Peom: ਦੇਖ ਪੰਜਾਬ ਸਿਆਂ 

ਦੇਖ ਪੰਜਾਬ ਸਿਆਂ ਸਿਆਸਤ ਤੇਰੇ ’ਤੇ ਹੋਣ ਲੱਗੀ।
ਟੋਲੀ ਲੀਡਰਾਂ ਦੀ ਵੋਟਾਂ ਡੇਰਿਆਂ ਤੋਂ ਢੋਣ ਲੱਗੀ।
ਕਦੇ ਨਹਿਰਾਂ, ਚੰਡੀਗੜ੍ਹ, ਨੌਕਰੀਆਂ ਡੈਮ ਖੋਹੇ,
ਹੱਕ ਪੰਜਾਬੀਆਂ ਦੇ ਕੇਂਦਰ ਸਾਰੇ ਖੋਹਣ ਲੱਗੀ।
ਝੱਟ ਹੋ ਜਾਂਦੀ ਜਮਾਨਤ ਨਸ਼ੇ ਦੇ ਵਪਾਰੀਆਂ ਦੀ,
ਪਹੁੰਚ ਡੇਰੇਦਾਰਾਂ ਦੀ ਅਪਰਾਧੀ ਛਡਵਾਉਣ ਲੱਗੀ।
ਜਾਤ-ਪਾਤ ਦੇ ਕੋਹੜ ਤੋਂ ਸੀ ਤੂੰ ਦੂਰ ਥੋੜ੍ਹਾ ਬਹੁਤ,
ਭੈੜੀ ਸਿਆਸਤ ਤੇਰੇ ਤੇ ਜਾਲ ਪਾੜੇ ਦਾ ਪਾਉਣ ਲੱਗੀ।
ਸੇਖੋਂ ਮਨੁੱਖਤਾ ਤੇ ਸਰਬੱਤ ਦੇ ਭਲੇ ਦੀ ਸੀ ਸੋਚ ਤੇਰੀ,
ਤੇਰੇ ਨਿਆਰੇਪਣ ਤੋਂ ਟੋਲੀ ਹਾਕਮਾਂ ਦੀ ਘਬਰਾਉਣ ਲੱਗੀ।
- ਗੁਰਦਿੱਤ ਸਿੰਘ ਸੇਖੋਂ 
ਮੋਬਾਈਲ :  97811-72781