ ਰਿਹਾ ਹੈ ਕਿ ਜਦ ਭਾਰਤ ਅੱਗੇ ਵੱਧ ਰਿਹਾ ਹੈ, ਕੀ ਭਾਰਤੀ ਕਿਸਾਨ ਨੂੰ ਪਿਛੇ ਛਡਣਾ ਗ਼ਲਤ ਨਹੀਂ? ਕੀ ਕਿਸਾਨਾਂ ਦੇ ਬੱਚਿਆਂ ਦੇ ਕਲ ਬਾਰੇ ਸੋਚਣਾ ਭਾਰਤੀ ਸਮਾਜ ਦੀ ਜ਼ਿੰਮੇਵਾਰੀ ਨਹੀਂ? ਕਿਉਂ ਕਿਸਾਨ ਨੂੰ ਇਕ ਵੋਟ ਬੈਂਕ ਬਣਾ ਕੇ ਸਿਆਸਤਦਾਨ ਦੇ ਰਹਿਮ ਤੇ ਛੱਡ ਦਿਤਾ ਗਿਆ ਹੈ ਅਤੇ ਰਾਜਾਂ ਨੂੰ ਕਿਹਾ ਜਾ ਰਿਹਾ ਹੈ ਕਿ ਉਹ ਕਿਸਾਨਾਂ ਨੂੰ ਕੋਈ ਰਾਹਤ ਦੇਣ ਦਾ ਕੰਮ ਅਪਣੇ ਸ੍ਰੋਤਾਂ ਵਲ ਵੇਖ ਕੇ ਕਰਨ ਤੇ ਕੇਂਦਰ ਤੋਂ ਕੋਈ ਆਸ ਨਾ ਰੱਖਣ? ਕੀ ਇਸੇ ਨੂੰ ਰਾਸ਼ਟਰਵਾਦ ਕਹਿੰਦੇ ਹਨ? ਕਿਸਾਨ ਦੀ ਮਦਦ ਇਕ ਰਾਸ਼ਟਰੀ ਜ਼ਿੰਮੇਵਾਰੀ ਅਤੇ ਟੀਚਾ ਹੋਣਾ ਚਾਹੀਦਾ ਹੈ ਜੋ ਉਨ੍ਹਾਂ ਦੇ 'ਅੱਛੇ ਦਿਨਾਂ' ਨੂੰ ਲਿਆਉਣ ਦੀ ਗੱਲ ਸੱਭ ਤੋਂ ਪਹਿਲਾਂ ਸੋਚੇ।