Leader
ਤੂੰਂ ਵੀ ਬਣ ਜਾ ਨੇਤਾ ਸਜਣਾ, ਵਾਅਦੇ ਕਰ ਭੁੱਲੀਂ ਚੇਤਾ ਸਜਣਾ,
ਪੰਜੀਂ ਸਾਲੀਂ ਜੋੜੀਂ ਹੱਥ ਪੈਰ, ਵੋਟਾਂ ਵੇਲੇ ਮੰਗੀਂ ਖ਼ੈਰ,
ਐਕਟਿੰਗ ਕਰ ਜਿਉਂ ਅਭੀਨੇਤਾ ਸੱਜਣਾ, ਤੂੰ ਵੀ ਬਣ ਜਾ ਨੇਤਾ ਸਜਣਾ,
ਜਿੱਤ ਕੇ ਤੂੰ ਇਕ ਵਾਰੀ ਫਿਰ, ਨੋਟਾਂ ਦੇ ਲਾ ਲੈਣੇ ਢੇਰ,
ਵੇਚੀਂ ਨਾਜਾਇਜ਼ ਰੇਤਾ ਸਜਣਾ, ਤੂੰ ਵੀ ਬਣ ਜਾ ਨੇਤਾ ਸਜਣਾ,
ਕਰੀਂ ਜਹਾਜ਼ਾਂ ਵਿਚ ਤੂੰ ਸੈਰ, ਕਦੇ ਇਥੇ ਕਦੇ ਉਥੇ ਠਹਿਰ,
ਜਾਣੀਂ ਖ਼ੁਦ ਨੂੰ ਰਚੇਤਾ ਸਜਣਾ, ਤੂੰ ਵੀ ਬਣ ਜਾ ਨੇਤਾ ਸਜਣਾ,
ਮੂਰਖ ਜਨਤਾ ਨੂੰ ਰੱਖੀਂ ਧੱਕੀ, ਕਰੀ ਜਾਈਂ ਬੱਸ ਪੈਨਸ਼ਨ ਪੱਕੀ,
ਕਰ ਸੌਖਾ ਸਮਾਂ ਅਗੇਤਾ ਸਜਣਾ, ਤੂੰ ਵੀ ਬਣ ਜਾ ਨੇਤਾ ਸਜਣਾ।
-ਗੋਗੀ ਜ਼ੀਰਾ, ਸੰਪਰਕ : 97811-36240