Dreams
ਸੁਪਨੇ ਉਹ ਨਹੀਂ ਹੁੰਦੇ
ਜੋ ਗੂੜ੍ਹੀ ਨੀਂਦ ਵਿਚ
ਸੌਣ ਤੋਂ ਬਾਅਦ ਆਦੇ ਹਨ
ਸੁਪਨੇ ਤਾਂ ਪਿਆਰਿਉ
ਉਹ ਹੁੰਦੇ ਹਨ
ਜੋ ਸਾਨੂੰ ਸੌਣ ਹੀ ਨਾ ਦੇਣ
ਨੀਂਦ ਵਿਚ ਲਿਆ ਸੁਪਨਾ ਤਾਂ
ਦਿਨ ਵਿਚ ਵਾਪਰੀ ਹੋਈ
ਅਜੀਬ ਤੇ ਅਸੀਮ ਘਟਨਾ ਦਾ
ਰੂਪ ਹੀ ਹੁੰਦਾ ਜਾਪਦੈ
ਮੰਜ਼ਿਲਾਂ ਨੂੰ ਸਰ ਕਰਨ ਵਾਲੇ
ਕਦੇ ਨੀਂਦ ਦੇ ਸੁਪਨੇ ਲੈ
ਅਪਣੇ ਮਿਸ਼ਨ ਤੇ ਨਹੀਂ ਚੜ੍ਹਦੇ
ਉਨਾਂ ਦਾ ਸੁਪਨਸਾਜ਼ ਤਾਂ
ਇਕ ਮਿੱਥ ਹੁੰਦੀ ਹੈ
ਉਹ ਕਦੇ ਮਾਊਂਟ ਐਵਰੈਸਟ ਉੱਤੇ
ਨਹੀਂ ਚੜ੍ਹ ਸਕੇਗਾ
ਜੋ ਰਾਤ ਵੇਲੇ ਨੀਂਦ 'ਚ ਪਿਆ
ਇਹ ਸੁਪਨਾ ਲਏ
ਕਿ ਮੈਂ ਚੋਟੀ ਸਰ ਕਰਾਂ
ਨੀਂਦਰੇ ਸੁਪਨਿਆਂ ਦੇ ਸੱਚ ਨੂੰ
ਉਹੀ ਸਵੀਕਾਰੇਗਾ ਜੋ ਸਿਰਫ਼
ਸੁਪਨਿਆਂ ਵਿਚ ਹੀ
ਵਿਸ਼ਵਾਸ ਕਰਦਾ ਹੋਵੇ
ਮੈਂ ਨਹੀਂ ਕਹਿੰਦਾ ਅਤੇ ਨਾ ਹੀ ਰੋਕਦਾ
ਕਿ ਸੁਪਨੇ ਨਾ ਲਉ
ਸੁਪਨੇ ਲਉ ਜ਼ਰੂਰ ਲਉ
ਪਰ ਸੁਪਨੇ ਉਹੀ ਲਉ
ਜੋ ਸਮਾਜ ਸਾਹਮਣੇ ਆਉਣ
ਸਾਰੇ ਸਮਾਜ ਨੂੰ ਉਹ ਸੁਪਨਾ
ਸੱਚ ਜਾਪੇ ਬਿਲਕੁਲ ਸੱਚ।
-ਬਲਬੀਰ ਸਿੰਘ ਬੱਬੀ
ਸੰਪਰਕ : 70091-07300