ਅਧਿਕਾਰ

ਕੋਰੋਨਾ ਵਾਇਰਸ ਜਨਤਾ ਝੰਜੋੜ ਸੁੱਟੀ, ਠੱਪ ਹੋ ਕੇ ਰਹਿ ਗਏ ਕੰਮ ਕਾਰ ਸਾਰੇ,

ਦੋ ਡੰਗ ਦੀ ਰੋਟੀ ਦੇ ਪੈ ਗਏ ਲਾਲੇ, ਸੋਚੀਂ ਪੈ ਗਏ ਨੇ ਬੇਰੁਜ਼ਗਾਰ ਸਾਰੇ,

ਓਧਰ ਪਟਰੌਲ, ਡੀਜ਼ਲ ਨੂੰ ਹੈ ਅੱਗ ਲੱਗੀ, ਰੇਟ ਕਰ ਗਏ ਨੇ ਹੱਦਾਂ ਪਾਰ ਸਾਰੇ,

ਕੋਵਿਡ-19 ਦੀ ਆੜ ਹੇਠ ਹੈ ਲੁੱਟਣ ਲੱਗੀ, ਤਿੱਖੇ ਕਰ ਲਏ ਸਰਕਾਰ ਔਜ਼ਾਰ ਸਾਰੇ,

ਕਿਸਾਨ-ਮਜ਼ਦੂਰ ਖ਼ੁਦਕੁਸ਼ੀ ਦੇ ਰਾਹ ਪੈ ਗਏ, ਝੱਲ ਸਕੇ ਨਾ ਮਹਿੰਗਾਈ ਦੀ ਮਾਰ ਸਾਰੇ,

ਵੋਟ ਪਾਉਣ ਦਾ ਇਕੋ ਅਧਿਕਾਰ ਛਡਿਆ, ਖੋਹੇ ਵੋਟਰ ਤੋਂ ਭਲੂਰੀਆ ਅਧਿਕਾਰ ਸਾਰੇ।

-ਜਸਵੀਰ ਭਲੂਰੀਆ, ਸੰਪਰਕ : 99159-95505