ਮਾਂ

ਮਾਂ ਤੂੰ ਕਦੇ ਥੱਕਦੀ ਕਿਉਂ ਨਹੀਂ

ਸਭ ਦਾ ਫ਼ਿਕਰ ਕਰਦੀ ਏਂ

ਤੇ ਆਪਣਾ ਰੱਖਦੀ ਕਿਉਂ ਨਹੀਂ

ਮੈਂ ਤੈਨੂੰ ਕਦੇ ਸੁੱਤਿਆਂ ਨਹੀਂ ਦੇਖਿਆਂ ਕਾਹਦੀ ਬਣੀ ਏਂ.....? 

ਤੇਰੀ ਅੱਖ ਲੱਗਦੀ ਕਿਉਂ ਨਹੀਂ

ਦਰ ਰਾਮ ਦਾ ਨਹੀਂ ਛੱਡਦੀ, ਨਾਹੀ ਅੱਲ੍ਹਾ ਦਾ

ਮੰਗਦੀ ਕੀ ਏ, ਦੱਸਦੀ ਕਿਉਂ ਨਹੀਂ

ਤੂੰ ਠੀਕ ਏਂ ਤੇ ਤੈਨੂੰ ਕੋਈ ਫ਼ਿਕਰ ਨਹੀਂ

ਇਹ ਗੱਲ ਤੇਰੇ ਮੂੰਹੋਂ ਜੱਚਦੀ ਕਿਉਂ ਨਹੀਂ

ਮੇਰੀਆਂ ਰੀਝਾਂ ਬਿਨਾਂ ਦੱਸਿਆ ਕਿੱਦਾ ਬੁੱਝ ਲੈਂਦੀ ਏਂ

ਇਹ ਕਿਹੜਾ ਇਲਮ ਏਂ, ਪਰਦਾ ਚੱਕਦੀ ਕਿਉਂ ਨਹੀਂ

ਤੂੰ ਮੇਰੇ ਵੱਲ ਵੀ ਏ, ਤੂੰ ਉਹਦੇ ਵੱਲ ਵੀ ਏ

ਤੂੰ ਸਭ ਦੇ ਵੱਲ ਦੀ ਏ, ਇੱਕ ਪੱਖਦੀ ਕਿਉਂ ਨਹੀਂ

ਭਾਵੇਂ ਹੱਥ ਨੇ ਕੰਬਦੇ ਨਾਲੇ ਮੂੰਹ ਉੱਤੇ ਛੁਰੜੀਆਂ ਵੀ

''ਰੰਗੀ'' ਮਾਂ ਤੋਂ ਵੱਧ ਕੋਈ ਸੋਹਣੀ ਲੱਗਦੀ ਕਿਉਂ ਨਹੀਂ