ਹਾਰ ਨਹੀਂ ਹੌਂਸਲਾ ਜ਼ਿੰਦਾਬਾਦ

ਪੱਲੇ ਬੰਨ੍ਹੀਏ ਕਿਹਾ ਸਿਆਣਿਆਂ ਦਾ, ਚਾਦਰ ਵੇਖ ਕੇ ਪੈਰ ਪਸਾਰੀਏ ਜੀ,

ਪਈਆਂ ਖੋਟੀਆਂ ਆਦਤਾਂ ਮਾਰ ਦਈਏ, ਕਾਹਤੋਂ ਅਪਣੇ ਆਪ ਨੂੰ ਮਾਰੀਏ ਜੀ, 

ਲੈਣੇ ਕਾਸਨੂੰ ਅੱਡੀਆਂ ਚੁੱਕ ਫਾਹੇ, ਨਾਲ ਸਬਰ ਸੰਤੋਖ ਦੇ ਸਾਰੀਏ ਜੀ,

ਚੜ੍ਹਦੀ ਕਲਾ ਦੇ ਪੁਰਖਿਆਂ ਗੀਤ ਗਾਏ, ਵਿਰਸਾ ਅਪਣਾ ਜ਼ਰਾ ਨਿਹਾਰੀਏ ਜੀ,

ਕਰ ਕੇ ਯਾਦ ਮਾਂ-ਬਾਪ ਦੀ ਘਾਲਣਾ ਨੂੰ, ਢਹਿੰਦੀ ਕਲਾ ਨੂੰ ਦਿਲੋਂ ਨਕਾਰੀਏ ਜੀ,

ਵਿਹਲੜਪੁਣਾ ਸਰਕਾਰਾਂ ਦੀ ਝਾਕ ਛੱਡੋ ਅਪਣੇ ਹੱਥੀਂ ਹੀ 'ਕਾਜ ਸਵਾਰੀਏ' ਜੀ।

-ਤਰਲੋਚਨ ਸਿੰਘ 'ਦੁਪਾਲਪੁਰ' , ਸੰਪਰਕ : 001-408-915-1268