ਹਕੂਮਤੀ ਭੰਬਲਭੂਸੇ : ਦੇਖ ਜਿਨ੍ਹਾਂ ਨੂੰ ਲੋਕ ਹੈਰਾਨ ਹੋ ਗਏ, ਕਾਲੇ ਬੱਦਲ ਚੜ੍ਹ ਚਾਣ-ਚੱਕ ਆਏ ਕਿਉਂ ਸੀ?...
ਚਲਦਾ ਹੋਵੇ ਜਦ ਕੰਮ ‘ਰੁਟੀਨ’ ਅੰਦਰ, ਲਾਂਬੂ ਸ਼ਾਂਤ ਮਾਹੌਲ ਵਿਚ ਲਾਏ ਕਿਉਂ ਸੀ?....
photo
ਦੇਖ ਜਿਨ੍ਹਾਂ ਨੂੰ ਲੋਕ ਹੈਰਾਨ ਹੋ ਗਏ,
ਕਾਲੇ ਬੱਦਲ ਚੜ੍ਹ ਚਾਣ-ਚੱਕ ਆਏ ਕਿਉਂ ਸੀ?
ਚਲਦਾ ਹੋਵੇ ਜਦ ਕੰਮ ‘ਰੁਟੀਨ’ ਅੰਦਰ,
ਲਾਂਬੂ ਸ਼ਾਂਤ ਮਾਹੌਲ ਵਿਚ ਲਾਏ ਕਿਉਂ ਸੀ?
ਕੀਤੇ ਹੋਏ ਕਈ ਫ਼ੈਸਲੇ ਗੁਪਤ ਜਿਹੜੇ,
ਮਨਮਰਜ਼ੀ ਦੇ ਨਾਲ ਪਲਟਾਏ ਕਿਉਂ ਸੀ?
ਖ਼ੁਦ ਨੂੰ ਮਾਫ਼ਕ ਜਦ ਸਿੱਟੇ ਹੀ ਕਢਣੇ ਸੀ,
ਬਾਹਰ ਨਾਟਕ ਕਰ ‘ਹੋਰ’ ਦਿਖਾਏ ਕਿਉਂ ਸੀ?
ਪਹਿਲਾਂ ਖੁੱਲ੍ਹ ਦੇਈ ਰਖਣੀ ‘ਪਾਲਿਆਂ’ ਨੂੰ
ਮਗਰੋਂ ‘ਸ਼ਰਾਰਤੀ ਤੱਤ’ ਅਖਵਾਏ ਕਿਉਂ ਸੀ?
ਵੇਲਾ ਬੀਤੇ ਤੋਂ ਮਗਰੋਂ ਹੀ ਪਤਾ ਲੱਗੇ,
‘ਭੰਬਲਭੂਸੇ’ ਹਕੂਮਤਾਂ ਪਾਏ ਕਿਉਂ ਸੀ?
- ਤਰਲੋਚਨ ਸਿੰਘ ਦੁਪਾਲ ਪੁਰ
ਮੋਬਾਈਲ : 78146-92724